حلى سريع طريقتي

السلام عليكم ورحمة الله وبركاته
بنات هذا حلى سريع طريقتي ومرة حلو وان شاء الله يعجبكم.
حلى البسكوت
المقادير:
1 باكيت بسكوت شاي مطحون.
1 علبة حليب مكثف محلى.
نصف كوب جوز الهند.
الطريقة :
تخلطينهم مع بعض وتسوينهم دوائر ودخلينهم في الثلاجة لمدة ربع ساعة ويقدم مر حلو وسريع واذا تبغين تحشينهم بجبن كيري روعة لكن بدون حشوة حلو بعد .
والحلى الثاني:
المارس بالكورن فلكس:-
المقادير:
كوب كورن فلكس.
ملعقتين زبدة .
4 حبات كاكاو مارس.
قوالب صغيرة مثل قوالب الكيك (ما اعرف شو اسمه لكن تكون صغيرة مثل قوالب الكيك وتكون ورقية ان شاء الله عرفتوا)
الطريقة :
تذوبين الكاكاو في حمام مائي مع الزبدة بعد ان يذوب مرة تضيفين كوب الكورن فلكس واذا احتجتي اكثر عشان يتماسك ضيفي لكن حاسبي على حبات الكورن فلكس عشان ما تتكسر بعد ذلك نحط شوي شوي من الخليط في القوالب الصغيرة وندخلها الثلاجة الى ان يجمد الكاكاو ويقدم مرة كشخة جربوه