بخصوص المهر يابنات

حتى انا مثلك ماني عارفه وش اسوي
كل شي ارتفع ما عدا المهور ههه

اتمنى لك التوفيق ياعسل..

الله يتمم لك على خير
اول شي تصدقي بمبلغ قليل
انتي شوفي ملابسك يعني ايش اكثر شي متوفر عندك
هذا يبين لك كيف تقسمين
الاندر وير 1500
القمصان والبجيايم 3000
الفساتين النعوومه مع التيورات 3000
ملابس البيت 1500
الشنط اليدويه مع الجزم 1500 << اما اذا بتاخذي ماركات راح تزيد
العطورات والمكياج 3000
شنط السفر 1000
فستان العروس 6000
مكياج العرووس 2000
التصوير للزواج 3000
هذا اللي قدرت اوضحه لك واتمنى انه يفيدك

سلام اختي ..
لاتشيلي هم وتذكري قول الرسول صلى الله عليه وسلم((اكثر النساء بركه ايسرهن مهرا))
انا مهري 40 الف والحمدلله احسه بيكفي ...
مع اني من النوع اللي مايعجبني اي شيء ..وأحب الشيء الفخم وأهلي كذالك ...
المهم انا قسمت مهري على هالاساس..
ان الذهب مخصصه له 20الف
شريت ساعه الماس 5200ريال من الدهام وبعد الخصم اخذتها ب3300ريال
ملابس نوم 2000 ريال ..
ملابس طلعات للنزهات ..1500 ريال
المكياج ..1500ريال
عطورات وعود ..3200ريال
فساتين..3فقط ب4000ريال..
عاد التياروات باقي ماشيرتها بس بشتري بحدود 1500ريال
الجزم انا صراحه استغليت التخفيضات واخذت من فنسي 4 صنادل فخمه ب200ريال
لا تنسين تاخذين شنط السفر من الاشياء الفخمه..يعني من قزاز تلقين اشياء فخمه
بس غاليه...لكن انتي عروس ويبلك شي فخم...
الباقي اكمله لكم بعدين..
وشكرا
شهد

الله يسعدك يانهرالعطا والله ضحكتيني وصادقه والله وياقلبي عليك ياطوق الياسمين الله يوفقك thehonyوطموح بريئه الله يسعدكن في الدارين ويوفقنا جميعا

حبيبي قسميه حسب الاولويه بالنسبه لك
امسكي ورقه وقلم واكتبي
اندروير في حدود ..........
قمصان نوم .......
ملابس بيت ......
ملابس طلعات .......
شنط وجزم .......
فستانين او 3 سهره لاتكثري لان الموضه تتغير ......
كم عبايه شي سهرات وشي طعات عاديه ......
مكياج وعطورات وكريمات ........
طقم شنط للملابس اشتريها كويسه وفخمه لانك بتحتاجييها كثير ......
طبعا فستان الفرح والمصوره والمكياج والتسريحه هذا لكه لو من المهر لازم تحسبيه اما اذا كان من اهلك يكون اريح
فستان الفرح ...
الصور ...
الصالون ...
طبعا لو انتي حابه تعملي قبل الفرح حمام مغربي وعنايه بالبشره والشعر هذا كمان لازم تحسبيه
انتي حطي الاشياء حسب الاولويه بالنسبه لك
كمان ماافي احد يقدر المبالغ غيرك انتي لان كل شخص يختلف عن الثاني
الله يوفقك حبيبتي

والله احس تجهيزاتكم مو غاليه يابنات انتوا بالرياض اسعاركم رخيصه ولا وشو؟؟

مرحبا عزيزتي
من واقع تجربتي
صرفت مهري وخلص وباقي اشياء كثيره ماخلصتها
أخذت من اهلي زياده
والسبب اني ماخططت كويس
وكل شي غالي
وزد هذا اني مايعجبني العجب وذوقي صعب
لكن حصل انو خلص المهر والعروس اللي هي انا ماخلصت
المهم ياعزيزتي
زي ماذكروا الاخوات في ردودهم تقسمين الميزانيه
والاهم تجيبي دفتر وتكتبين فيه كل اللي تبغين
وكل ماتشترين شغله تشطبين عليها
وكثري من ملابس البيت لانها هي اللي بتطول معك
اما ملابس الطلعات والاشياء الرسميه خذي كم قطعه مرتبه وتكفي
لاتكثري عطورات لانها بتكريهنيها وهذي نصيحة صديقاتي المتزوجات
أم اهم شئ تصدقي لو بمبلغ بسيط
وربي يوفقكِ ويوفقني وكل بنات العالم

الله يعين