بليز ابي من بنات الكويت مساعده

بليز سااعدووني ::*_*::

السلام عليكم ورحمة الله وبركاته..........
أختي.....يا هلا فيج في بلدج الثاني:الكويت
تجين تنورينا
بالنسبه للاسواق:سوق عربيد بلازا:في(منطقة) الفروانيه
سوق الحمرا مول:في الفروانيه
سوق المعلم:في الري
سوق الامارات:في الجهراء(بعيده شوي لكن اسواقها حلوه وارخص شوي)
سوق الوافي:في الجهراء
سوق الباشا:في الجهراء
مجمع:النقره الشمالي+النقره الجنوبي(جنب بعض)..(معروف)
سوق:التراث الهندي..مدري بأي منطقه..رحته مره وحده:أسعاره نار لكن أغراضه حلوه..وطبعا ما شريت شي منه
مجمع:العربيد في العربيد
سوق المحاميد(رخيص للهدايا او فيه اشياء حلوه لج) في كل مكان:في بجانب العربيد بلازا..و واحد ثاني بجانب مجمع النقره
سوق المباركيه..في المباركيه(روعه)فيه مكياج وعطور والعاب واشياء أثريه ومواعين وكل شي
======================
محلات الحلويات:
الفوز:قريب من مجمع العربيد(له أفرع كثيره)
ليالي الشرق(أفرعه كثيره)
سابليه(أفرعه كثيره)
الروماني(أفرعه كثيره)
===================
بالنسبه لملابس القرقيعان...ما ادري..لكن ان شاء الله الفراشات يدلونج..
وأكيد راح تلقين بالاسواق اللي قلتها لج
ان شاء الله تقضين وقت ممتع في بلدي الحبيبه:الكويت
ويا هلا فيج

ياهلا ومرحبا فيج حبيبتى ولو تبين انا بنفسى اوديج انا حاضرة
بس
ماشاء الله عليج ام مرام ماخلت شى ابى اقولة اما بخصوص ملابس القرقيعان تلقينهم
سوق الامارات:في الجهراء سوق الباشا:في الجهراء
سوق المباركية فى الديرة
وغراض القرقيعان فى سوق جديد اسمة طيور الجنة بالجهراء وفى الجليب جنان
انتى تختارين الكياس والحلاو كل شى تسوينة مثل ماتبين
واى شى انا حاضرة

جزاج الله خير يا ام مرام
مشاء الله عليج ماخليتى شيء
بارك الله فيج

لايطوفك مجمع العربيد للدراريع اكثرها تصاميم وعجيبه واذا مارحتي راح يطوفك نص عمرك قولي للتاكسي مجمع العربيد بالفروانيه الخاص بالدراريع واهو عباره عن عمارتين كلها خيايط وكل خياط عنده اشكال وانواع من الدراريع طبي وتخيري واذا تبين على مقاسك بيفصلك واذا مستعجله اخذيه جاهزه وخليه يرتبها لك وصدقيني راح تدزيلي مسج شكر وانا ناطرتك

تسلموونلي حبيباتي
ومااقصرتوو وان شااء الله بكره اناا عندكم *_*

حياتي واذا تبين ملابس قرقيعان حق اليهال تلقينهم بمجمع الاوقاف وهذا خاص للدراريع