بليز النجدة تكفون وربي لا ادعي لكل من ترد عليا

اهلين اختي ومبروك مقدما
لاتخافين انا تزوجت ماعرف حاجه وشوي شوي وتعلمت
بعدين مولازم تكونين طباخه ها الشي ماعاد يهم الرجال كثير
ولما يصعب عليك شي عندك السيد <جوجل> راح يفيد
بتوفيق وربي يسعدك ولاتشيلين هم شي ترى الزواج اسهل
مما تتوقعين

ههه والله ذكرتيني بوضعي قبل الزواج باسبوعين خليت اهلي محطة تجارب
كل يوم مسويتلهم طبخه بالغدا والعشاء لين ماضبطت اوضاعي والحمدلله تفشلت عند اهلي اما عند زوجي صرت طباخه
<< مداح نفسه يبي له رفسه
بالنسبه لكتب الطبخ افضل شي النخبه مقاديرة واضحه وقليله
بس لو تبغين الاشياء الغريبه واحيان تكون مقاديرها صعبه شوي بس بعدها ياكل يدينه وراها<< تسوي دعايات
فيه كتاب ام ريما وتقريبا سعرة قريب من سعر النخبه واغلى شوي
بس والله مو متذكره كم سعره بالضبط
بالتوفيق حبيبتي

بس انا ابغى بعد شهر اطبخ واتخرط تعرفين الانطباع الاول يدوم لحد ماتمكن ههه

متى ترجع ليالينا
الله يسعدك الكتاب اسمة ام ريما
ولا لة اسم اخر
لان النخبة عندي
ودي اكشخ اول الشهور تعرفين يقولون الايام الاولى هي اللي ترسخ بالذهن والانطباع الاول يدوم

الله يوفقك حبيبتي حاولي بالبدايه تسوين حاجات سهله حتى تضمنين انها تضبط
وبالتوفيق يالغلا

هلا حبيبتي
والله انا اول ماتزوجت كنت من كتاب النخبه ومن قوقل اخذ طبخاتي
سوي كذا وابدي من اللحين تعلمي والله يوفقك يارب ويسخركم لبعض
ادعي لبنتي بالشفاء الله يجزاك خير

كتاب ام عبدالعزييز
الجدييد او رقم 2
يجنن ومقادييره سهله مايبييلها تعب
والصور تفتح النفس
كل شي تلاقيينه غداء فطور عشاء وساندويتشات
وحلى وفطاير وعصييرات وموكا وغييره
المهم سعره 200
ونسييت يمكن اكثر شوي يعني 230
او 250
جربييه وادعيلي
والله يوفقك
ويسخر لك زوجك
ماانصحك تاخذي من قوقل لانك بتملين كل اشوي فاتحه الابتوب
وتاخذي طبخات والمره الجايه تنسييها
الكتاب افضل وقداام عيينك

الله يوفقكم ويسعدكم ويحقق كل امانيكم
ويشفي بنتك قشعى

تسبيحات
والله حبيبتي الظاهر ان هذا اسمه لانه مشهور بهالاسم واذكر انو على الغلاف مكتوب ام ريما بس والله مومتأكدة اذا هذا اسمه او لا
بس نصيحه لك اذا انتي مثلي ماتعرفين شي بالطبخ لازم تتعودين قبل تروحين للرجال تغلطين عند اهلك ولا فشيلتك عنده حتى لو عندك كتاب وكل شي لازم تتعلمين اول
لانك ياما بتحرقين او بيطلع مالح او ماصخ او مويته كثير << خوفتها
عموما حبيبتي حاولي كذا مره انك تسوين الكبسه وباقي الطبخات لشخصين علشان بعدين ماتجيبين العيد وتحطين لزوجك اكل عايله اذا كنتو كثيرين