بسبوستي الطعمه والسهله بالصور

مرحبا
بناء على رغبه الكثيرين واصار والحاح شديد منهم <<< مصدقه نفسها
قررت انزل لكم بسبوستي الطعمه مع لمستي الفنيه الخاصه..
مررا طعمه ومقرمشه (هذا السر)
وسهله ماتاخد وقت ابدا ابدا
يلا نجي للمقادير
كاسه وربع سميد (كاسة الجبنه الكبيره)
نص كاسه حليب بودرة
نص كاسه سكر
نص كاسه زيت
قشطه
ملعقه كبيره بيكنج بودر
كيس شعيريه باكستانيه
الطريقه
تحطي المقادير على بعضها في خلاط الكيك او حتى لو مضرب اليد كلها واحد وتضربيها كويس
بعدين تجيبي صينيه (انا اسويها في صينيه البايركس الصغيره ) على قدي انا وزوجي
تدهني الصينيه زيت وتحطي الخلطه عليها وتهزي الصينيه مضبووط عشان تتساوى فيها..
بعدين تجيبي الشعيريه الباكستانيه وتفتتيها وترشها فوقها وكثري ممنها لانها تسوي قرمشه مرا حلوه في البسبوسه ..
وبعد ماتحطيها دخليها الفرن على نار هادئه الين ماتستوي ولمن تطلع حطي الشيره وهي حااره ..
وبالهناء والعافيه
ملاحظه
طبعا اذا صينيتك كبيره لاتنسي تضاعفي الكميه
هذي الصور حاولت تكون واضحه يارب تعجبكم