بكل وقاحة رفعت غطاها واعطته بوسة

1. المهم إنهم فروا السوق وشروا كل اللي يبون

السلام عليكم ورحمة الله وبركاته
السالفة وما فيها<<<<<<<<وحده ما تحب المقدمات
يحكي لي قريبي عن سالفة صارت لصديقه وزوجته في أحد الأسواق أو مثل ما يسميه البعض سوبر ماركت أو هايبر المهم إنه في أحد الأسواق لبيع المواد الغذائية <<<<يعني عرفتوا المكان
يالله نجي للمهم
الرجال راح هو وحرمته وولدهم الصغير زي أي عائلة نهاية الشهر يعني بعد صرف الرواتب عشان يشترون أغراض البيت الناقصة

المهم إنهم فروا السوق وشروا كل اللي يبون

يوم جو يحاسبون وطبعا تعرفون الزحمة اللي تكون عند الكاونتر يعني لازم يمسكون دور الين مايجي دورهم
وبينما هم في أمان الله الرجال شايل ولده على يده وزوجته واقفة بجنبه وتجيهم وحده وبكل وقاحة رفعت غطاها عن وجهها وأعطت الولد بوسة (((عاد تخيلوا وين بيكون وجه الولد أكيد بجنب وجه أبوه باعتبار إن أبوه شايلة)))
طبعا الزوجة هنا انصدمت من هالتصرف الجرئ وقالت شكلها بغت تبوسك بدال الولد بس عطته بدالك
وهنا شبت هوشة بين الزوجين هي تقول ليش تخليها تبوسه
وهو يقول وش أسوي لها وش دراني إنها بتسوي كذا
ورجعوا البيت وهم في خناق وضاعت وناستهم بالطلعة بسبب الوقحة هذي
لو كنتم مكان الزوجة وش بتكون ردة فعلك وهل راح تزعلين من زوجك؟؟؟؟
أنا أشوف إن الزوج ماكان له ذنب وخاصة إنه ماكان حاسب له حساب
زيه زي لوكانت هي شايلة الولد ويجي شاب يبوسه
إلا إذا كانت شافت زوجها انبسط من الموقف فهنا كلام ثاني
وش رأيكم في اللي صار؟؟؟؟
م/ن