متزووجه من مطلق إدخلي هنا

**دلوعة سوسو**

25-05-2022 - 12:47 am

السلام عليكم ورحمة الله وبركاته..
يابنات حبيت كل وحده تقول تجربتها بالزواج من رجل كان متزوج من أخرى ..
يعني هلى تحسين مرات بالغيره عندما تتذكرين زوجته الاولى؟؟
والا عادي ..
واذا كان عنده عيال كيف تتعاملين معهم..
وبس..

التعليقات (6)

رمش الحسا

25-05-2022 - 03:00 am

ان شاءالله المتزوجات يفيدونك

^جــــــــــودي^

25-05-2022 - 05:02 am

ياقلبي انا متزوجه من مطلق مرتين
الزوجه الاولى جايب منها بنت والثانيه في نفس اليوم طلقها
الحمد لله زوجي مالي علي حياتي زواجنا تقريبا من سبع سنوات جبت منه ولدين والحمد لله
بالنسبه للغيره مافي حرمه ماتغار ع زوجها
احيانا لما اتذكر زوجته الاولى آغار واتذكر كيف كانو مع بعض والخ << مجنونه
بالنسبه لبنته مو عايشه معانا عند امها وامها متزوجه
كثير يقولو المطلق ماينسى ويجلس يقارن بين طليقته وبين زوجته الجديده
انا اقول ايوا راح يقارن لأنه ماطلق الا في شي ناقصه ويبي يعوضه من زوجته الجديده << اتكلم عن تجربتي
الحمد لله اولا واخيرا بفضل الله يقول اللهم لك الحمد توني حسيت بطعم الزواج والله لايفرق بينا
احس اني قلت قصة حياتي ههه
بس ماقلتي لي وش سبب طرح الموضوع << ياشين التلقف
يسلموو ع الموضوع الحلو

ريماس555

25-05-2022 - 06:03 am

حبيبتي انا متزوجه من واحد مطلق وعنده بنت
والبنت عند امها حاليا عمرها 7 سنوات وانا تزوجته قبل 3 سنوات لكن يمكن انا حالتي شوي استثنائيه وماافكر ان زوجي ممكن يفكر بطليقته ابدا ولا فيه مجال للمقارنه بيني وبينها
خ
انا اقولك ليه حالتي استثنائيه لان زوجي يكرههها كره ابليس ولما تجي سيرتها تحسينه يتضايق ويقول ماعاد ابي اسمع طاريها الله يقلعها و
ههه
اما بنته مايسأل عنها ابد ابد الا من الصيف الى الصيف يشوفها بس
م
طبعا لا مااغار وبنت زوجي انا اللي قلت له يجيبها عشان اربيها مع عيالي وهي توها صغيره احسن ماتجيني بكره وماحد يقوى عليها ... لان تربية امها الله يخلف بس

الجــــgoreeـــوري

25-05-2022 - 08:05 am

موضوع حلو
وننتظر راي الاخوات
شكرا لك

ريحانة ماما

25-05-2022 - 09:06 am

صديقتي متزوجة من مطلق
وعنده ولد مدري بنت والحمدلله مبسوطه
سبب طلاقه يقول انه مو مرتاح مع الأولى
والله يوفقهم والجميع

jazabele80

25-05-2022 - 10:07 am

موضوع حلو ,, ونستفيد من بعض انا الان متملكه وزوجي مطلق وعنده بنت وولد وراح يعيشوا معي وبالنسبة لي عادي وبالعكس عيالوا مره مؤدبين واحبهم ,, بس فكره انوا يفكر بطليقتة كثير تراودني واتضايق وخاصة لما عرفت انوا تزوجها بعد قصة حب من ايام اطفولة ,,, جد انا انقهر واغار موت مع انوا جلس بعد الطلاق خمس سنوات
لان بديت انوا يتغير علي واجلس بالايام ما يكلمني ويتهرب من تحديد الزواج ويتعذر باشغاله والله بالي مشغول ولا اعرف كيف اتصرف معه

بسيطة لكن مؤثرة في نفسه للأبد←
زوجي مدخن ويراني غير مهتمة بالعطورانظروا ماذ ا فعلت→