بسبوسة تهوس

بسبوسة رمضان
مساء الورد والجوري...
جايبتلكم اليوم طريقة عمل بسبوسه
لقيتها بأحدا المنتديات واعجبتني وان شاء الله تعجبكم انتم بعد
هذه البسبوسة جد طعمها لا يوصف على قد مهي طيبة
ودايما لما اقدمها لضيوفي لا زم اسمع هذا السؤال:
من اي محل هذه البسبوسة؟
هذا مو كلامي كلام صاحبة البسبوسه
مو تحطونها براسي انا بعد ماجربتها
انا اخذت طريقتها من منتدى .
جربوها و ان شاء الله بتعجبكم...
نبدأ *بالمقادير:

• كوب و نصف سميد ناعم
• كوب و نصف حليب بودرة
• كوب و ربع سكر بودرة
• ملعقة صغيرة و نصف بكن بودر
• اصبع زبدهدة
• 3 علب قشطة نستله
• الحشوة:

7 علب صغار قشطة نادك(قشطة طازجة)
العلبة الواحدة= 100 جرام
و اكيد القطر و فستق مطحون(للتزيين)
الطريقة***

• في وعاء نضع الزبدة و لازم تكون لينة و بعديها نضيف فوقها

السميد + حليب بودرة + سكر بودرة + بكن بودر
البسبوسة بالقشطة

• و نحركهم حتى تصير نفس اللي بالصورة
• بعدين نضيف 3 علب قشطة نستله و نحركهم...

في صينية تيفال نضع نصف مقدار البسبوسة.(ممكن تستخدمي صينية
زجاج بس ادهنيها زبدة بالاول)

• قبل ما نضيف القشطة نحركها بشكل دائري لين تصير قريب السائل

عشان نعرف نفردها.... مثل الصورة شوفوا كيف قبل وبعد
قبل***
بعد***
نطبق نفس الطريقة على باقي العلب ونضيفهم على طبقة البسبوسة

• نضع النصف الباقي من البسبوسة على مهل و بالملعقة فوق القشطة(حتى لا تختلط الطبقات)

..و ندخلها الفرن حرارة 180 درجة( يكون حامي من قبل)
البسبوسة بالقشطة
البسبوسة بالقشطة
و بعد قترة انت حتلاحظي ان الاطراف صارت اجمد من قبل ...بس لا تطلعيها
من الفرن لازم الوجه بالكامل يصير اجمد من قبل

• الخطوة الاخيرة: حمريها من فوق لين تاخذ اللون الذهبي الحلو..
• بس تبرد قطعيها ووزعيها في اطباق التقديم

و حطي عليها القطر(الشيرة)
و زينيها برشة فستق.
البسبوسة بالقشطة
جربوها واعطوني رايكم فيها
وبالهناء والعافيه