بكرة العيد ماشريت شئ ساعدوني يابنات الرياض

روحي الى حياة مول فيه جميع المحلات
او غرناطه يمكن تلاقين فيه
انا بصراحه من زمان مادخلت السوق
لاني شاريه من زمان...
الله يعينك...

الله يعينك انا جايه من السوق البارح وقبل البارح ولالالا حصلت شي زين رحت الصحارى
وخريص ابلازا كله شتووي ورسمي
الله يهونها عليك وتحصلين شي حلوو بس الله يعينك على الزحمه

روحي للسواني الي بالفيصليه بضاعته روعة ان شاء الله تلاقين الي يعجبك.

حبيبتي انا توني جايه من السوق رحت لصحارى والعثيم مول والمجد وامس العليا مول مافيه شي يفتح النفس زحمه على الفاضي

تسلمون
الله يعينا ..........

الله يكون بالعون وشكرالكم ياريت اني في الرياض
وافيدكم بعيوني

شوفي ياطويلة العمر مدامك متاخره كل هالوقت روحي صحارى كل المحلات موجوده فيه او حياة مول ,,,
بصحارى فيه محل اسمه انوتا قريب من بوابه 4 المهم عنده تنوره طويله عجبتني لونها سماوي على رمادي مع ابيض عاد دوري بلوزه لها مدام ودك بتنوره
او خذي لك بنطلون جينز واشتري لك بلوزه من محل ايسلاند جنب دبنهامز على طول عنده بديات حلوه وفخمه وخذي فوقها جكيت واشتري اكسسوارات وخرابيط وشوز من عند ايسلاند كمان شباشبه حلوه او فنسي اذا ودك وخلاص تعبتيني ترى انا ماشريت بس رحت اتفرج عندي ملابس كثيره مالبستها بلبس منها شي
ادعيلي

انا مبسوطه توني جايه من بازار يجنن لاحوسه سوق ولاشي دخلت واحترت كل الي فيه يجنن اظمن لك انها بتعبجبك انا اخذت مخمل ذهبي فيه رسمه كبيره على كل البلوزه بنت شعرها ثاير وكله كرستال بدون عيون وماسكه ورده قصير من قدام وطويل من ورا فيه كم واحد فيه مسكات من الظهراشتريت عليه بنطلون وبوت صوف بس يجنن حتى اسعارها رخيصه مره

دقي على المصممه خلود هي عندها قطع حلوه للعيد وهذا رقمها 055771275