بليز ساعدونس في حل مشكلتي

عالمه

13-03-2022 - 02:16 am

كيفكم أخواتي والله ترددت في كتابة موضوعي بس والله اضطريت إني اكتبه بعد ماتعبت المشكلة هي زوجي عمره ماوداني للسوق الا مره وحده بس في بداية زواجنا يعني من ست سنين وباقي الروحات دايم اروح مع أخواني قبل كنت اروح مع أخواني المتزوجين وهم الي يطلبوا مني بس تعرفون زوجاتهم مو كل زوجة أخ تبي اخته تروح معه وأنا ماالومهم بصراحة المهم أنا من زمان بطلت اروح مع أخواني المتزوجين واروح مع أخواني الي لسا ماتزوجوا بس مهما كان حسيت انهم ملوا لأنه شئ يقهر انهم يودوني وضيف الشرف زوجي عمره ماوداني كلمته امس ابيه يوديني اروح اتقضى للعيد قال مااقدر اوديك وجلس يتحجج كالعاده والله أنا اللحين طفشانه مره وكارهه نفسي ولااكلمه من الضيقة الي فيني لأني مليت من تلميحات زوجات اخواني عني وعن زوجي الي عمره ماوداني وعن انفسهم وكيف هم عايشين بدلال مع أزواجهم بليز ساعدوني في حل هالمشكلة الي عن جد جننتني.

التعليقات (9)

دفـــــ القلب ـــــــئ

13-03-2022 - 04:55 am

حبيبتي هونيها واحمدي ربك ان بس هذي مشكلتك
انا اعرفلك كم واحد من اقاربي والله مايودون زوجاتهم
للسوق والا يرضون انهم يروحون مع غيرهم تخيلي انهم
يوصون خوات ازواجهم ع اللبس والاغراض اللي يبونها

ريف الاشوااق

13-03-2022 - 05:56 am

والله انتي اللي عودتيه ليه من الاساس توافقين ان اخوانك يودونك ؟؟؟
انا اخواني يودوني صح بس مو دايم السوق هو يوديني وباقي المشاوير خصوصا الزيارات اروح مع امي
وهالحين حاولي من جديد وان مانفع الله يعينك ؟؟؟؟والله يسخره لك يارب
موفقه ياغلا

magic45

13-03-2022 - 06:57 am

معليش يبي لك مشوار لين تعودينه طبيعي 6 سنوات و هو ما عليه منك و اللحين هونتي و تبين تغيرين الله يعينك
المره المفروض اذا مارضى يوديها ما تخلي اخوانها يقضون اشغالها كذا يتعود و يتبلد
لا اله الا الله

#ميس الريم #

13-03-2022 - 07:58 am

اذا مارضي يوديك لا تستسلمي
وان اضطرك الامر وماوداك ماتروحي مع اخوانك حتى لو ماشريتي ملابس للعيد
واستمري على كذا الين يرضى يوديك
اما لو تنازلت مثل دايما فما تتوقعي اي تغير

نفسي احضنه^_^

13-03-2022 - 08:59 am

قولي له ان اخوانك مو ملزومين فيك خلاص تزوجتي
والرجال قوامون على النساء
الى متى بنظل على هالحال
كثر الدق يفك اللحام حاولي مرة ومرتين وثلاث
لاتيأسين
وبالتوفيق ياعسل

حنو و ميمو

13-03-2022 - 10:00 am

الله يعينك بس صراحه غلطتك انتي اللي عودتيه من البدايه ع كذا
اللحين حاولي فيه من بدري وخليه هو اللي يحدد الوقت ع فضوته علشان مايتحجج انو مو فاضي
ولا تستنين نتيجه فوريه يبيلك وقت على ما يتعدل
ايه...نسيت اقول اذا ما وافق انتبهي تروحين مع اخونك <<<< كأنك يابو زيد ماغزيت
حتى لو ماتروحين للمناسبه يبيلك تضحين
والله يكون بعونك

نصيرة الحق

13-03-2022 - 11:01 am

الله يعينك

@عذبة الاحساس@

13-03-2022 - 12:02 pm

الله يعيينك

عالمه

13-03-2022 - 01:03 pm

مشكورين اخواتي الي ردوا علي وفعلا انا الي غلطانه لإني أنا إلي عودته بس كل واحد يخطي وأنا أخطيت بهالشئ
وكنت ناوية فعلا أني مااروح مع أخواني حتى لو ماأعيد هالعيد حتى يتعود وراح أحاول وربي يساعدني في حل هالمشكلة
ويغيره في اسرع وقت

اول مره تلبس قميص نوم وشوف وش سوا لها←
انصحي زوجك وابعتيلو ايميل نسخة من الموضوع→