بليز بنات ممكن طريقه عمل الحنيني

مقادير الخبز :-
3 كاسات دقيق اسمر
1 بيضة
كاس الا ربع ماء
1 ملعقه كبيره خميره
1 ونص فنجان شاي (البياله)زيت
2 ملعقه كبيره حليب بودره
شويه ملح
تعجنيهم وتفرديهم بالصينيه وتخليها ترتاح لمدة ساعه
وتحطي الصينيه بالفرن من تحت وتكون مغطاه بالقصدير
وبعدين تحمريها من فوق شويه بس
واذا عندك العجانه حطي القرص بالتمر وبالسمن واعجنيهم فيها
واذا ماعندك قطعي القرص وحطي التمر وحاولي تدخلي مع الخبز
وحطي فوقه السمن وغطيه بالقصدير وخليه الين مايبرد
وابدي فتتيه بيدك زين واعجني التمر معاه الين مايتخلط مزبوط
وبعدين حطيه بالقدر وزودي السمن وقلبيهم على النار واغرفيه
________________________________________
طريقه ثانية
المقادير
1- طحين بر يعجن بماء
2- تمر
3- سمن
4- زبده
5- ترنج أو ( ليمون)
طريقه العمل .. تقوم بعمل مثيل من عجينه البر .. بعدها..
تقرص المثيل حسب حاجتك ..
ثم نجهز ماء حار ونضيف إليه قليل من ألزبده ونعصر على الماء
ترنج أو ليمون ما يقارب كوب ..
وريح هيل لمن يحب لهيل أضافه إلى الماء ..
نغمس القرصان في الماء لكي يكون قابل للفرم ويتشبع بالترنج .
ثم نسيح زبده تكون مجهزه عند الفرامه ..
ثم نفرم دفعه قرصان ودفعه تمر ومع الفرم قليل من ألزبده
لكل دفعه ...( تستطيع تخفيف لحلا بتحكم في التمر )
بعد ذالك يوضع في الفرن لكي يسهل خلطه ..
بعدها تأخذ الكميه التي تريد وتضع عليها سمن بعد ما تجوفها.
وبالهني والعافية...
منقول

السلام عليكم ورحمة الله وبركاته
الله يعطيكم العافية يارب0

الف شكر اخي عاشقة الزهور على الطرق..طيب هل ممكن استخدم الخلاط العادي بدل الفرامه(ماعندي فرامه)
ولك جزيل الشكر

عاشقة الزهور ماقصرت كفت ووفت

بقولكم كيف سويت الطريقه وهذي قالتها لي وحده من صديقاتي عشان الي تحب تجرب طريقتي سهله مره بصراحه ولذيذه
تجيبين
1. تمر طبعا بدون فصم(عبس)وتعجنينه
2.تسيحين زبده +سمن+شويه زيت
3.تجيبين القرصان العادي وتصبين عليه الزبده السايحه وتضيفين التمر وتعجنينهم مع بعض وبعد كذا حطيهم على النار لمدة ربع ساعه مع التقليب المستمر ..يابنات روعه روعه وسريعه
جربوها ولا راح تندمون.

بصراحة ياأخت محبة الرحمن طريقتك مرة سهلة بص القرصان يكون ناشف ولا لين وإذا لين عادي من الفريز ولايكون حار من الفرن يعني طازج .؟؟

مشكوره