بكل صراحه ماذا لو

هذا موقف صار لي من فتره وحبيت اعرف ردة فعلكم لو انحطيتوا في موقف زي كذا بس بشوف تصرفتوا مثل تصرفي ولا لا؟؟؟ يعني كل وحده تدخل تقول لو مكاني وش سوت .. الموقف هو :
عازمه قريبه من قريباتك وهالانسانه تحبينها وتعرفين انها مستحيل تكذب لانها على نياتها ولانها ماتعرف تخبي سر ,, وانتم تسولفون عن ازواجكم وطبعا انتي واثقه في زوجك وعندك عنه صوره حلوه في بالك لانه انسان يخاف ربه ويقوم الليل وداايم ينصحك في دينك ولانه حتى مايرضى انك تشوفين البرامج اللي كلامها جرئ عشان ماتعودون على هالكلام .. المهم قلتي لها انك واثقه من زوجك لانه دايم قدام عينك وانه ماسافر الا مرتين من يوم تزوجتوا .. ومادريتي الاهالقريبه تقول لك لا!! وانتي عاد تردين بان كلامك هو الصحيح وقريبتك مصرره على موقفها الين سألتيها : وش فيك ؟؟ انتي سامعه شي يعني؟؟ وفجأه تبكي وتقول لك انها تعرف اشياء عن زوجك انتي ماتعرفين عنها وانك تحسبينه على نياته وهو العن مخلوق وانها يحز في نفسها ان فيه اشياء تصير من وراك وانتي زي الاطرش في الزفه .. وتضغطين عليها عشان تشوفين وش هالشي اللي انتي ماتعرفينه عن زوجك وهي تعرفه ,, وفي النهايه تقول لك انه كم مره زوجها يكلم زوجي ويقول له انه مسافر وتوه راجع من (....) يعني زوجك يسافر ويرجع بنفس اليوم لديره قريبه منكم من دون علمك ,, وبعد تقول ان زوجك اللي يمنعك من البرامج الجريئه يدق على زوجها ويمدح في اجسام بنات المكان اللي هو راح له بطريقه جريئه.. والشي العظيم اللي خلا قريبتك تنفجر ان زوجك مخطط يتزوج زواج مسيار وانه طلب وحده في الدوام معه تتزوجه وانه رفضته !!!
ساعتها وش بيكون موقفك ؟؟؟؟ وش بتردين على قريبتك ؟؟ وايش بتكون نظرتك لزوجك؟؟؟
رجائن كل وحده ترد وممنوع انك تقرين وتطلعين لاني بشوف كم وحده بهالمنتدى مثلي....