بتردي علي دخلي مب راده بعد دخلي الشكوه لله

اختي وجم اعملي بحث في المنتدى فية حركات اكثر من روعة
ماعرف احط روابط كان افدتك اكثر ان شاللة البنات مايقصرون

أنا ما كتبت هذا الموضوع يا أختي / أم خالد ..
إلا بعد عجز ..
والحركات السابقه كلها سويتها ابي شي جديد والله ..
تكفون ساعدوني ..

`الصراحه انا ما اعرف لاني مب متزوجه ان شاء الله الفرشات بيفدونج

حبيبتي فيه مطاعم تأجر قاعات صغيرة لشخصين ويسون لك حركات حلوه حسب طلبك مثل مطعم النخبه عندنا في الرياض اكيد فيه نفس هالقاعات في الدوحه بس انت اسألي ...................اتمنى اكون افدتك عزيزتي.

انا في عيد زواجي حجزت ليلتين في نفس الفندق الي سكنا فيه اول ما تزوجنا ، وبنفس السويت بعد، وقبل عيد زاجي بفترة صغيرة جان اكتشف ان اهو بعد مخطط ان يحجز بالفندق نفسه بس زيادة عليها ان يابلي خاتم
شوفي اختي .. إذا السالفة راده على الأفكار فالأفكار وايده و مو شرط انها تكون مكلفة ..
ممكن اتغيرين تكسرين الروتين وتفاجئينا بليلة ما يقدر ينساها بحياته، انا بقولج الأدوات وانتي وترتيبج يعني كيفج رتبي ليلتج بالطريقة الي انتي تبينها انا بس بقولج الأشياء الي ممكن تساعدج انها تكون ليلة حلوة
1- قميص نوم كده
2- طبعا المكياج + التسريحة حتى لو شي بسيط لا تتكلفين حتى لو سشوار
3- شموع في كل انحاء البيت ولا تنسين اتنوعين فيها وتييبين من الي لهم ريحة
4- طبعا البخور في كل مكان
5- كيكة صغيرونة ولذيذة وشكلها يكون حلو + مثلا عصير فراولة أو برتقال أو منجا على ذوقج المهم ان يكون فريش وانا افضل الفراولة احسه رومانسي اكثر
6- روحي بودي شوب واشتري من هذيل الكور الي تحطينهم بالماي الدافي يذوبون يطلعون ريحة ويساعدون على الاسترخاء + رغوة
7- استقبليه بقميصج النوم اليديد الحلو ويستحسن اتغيرين بريحة عطرج عشان التجديد مهم ولا تنسين الابسامة والكلام الحلو الناعم والباجي ما يحتاي اقوله
وبس عاد انتي واسلوبج انا بس قلت اذكرلج الاشياء الي ممكن تساعدج وانتي واسلوبج
وفي فكرة ثانية
بدال لا تشترين قميص نوم دوري على بيجامات نفس الشي حقكم انتو الاثنين ، اعتقد لو ادورين تلقين بجامة حقكم وتشتريله نفس بجامتج بس طبعا رجالية خ .. يعني فنتق
او مثلا اشتري ملابس بيبي بس حقج وسويلج عناقيص وتكلمي معاه بأسلوب البيبيات بس على دم خفيف مو نفس مسلسل ماني قايلة اسمه

او مثلا اشتريله هدية (موبايل - قلم - بوك - جوتي الخ )

حبيبتي انا سويت حركاات كثيره الى زوجي ................الخ
أنا في عيد زواجنا حجزت سويت في فندق فخكم وخبرتهم من قبل أنه أنا عندي مناسبه وأبي المكان يكوون رومنسي وابي يجهزون عشا على أضواء الشموع ويحطون ورد ........الخ
وهم طبعا ما قصرو بس كل شي بحسابه ههه
وشريت روب نوم جديد وعطر جديد وصلحت شعري بطريقه ناعمه مع ميكئب نعوم
وبس وكانت ليله من أحلى اليالي وطبعا زوجي جاب الي هديه ولا كنت زعلت
وخليته يدفع الفاتوره عقابا له وردعا لأمثاله ههه
أتمنى فتك حبيبتي
ويله سلام

انا شوري انك تحجزين استراحه وخاصه ان الجو وايد حلو هالايام

شوفي بالنسبة لي أنا فأنا مع التغيير الشامل لكل شي:
يعني شوفي مثلا أكيد إنتي متعودة دايما عاللبس الناعم والتسريحات الناعمة عندج مثلا وهذي أول فكرة:
تقدرين تسوين تسريحة عروسة ومكياج عروس بعد وتلبسين بدلة عرسج وتكون القعدة في البيت بدون أطفال
وأكرر وأعيد وأزيد بدون أطفال عشان الجو لايخترب عليكم وتترسين البيت شيفونات وستانات وشموع ونثريهم بكل الزوايا وهالله هالله بالروايح الزينة.
(( بس طبعا كل شي بيخترب إذا صغر مقاس الفستان عليكي أو إذا كان أجار مومشكلة عوضيها بقميص نوم تنكري على بدلة عروس وبتكوون فكرة جديدة عليه))
الفكرة الثانية حبيبتي إنج تنحاشين عن النععوم الملابس والمكياج الناعم تقدريين تحطين ميكب أسود على عينج والحمرة حمرة لماعة ولاتقولين سمرة ولا بيضا كله جدام الريال ينفع وأهم شي الثقة بالنفس أنا حتى الأسود والأزرق حطييت وتسويين شعرج بف أو طاير من جدام مثل بنات الليل وتلبسين قميص نوم نفس إلي يلبسونه صدقيني وعن تجربة بتطلع عيونه عليج كأنه مومصدق ونثري جلتر بالبيت وحطي الكرة إلي تدور مالت الإضاءة إلي كلها ألوان وتتحرك بتسوي الجو فظيع وهذي أفكاري وإنشالله تعجبج جريئة شوي لكنها كسر للروتين وإنشالله بتفيدج وتفيد الغير.
(( الله يعينج على تنظيف الجلتر بيدمركم))
اي ونسيت شغلة شوفي أهم شي تحطين شريطة على رقبتج في كل الحالتين ولما تخلصون العشا الرومنسي ولا الفيلم الرومانسي وتيي لحظة ال......... (( عارفة قصدي)) عطيه بطاقة وانحاشي الغرفة وطبعا مكتوب فيها هديتك ناطرتك على نار وطبعا إنتي بتكونين الهدية فبتوفرين جذي على نفسج الهدية
والله يعينج ويوفقج وانشالله تعجبج افكاري ناطرة الرد