بسبوسة محشية معها تحلو المذاكرة من إعدادي

1. بعدها نصب جزء من الخليط في صينية بايركس متوسطة مدهونة بزيت


2. ونبدأ نحضر الحشوة ::

صباحكم/مسائكم رضا من رب العالمين
طبعا هذا أول موضوع لي في قسم الطبخ بشكل عام
وهو من ابداعاتي أيام الاختبارات >>هروبا من المذاكرة
من دفتري المتواضع
طبقنا اليوم " البسبوسة المحشية " سهله وطلباتها دائما متوفرة ولذيذة وتنفع لعصريات الحريم والرجال
المقادير :
المجموعة الاولى:
1 كاس حليب بودرة
نصف كاس زيت نباتي
نصف كاس سكر
بيضة
علبة قشطة
المجموعة الثانية :
كاس ونصف سميد
ملعقة كبيرة بكينج بودر
نصف كاس حليب سايل << لتخفيف الخليط اذا كان ثقيل
مقادير الحشوة :
كاس ونصف حليب سائل ومحلى << يعني انتي تحطين عليه السكر (((( يكون بمويه عادية ومو حارة )))
3 ملاعق كبيرة نشا الذرة
علبة قشطة
طريقة التحضير :
نحط مقادير المجموعه الاولى في وعاء ونخلطهم بالخفاقة اليدوية او بالملعقة إلى أن تتجانس
نضع عليها مقادير المجموعه الثانية ونخلطهم واذا حسيتي انها ثقيله صبي شوي من الحليب السائل عليها
نغطي عليها ونتركها ربع ساعه

بعدها نصب جزء من الخليط في صينية بايركس متوسطة مدهونة بزيت

ونبدأ نحضر الحشوة ::

نحط الحليب المحلى البارد في قدر ونحط عليه 3 ملاعق نشا الذرة ونحركه الى ان يذوب ونشعل النار ونحرك إلى ان يبدأ يثقل ((( مو تخلينه يجمد مره انتبهي !!) )) وبعدها نرفعه من النار ونحط عليه علبة القشطة ونحرك بسرعه بسرعه
ونحطه على طبقة البسبوسة ونوزعه بشكل متساوي
بعدها ناخذ الجزء الثاني من خليط البسبوسة ونخففه شوي بالحليب السائل ونفرده عالوجه
بس خذي حسابك انك ماتحطينه في النص وتبدأي تفردي لا
خذيه بالملعقة وحطيه شوي شوي في أنحاء الصينية
وهذي صورته قبل ماندخلها الفرن
ندخلها الفرن ونشغل عليها من تحت بعدين من فوق
نسوي الشيرة ( كاس سكر وكاس موية ) وتغلينها عالنار بس لاتخلينها تثقل
نطلعها من الفرن ونصب عليها الشيرة
وقدميها وهي دافية
احذر .. الحشوة ساخنة !!
م ولا أطيب
جربوها ولن تندموا
تقبلوا تحياتي والى اللقاء في ابداعات اخرى