بسيطة لكن مؤثرة في نفسه للأبد

..
..
قبل كل شيء السلام عليكم ورحمة الله وبركاته ..
اخواتي المتزوجات ..
في حركات بسيطة ما تنتبه لها الكثير من الزوجات .
وهي الاساس اللي يخلي الزوج لا شعورياً و بدون ما يحس انه يرجع لك ويحب يكلمك بدون توقف .
( 1 )
لما تدخلين الغرفة عشان تنامون ..
اخر خطوة قبل لا تنسدحين على سريرك ووسادتك تطيبي و فوراً نامي على وساتدك متعمدة ان يعلق عطرك بقوة في الوسادة حقتك فقط .
مع الايام بتلاحظيه دائماً يسم وسادتك و يتمسح فيها لانها غير .
( 2 )
هبب مصيبة كبيرة مثلا : لعبوا عليه و اخذوا فلوسه اللي حيلته .
نصحوه اهله و اصدقاءه من شيء كبير وسواه و فعلا صار اللي حذروه منه .
وش بيصير بنظرك ..
هجوم شرس من اللي حواليه .
يبذبحونه تهزيء وملامه و هواش ..
انتي شو دورك ..
انك تتكلمي بلسان عقله الباطن ..
ما عليه حبيبي ..
هذي تجربه اكيد استفدت منها خبره لا بد الواحد يغامر ..
وش رايك في التجارة الفلانية طيب ..
لا تقولين فدوة لعمرك المبلغ اللي راح ..
لانها ما تكفي وتحسسه انه المبلغ غالي بس ماعليه انت اغلى كيفه ..
حسسيه انه الامر عادي وطبيعي و الكل يصير له هالشيء ..
بس من بعيد يعني لا تكونين صريحة وتقولين الجايات احسن و ياما ناس صارت لهم اشياء اصعب من كذا .
لا .. خليه يحس انك الوحيدة اللي تشوفين انه الموضوع ما يستحق نناقشه حتى و عادي وماله داعي تضيق صدرك حتى ..
اتذكر وحدة من صديقاتي تقول :
زوجي راح مع اخوياه ذاك اليوم لاستراحة يلعبون ويستانسون .
انا ساكنة فوق اهله اهله كانوا متواجدين تحت كلهم انا في بيتي فوق ..
شوي الا اسمع في الدرج هواش واصوات عالية .
طليت لقيت زوجي مكسورة رجله وجبرة وقاعدين يهاوشونه انه ما ينتبه و المفروض و ما ادري ايه ذبحوه ملامه و هواش ..
بس شافني في الدرج قلت له بسم الله على قلبك روحي يا عيوني سلامة روحك ..
و مشاعري وشكلي تقول ميته خوف عليك ..
ساعدته وجبت له فراش وجلسنا سوى و سوالف عادي ..
رغم انه امه تحتنا بيتها الا انه جلس فترة العلاج كلها عندي فوق و الناس تجيه عندي فوق وما حب ينزل تحت يتدلع عند امه .
( 3 )
هوايته ..
انتي لما تحبين الفوتوشوب مثلا ..
و ما احد حواليك يحرص على تقدمك ومواهبك و اخر اختراعاتك وابتكاراتك .
فجأة واحد يسألك شو آخر برنامج استعملتيه في الفوتوشوب او شو اخر اصدار نزلوه او شو اخر تصاميميك وريني ..
شو شعورك تجاهه و كيف احساسك معه ..
خصوصا لما يبين حرصه و يبين لك رغبته انه تخبريه بكل جديد وتسولفي له دائماً عن مستجداتك و اخبارك في هذا العالم .
نفس الشيء بالنسبة للزوج ..
اكتشفي هوايته وركزي عليها وجيبي لها سيرة وهو ما فكر فيها حتى ..
هذا اللي حالياً سأعود إذا تذكرت شيء آخر .