بعض من افكاري ولمساتي الخاصه بشقتي تفضلي رايك يهمني مشاركتي بالمسابقه

1. فنبدا بسم الله وقولوا مشاء الله حتى لو ماعجبكم


2. هذه فكره بسيطه لدولاب لالكسسوارات وهذه الفكره طبقتها خصيصا للمسابقه

السلام عليكم ورحمه الله وبركاته......
بعد جهد وعناء وعمل متواصل اخيرا نزل الموضوع
هذه بعض من لمساتي الخاصه بمنزلي فهي بسيطه جدا ومتواضعه لان المنزل ببساطه ايجار (عقبال الملك ان شاء الله)
اهديها لكل من تسكن بيت ايجار
حاولت انزلها قبل كذا لكن ماكنت اعرف لا انزل صور ولا اصغر وعلشان المسابقه تعلمت .....

فنبدا بسم الله وقولوا مشاء الله حتى لو ماعجبكم

هذه فكره بسيطه لدولاب لالكسسوارات وهذه الفكره طبقتها خصيصا للمسابقه

الادوات كرتون خاص بثياب الرجال كما هو واضح بالصوره وميزه هذا الكرتون انه يتسكر بمغناطيس وله بابين ومن هنا جاءت الفكره ليكون دولاب فاي كرتون زيه بيكون مناسب_ مقص_فلين_غراء مسدس_قماش ساتان_ورد مجفف _دبابيس
هنا نلاحظ تثبيت الفلين داخل الكرتون والدبابيس على الفلين
هنا وقد اكتمل الفلين
نبدا بكرمشه القماش عن طريق الغراء نضع الغراء داخل القماش ونكرمش بالسبابه و الإبهام والغراء حار قبل مايبرد
هذا وقد اكتمل القماش
نقص القماش نصفين لتغطيه الباب الاول
نقص قطع قماش ساده لتغطيه حواف الكرتون
هنا وقد اكتملت التغطيه
نعمل ثقب في الخلف لتعليقه على الجدار
نزينها بالورد الجفف او المرايا او ممكن شرائط او اي شي يعجبك انا اخترت الورد الجفف
هنا وقد انتهى العمل وتعلقت على جدار غرفه النوم بجوار التسريحه
ووضعنا الاكسسوارات بداخلها
هذه الطريقه حلوه لعرض الاكسسوارت امامك واللي ماتحب تعلق شي على الجدار ممكن تحطها بباب الدولاب من جوى
............
طبعا فكره القماش المكرمش مره عاجبتني فطبقتها بكذا عمل بغرفه النوم لكن هنا بالاحمر
اولا داخل طاوله التسريحه ورشيت عليها ورد مجفف وعلى الكومدينا كمان لكن ماصورت
هذا السبت كمان شكل حلو ويشيل الاغراض بعيدا عن اعين الاطفال
وكمان علب لفرش المكياج والقلوسات عملتها نفس الفكره والشكل تتطقيم يعني
طبعا انا ماحطها على التسريحه <<<<<<<<<عياها مايخلون شي<<< لكن حبيت اوريكم شكلهم مع بعض
.
نطلع من غرفه النوم للصاله طبعا صالتي قديمه فحبيت اغيرها وعتقت جزء منها بالكوفي على طريقتي وهذه الصور للمدخل للصاله
هذا المدخل اللي يربط بين الغرف
من فوق
اقرب
اقرب اكثر
نجي للحمام هذه كاسات جبن زينتها بورد من قماش الجوخ وزينت كل ورده بحبه لولو مخالفه للون
وهي فاضيه
وقد ملأتها بالورد المجفف وممكن تستخدمي صدف او احجار ملونه اوكريستالات او اي شي يعجبك وممكن تحطيها باي مكان بالبيت موشرط الحمام
وقد اخذت مكانها على مغسله الحمام عملت منها ثنتين
سائل غسيل اليدين وقد زينته بنفس الطريقه بختلاف الالوان
وقد اخذ كل منهم مكانه على المغسله
عن بعد والصوره توضح شكل الفازات مع ستاره الحمام
..
..
..
الان خلصنا من الحمام ونجي للمطبخ والافكار في المطبخ كثيره ومتنوعه لكن انتقيت لكم بعضها
هذه حامله شموع قديمه زينتها بالفواكه وعلقتها بسقف المطبخ
هذا سبت غلفته بساتان وشرائط وورد خصصته للبيض طبعا البيض مفرغ لكن انا اجمعه واحتفظ فيه كزينه وكمان حلو الاطفال يلعبون فيه ويلونونه كجائزه او مكافئه لهم
عن بعد وقد اخذ السبت مكانه فوق الدولاب
هذه ساعه المطبخ ماكانت كذا كانت ساده يعني فتحتها وثبت فيها قطعه من ورد دوار الشمس غيرت شكلها وفتحت لونها مناسبه كمان لغرف الاطفال ولك الخيار في تزيينها
هذه علبه بلاستيكيه زينتها باعواد القرفه وورق الشجر مناسبه للمطبخ وممكن تستخدميها باي مكان بالبيت
وقد اخذت مكانها على دولاب المطبخ للملاعق والشوك والسكاكين ماقد احط شي بالدواليب عيالي الله يصلحهم
وبكذا انتهيت وفي جعبتي المزيد لكن اكتفيت بهذه الافكار للمسابقه ويعلم الله انها من بنات افكاري ومن مجهودي الخاص بستثناء علبه اعواد القرفه اخذت الفكره من النت وطبقتها
اتمنى تدعولي ان الله يرزقني ويسهلي دراستي
اسمح بنقل الموضوع لكن مع ذكر اسمي تقديرا لتعبي
اتمنى تعجبكم........