بخصوص السنة التحضيرية في جدة لمادة اللغة الإنجليزية

السلام عليكم ورحمة الله وبركاته..
كيف حالكم يا فراشات؟ اتمنى انكم بصحة وعافية وفي زيادة طاعات يارب في هذي العشرة الأخيرة من رمضان
ما بقي شيء خلص الشهر طيران..يارب انك تعتقنا في هذا الشهر من النار احنا واحبابنا يارب..
الموضوع باين من عنوانه حبيباتي..
بس حبيت أقلكم معلومات أعتقد الكثير من البنات الجدد اللي داخلين جامعة الملك عبد العزيز بجدة بيسألوا عنها..
المهم بالنسة لاختبار تحديد المستوى حيكون يوم الأحد ويوم الإثنين 10-11 شوال .. اكيد كل وحدا عارفة متى اختبارها..
ثاني شيء النظام هذي السنة حيكون مرة مختلف عن السنين اللي فاتت اسمه النظام الربعي ..
يعني محا تدرسوا انجليزي بالسنة ولا بالترم بالأرباع ..
يعني كل ربع 6 أسا بيع (كل ربع = 4 ارباع = 4 مستويات)..
لكن لنفترض اختبرتي اختبار تحديد المستوى واتحدد مستواك 2 او 3 او 4..
راح تدرسي بس 3 ارباع (مستويات) لو كنت مستوى 2 وتخلصي انجليش.. او لو كنت 3 حتدرسي 3 و 4 ربعين وتخلصي..
لو حطوك 4 مثلا راح تدرسي ربع واحد بس..
لكن لو مثلا اختربتي واجتزتي المستوى الرابع كمان يصير خلاص ما تدرسي انجلش بالمرة ..
وبالنسبة للتوفل لو كان عندك توفل ممكن يعادلولك هي بالانجلش وخلاص ماتدرسي (والله اعلم) الدرجة 400 ..
ام حيكون الدراسة 18 ساعة في الأسبوع لكل ربع تدرسيه..
ام بالنسبة للدرجات حتكون..
10% للعرض الشفهي ..
20% للكتابة..
0% للاختبار النصفي..
0% للنهائي..
(هذا طبعا لكل ربع)..
وبس أتمنى تستفيدوا من المعلومات هذي.. والله يوفقكم ويوفقني معاكم يارب..
الله ييسرلكم يارب..
أختكم..
قلب تائب يتألم