بليز حبيباتي ساعدوني تورطت مع طلعة زوجي قبل الخميس بليز

رهف العنزي ~

31-10-2022 - 12:44 am

السلام عليكم ورحمة الله وبركاته
كيفكم غالياتي أنا متابعه لمواضيعكم ومبدعات ربي يحرسكم ويحميكم
ومتفشله حيل منكم إن أول موضوع لي طلب بس حيل توهقت
زوجي بيطلع البر مع أخوياه يوم الخميس بإذن الله
ويبغى يشوي ومره حايسه معاه مو عارفه وشلون ولاهو عارف
وانا دوبني عروس ومابي اتفشل
فقلت مالي إلا الله ثم انتم
ابغى أفضل طريقة للحمص والتبوله بمقاديرها بالتفصيل مثلا حزمة بقدونس وكذا ما أبغى بقدونس
أبغى مقاديرها بالزبط ما عندي وقت أجرب
كمان هو قال بيسوي أسياخ كباب وشيش طاووق وش أفضل طريقه لها
ووش اقتراحاتكم اسوي شيئ ثاني معاها بالبيت
او كيف مره حايسه ومكركبه توه يقول لي أحس فيني العبره
ومخنوقه وضايقه بي الدنيا ومو عارفه اتصرف خاصه اني يقول ترى ا ابي اتفشل قدامهم
لأنهم بيمسكوني بالعياره
بليز ساعدوني

التعليقات (9)

ام سُلاف

31-10-2022 - 03:34 am

نصيحه الكباب ياخها اسياخ جاهزه من المطعم بس مو مشويه
و الحمص علبه الكبيره + ملعقتين او 3 طحينه وعلبه زبادي وتخلط جيدا و على الوجهه زيت زيتون
التبوله ابحثي في قوقل تبوله و تطلع لك

S*F6649

31-10-2022 - 04:35 am

التبولة:
ورق بقدونس مقطع فرم خشن حوالي كوب =يمكن حزمة كاملة(انا بصراحة عالنظر المهم تكون كثيرة)
نص حزمة كزبرة تقطع فرم خشن=وممكن تستغني عنها
نص كوب نعناع مقطع فرم خشن= يمكن نص حزمة
كوب برغل (خاص بالسلطات) منقوع بموية مع عصير ليمون حتى ينغمر لمدة ساعة وفي ناس تنقعه بس بالليمون
حبة طماطم تقطع بدون اللب
2خيارة تقطع نفس الطماطم
وفي ناس تحط بصل اخضر =نص حزمة
تخلطيهم وتتبليهم بالصوص=(ملح +4ملاعق زيت زيتون+ليمون اذا ماكنتي ناقعة البرغل فيه ,, اذا كنتي ناقعته بليمون حطي قد الحاجة بس)
الحمص:
2علبة حمص قودي حب تغسلينها زين
ملعقة ملح
نص او ثلاث ارباع كوب عصير ليمون
ربع كوب طحينة سايلة
ربع كوب زبادي=حسب الرغبة
ربع كوب زيت زيتون
تخلطيهم بالخلاط وتزينيه بحبات الحمص وزيت الزيتون والسماق
اذا تبغي طريقة الشيش طاووق والكباب ممكن اكتب لك اللي اعرفه

رهف العنزي ~

31-10-2022 - 05:36 am

أم سلاف و S*F6649
تسلمون الله يوفقكم ويسعدكم ويفرج همومكم
S*F6649 مشكوره افدتيني كثير وربي ما انساك بدعوه بظهر الخير
الله يعطيك ماتتمنين وفوق ماتتمنين وييسر لك امورك
واذا ماراح اكلف عليك تكفين اكتبي لي اللي تعرفين

S*F6649

31-10-2022 - 06:37 am

ولايهمك ياقلبي مرينا باللي انتي فيه
بالنسبة للكباب اذا ماتبينه جاهز
جيبي لحم مفروم(دجاد او لحم)
وافرمي بقدونس وكزبرة وبصل وممكن تحطي شوية نعنع ناشف او طازج وممكن تضيفي نكهات الباربيكيو الجاهزة
الكمية حسب اللحم وحسب ماتحبي اذا تبغي قليل او وسط بس لاتكثريه ويصير اكثر من اللحم وبهريه بملح وفلفل اسود والبزارات وفي ناس تحط بيضة
وحطيه بالبراد ساعة وبعدين حطيه بالاسياخ وغطيه او حطيه باللي تبي تحطيه ورجعيه الثلاجة حتى يتماسك..
هذي ابسط طريقة وانا مجربتها بمفروم دجاج ولحم ..
والشيش طاووق :
فيليه دجاج حسب الكمية اللي تبونها ,, تقطعيها مكعبات متوسطة لاهي صغيرة ولاهي كبيرة
لكل صحنين فيليه:
2علبة زبادي + عصير 3ليمونات + 2فص ثوم مهروس + ملح+ شوية بهار+ 2ملعقة خل+ 2ملعقة سماق+رشة فلفل حار احمر
تخلطين التتبيلة وتنقعين الدجاج فيها ليلة او علاقل ساعتين وتحطيها بالاسياخ وترتبيها مع طماطم - بصل مقطعين او اللي يجوا صغار واي شي ثاني تحبوه = الطريقة من اطباق النخبة وتمت التجربة
والله يسهلك يارب

رهف العنزي ~

31-10-2022 - 07:38 am

S*F6649
الله يسعدك ويوفقك دنيا ودنيا وربي ما انساك من دعواتي الله يفرج همك وغمك
وكل كربه وضيقه تمرين فيها مثل مافرجتي كربتي
والله ما انساك من دعواتي عساها ترد جميلك اللي سويتيه لي الله يسعدك
الله يوفقك الله يحقق لك أمانيك

الشقرديه1

31-10-2022 - 08:39 am

ماقصروا البنات اللي قبلي بالاضافه لكلامهم حلو كمان تضيفي كم سيخ ع جنب ترتبي فيها خضار بس مثل ( فلفل اخضر بارد + طماطم + بصل + او فلفل قرون بس كبار ) حلو كمان يشوه ع الفحم ..

^basooom^

31-10-2022 - 09:40 am

الله يوفقك ي قلبي وييسر لك امرك
تقدرين تسوين طحينه مع المشوي بيطلبك ياها زوجك دوم ع ظمانتي
طبعا المقدار ع حسب العلبه وعدد الاشخاص
اول شي صبي طحينيه سايله يعن تقريبا 5-7 ملاعق
حطي عليها شوي ملح شوي فلفل اسودمطحون وغطا خل وليمون حطي نص بالاول وشوية مويه
حركيها واخلطيها اللين تحسينها صارت ناعمه وسايله وممزووجه صح وماتكون ثقيله ولاتكون مره مويه لا زي طحينة الطازج
لوتعرفيها وذوقيها لازم يكون طعمها شوي حامض وبالعافيه دعواتك الله يشفي ولدي ويهدينا

~شمعة حيآتي~

31-10-2022 - 10:41 am

~}مشآِآْ الله تبارك الله
البنآت مابقوٌوٌآ شي
الله يجملك قدآم زوٌوٌجكٍ
طمنينآآ بعد الرحله

الفرااشة النااعمة

31-10-2022 - 11:42 am

الله يوفقك

بليز حبيباتي ساعدوني تورطت مع طلعة زوجي قبل الخميس بليز←
فناجين القهوه المصنوعه من البسكويت→