بشاره والله والله بنات ادخلو وادعو لي لقيت اللي تدورون عليه وببلاش منقول

السلام عليكم ورحمة الله وبركاته
اليوم لقيت خلطه انا ماجربتها لاني مداومه على خلطه ان شاءالله تنفع ...قولت اجيبها امكن تسفيدو منها ان شاءالله ...بس من جد يابنات جربوها احسها مرره مفيده ماشاءالله لان المكونات مفيده ومعروفه لشعر...
اسيبكم مع الخلطه ب كلام صاحبة الخلطه..
قوه بنات
انا مابي شي منكم الا تدعولي لو نفعت معاكم بان الله يسهل علي اموري
انا من فترة كنت ابيع هالخلطة ووايد وايد شروا مني مرتين وثلاث وقالوا حق رفيقاتهم وربعهم بس
حاليا بس موجهة اهتمامي حق خلطات الحنة للبيع وبس
اما الزيوت تركتها من زمان
فقلت افيدكم يمكن وحدة فيكم حابة تجربها
بس لازم تتقيدون بالشروط المكتوبة
وولا وحدة فيكم تقول مانفعتني بعدين وبالاخير تكون مو ماشية صح
انا ترى مالي ذنب ومن الحين اللهم قد بلغت اللهم فاشهد :zakia:
اولا
اسم الزيت
( خلطة مجربة )
لأن جربته على نفسي وعلى اختي قبل لا ابيعه
ولو ماشفت نتيجة فظيعة جان ما فكرت ابيعه
التعليمات :
لازم تحطون الخلطة اول اسبوع بشكل يومي
ساعتين - 3 يوميا بس لكم يالكبار
وساعة - ساعة ونص بس يوميا للبنات الصغار
هالاسبوع علشان الفروة تتنظف عدل من الشوائب وتتغذى تغذية صح من الزيت
وفي الاسابيع الباقية تستعملونها بنفس عدد الساعات
لكن 3 مرات في الاسبوع بس
وهالاسابيع الباقي علشان يستفيد الشعر من الزيت على هداوة ورواق وما تتعبين عمرك ولا تملين يوميا
لأن لو صار الشي روتيني ويومي بتملين
وبتشوفون النتيجة بالنعومة واللمعة من اول استعمال
ونتيجة انبات الشعر وتطويلة بتبدي معاكم من ثاني الى ثالث اسبوع
كل وحدة وحسب طبيعة فروة راسها
الحين :
طول فترة اللي تستعملين فيها الزيت لازم تسوين التالي :
1- ممنوع تمشطين شعرج وهو مبلول علشان مايطيح شعرك لأن مسامات الشعر تكون مفتوحه
2- لما يكون شعرج معقد ومتشابك دايما تمشطين اللي تحت وتفككينه بعدين تصعدين لي فوق وتمشطين .
3- الزيت ممنوع تنامون فيه ولا ترى بييب نتيجة عكسية ويطيح الشعر بدل لا يتقوى .
4- لو بتحطين بلسم لاتحطينه على جذور الشعر مباشرة
فركيه بايدج ودهني فيه الشعر من بره واطراف الشعر لاتدهنين الفروة بالبلسم .
5- دايما لما تغسلين شعرك وتخلصين فتحي الدوش على الماي البارد ورشي على راسك
علشان تنكمش المسام وتتسكر .
هالزيت يكفيك تقريبا شهرين الى 3 اشهر ويمكن اكثر لو التزمتي بطريقة استخدامه
وانا زودت لكم المقادير لأن ادري فيكم كسالى ومالكم خلق كل يوم تسوون الخلطة .
وطبعا تحاولون تدورون برطمانات زجاج
مو اي نوع ثاني
زجاج بس لأن البلاستيك بيفرز مواد تضر الزيت مع الوقت وطول مدته
الحين مقادير الزيت ( كلها تلقينها بالحواج ) :
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .
( لاحظوا المقادير مافيها زيت زيتون )
لاتحطون زيت زيتون لأن ينشف الشعر حتى لو مفيد بس ينشف الشعر وحار على فروة الراس
تخلطون المقادير كلها مع بعض وتخلون الزيت يتخمر اسبوع في مكان مسكر ( لا بارد ولا حار )
ولما تبون تستعملونه لايكون تحطونه بالثلاجة ترى انا بعدين مالي شغل لو ماجاب نتيجة
ولا تحطونه في مكان حار
خلوه في حرارة الغرفة لأن هالدرجة راح تكون مناسبة لفروة راسكم اولا
وبعدين ماراح تخرب الزيت.
المهم
الاستعمال :
اولا : تسوين مساج حق راسج لمدة دقيقتين او 3 .
ثانيا: تاخذين قطنة وتغمسينها بالزيت وتفركين فيها فروة راسك ( مو تصبين الزيت بايدك وتغرقين شعرك )
بس بقطنة مغموسة بالزيت وتفركين الفروة بس.
ثالثا : تاخذين شوية زيت بايدك وتفركين اطراف شعرك علشان التقصف يروح وينعم .
رابعا : حقكم انتوا يالكبار تحطونه يوميا من ساعتين الى 3 ساعات لا اكثر ولا اقل وبعدين تغسلون شعركم عادي,
حق النبات الصغار تحطونه من ساعة الى ساعة ونص وبعدين تغسلونه عادي.
خامسا : يفضل انكم تلبسون قبعة نايلون علشان لا ينشف الزيت بسرعة .
وسلامتكم
النتيجة المبدئية المرضية بتشوفونها بعد شهر باذن الله وكلما طولتي باستعمال الزيت كلما زادت الفايدة طبعا
لاتنسون التغذية
ترى تفاعلها مع استخدام الزيت حلوة
انا جربتها على نفسي واستفدت
شعري طال بشكل كبير وسريع
ومن ثاني اسبوع من الاستعمال بديت احس بمنبت الشعر الصغير صوب جبهتي...
ان شاءالله تسفيدو منها... ادعولي اخواتي..