بليز سآعدوني وقولي وش الحل مع هالزوج

اتعبتني دنيتي~

10-06-2022 - 11:07 pm

السلآم عليكم ورحمة الله ....
اول شي يسعد صبآآآحكم ~
والله يوفق كل من دخلت الموضوع وحآولت تسمعني وتشوف مشكلتي
بصرآآحه ماادري من وين ابدآ او ايش اقول بس بدخل لكم بالموضوع ع طول وانتوآ اعطوني رآيكم وسآعدوني ...
والله ماجيت لكم وفتحت قلبي الآ اني عآرفه انه في احد بيسمعني ويسآعدني ....
انا تعبت مره من زوجي !!!
بصرآآحه حيرني معآه ولآ عرفت وش سالفته بالضبط
كل الحكآيه اني متزوجه لسه لي 8 شهور ...
ومن تزوجت وانا حآسه ان في بحيآته احد ثآني وانه يكلم بنآت !!!
لآني اكفش عليه احيآنآ بالصدفه مثلآ رسآلة جوال او انه يصحى قبلي ويجلس يكلم بالمجلس
ولما صآرحته ووجته بالموضوع عصب وقبل الموضوع عليا واني اشك فيه وهو مااحد بحياته غيري..
وان هالرسايل والمكالمات لوآحد من اصحآبه يآخذ جواله كآن ويكلمهم وانهم لآحد دحين ع بالهم ان الرقم لصآحبه
ويحلف لي اني الوحيده اللي في قلبه ولا في شي من الشكوك والاشياء اللي في بالي له ...
عديت له الموضوع مع اني واثقه انه كذآب لاني شفت اشياء بعيني وانه له مو لصآحبه ...
بعد كذآ صآآر حريص اكثر مايكلم في البيت بس اني عرفت انه لسه لانه احيانا يطلع يجيب اشياء للبيت
ويرجع وسجل المكالمات ممسوح ومايخليني امسك جواله ودآبم احسه خآيف
ولمآ صآرحته وزعلت وقلت له انت لسه تكلم بنآت وانهم لك مو لصآحبك وكتبت له مسج عالجوال طويل وطلعت اللي في قلبي كله ..
قال انتي دآم ماعندك ثقه فيني وزعل ويحسسني اني انا اللي غلطت في حقه وظلمته وهو شي باين قدآم عيني !!!!
وكمآن لآنه يدخل نت وعنده منتدى واليوم دخلت الآدرآه وشفت رسآيل بينه وبين العضوآت انه يكلمهم مسن وكآنت بينهم علآقه سآبقه يكلمهم جوآل ومصآلح منتدآيآت ..
ومآني عآرفه وش اسوي معآه ازعل مره ثآنيه واصآرحه او ايش اسوي ؟!!!!
مع انه وللحق وربي يشهد احسه يحبني حب مو طبيعي ومآاطلب منه شي الآ ينفذه لي ويخآف عليآ
وعمره ماقصر معآي مااقوله شي الآ يقول حآضر ويسويه لي ودآآيم يتمدح فيني عند اهله ويفتخر اني زوجته
ويفرح لمآ اهله يمدحوني وحتى لمآ اجي عند اهلي واجلس عندهم يومين يقولي والله فآقدك والبيت من دونك ماله اي طعم وتوحشيني ومن هالكلآم ....
يعني يعآمني بكل حب وحنيه بس ماادري ليه يسوي هالشي .!!!
وانآ عن نفسي وربي مهتمه فيه اهميه مو في احد ودآيم ادلعه واسوي له اجوآء حلوه وحفلآت ..
ومهتمه في نفسي وشكلي ولبسي وكل شي في بيتي حتى هو يقولي يعجبني اهتمآمك في نفسك
يعني عمري ماجلست مبهدله قدآمه او تركت البيت متوسخ او اني ماادلعه
يعني موفره له كل شي ......
بس ايش السبب مآآدري؟!!!
هل هو مصآلح منتديآت وعشآن يكونوآ محركين له المنتدى ويستفيد منهم بالنشآط ؟!
او انه يكلمهم من قبل لآ يتزوج ولآ قآدر يتركهم ؟!
او ايش بالضبط وربي احترت معآه ولآ ادري وش اسوي
احس اني بموت من القهر ومن تصرفآته هذي قول لي وش الحل
فرجوآ لي كربتي الله يفرج عنكم .......
وان شالله مآأكون طولت عليكم

التعليقات (9)

جنى الطايف

11-06-2022 - 02:05 am

موقفك بجد صعب
ربي يعينك يآالغلا
والله يصلح زوجك ..

~ رحلة عذاب ~

11-06-2022 - 03:06 am

كان الله في عونك
بجد انقهرت من زوجك
لكن الله يحنن قلبه عليك

جلينار2009

11-06-2022 - 04:07 am

طيش شباب
صدقيني إذا كان يكلم فهو تسليه لا غير
والله يوفقك ويسعدك مع زوجك

اكليل الوردfh

11-06-2022 - 05:08 am

الله يسخر لك زوجك يارب
ويحنن قلبه عليك
لا تنكدي على الرجال
لان في نوعيه من الرجال عندهم حركات قبل ما يتزوجوا
بعد الزواج بعدهم ما يحسوا بالمسؤليات
بس يجي لهم أول طفل
خلاص يبطلوا كل هالحركات
صدقيني لو تفتحي قلبه وتكشفي المخفي
بتشوفي انتي اللي في قلبه
لان الرجال يعتبر البنت اللي يكلمها على الهامش صفر على الشمال
أما أنتي غير انتي اللي أخدها بحلاله

باتريسيا

11-06-2022 - 06:09 am

شوفي حبيبتى زوجك مدمن بنات
لذلك مالك الا حلين : ياتفشين خلقك فيه وتنشرين غسيله كل شوى وتزيد المشاكل بينكم ويبقي ندب لاتزول
او انك تحاولين تتعايشين من هذا الادمان وتتناسينه وما تنبشين بجواله حتى ماتتعب نفسيتك
وانا انصحك بالحل الثاني : لان الانسانه مو دايم تحصل زوج محب وحنون
والانسان مو كامل فلا تطلبين من زوجك المستحيل خلى المركب يسير وتوكلي على الله وادعي لزوجك بالصلاح

اتعبتني دنيتي~

11-06-2022 - 07:10 am

الله يوفقكم وربي ماتتصوروآ قد ايش اسعدني دخولكم
وكلآمك حسيت انه في احد يسمعني ويشآركني
خصوصاً اني مااقدر احكي لا لاهلي ولا صحباتي كله عشان مااحد يعرف بمشاكلي مع زوجي او يتكلم فيه ...
والله يسسعدك وان شالله يكون طيش ومايطول
وانا حآمل دحين والله يهديه ويصلحه ان شالله بعد مااولد ويحس بالمسؤليه شوي ...
اكليل الوردfh كلآمك ريحني ومن جد احس اني انا اللي في قلبه من حبه لي ومعاملته بس !! الله يهديه ويبطل هالحركآت ...
باتريسيا مشكوره ع الحلول وشكلي بسمع نصيحتك الثآنيه بس انا ماطلبت منه المستحيل
زي ماهم يطلبون زوجه محبه ومخلصه احنا كمان من حقنآ وانا ماطلبت منه الآ انه يخلص لي ويبطل حركآت اللعب
لآني مو مقصره بشي معآه
والله يهديه ويصلحه ويجعله مايشوف احد غيري ~
والله يوفقكم ويسعدكم في دنيتكم ~

تآلا

11-06-2022 - 08:11 am

انا اقول اذا انتي متأكده 100 % من انه يكلم بنات يعني مو شكوك .. ومافيه ظلم له
صارحيه وازعلي .. وحسسيه بأهمية الامر ..
الله يعينك

اتعبتني دنيتي~

11-06-2022 - 09:13 am

تالآ متآكده ووآثقه كمآن ...
بس مشكلته ينكر ومااوصل معآه لحل ويطلعني اني ظآلمته وان هالاشيآء مو له ...
ومااستفيد شي غير يتنكد يومي ويومه واحس يزيد هالشي !!
ومشكوره

فكر راقي

11-06-2022 - 10:14 am

اختي بقلك حاجه
هو صحيح يكلم
بس مابقلبه الا انتي بس
وينظر لهم انهم رخيصات
وانا متاكده من كلامي لاني ادخل موقع يهودي بس كل اللي فيه عرب واغلبهم سعودين هو شات اصلا ولعبه
ادخله باسم رجال للنصح البنات اللي هناك
وكلهم صحيح يكلمون بنات بس اذا جيت اسولف معهم على اني مثلهم رجال شوفي كيف السب في هالبنات
وبالنهايه الواحد مابيبقى بقلبه الا زوجته
ومن بعد المولود الاول بيعقل بس لا تدمرين بيتكم بسبب الرخيصات
الله يسعدك ويصلح زوجك

صقيقتي وغبائها وخيانتهالزوجها←
ادخلو هنا جزاكم الله خيرزوجي بيتزوج علي→