بليز ساعدوني يا بنات شلون اطبخ الارز الابيض

أم الـسـادة

14-07-2022 - 08:27 pm

السلام عليكم
شخباركم يا بنات وشو عاملين ؟؟؟
بدخل في الموضوع على طول
مشكلتي اني فشلت في طبخ الارز وخصوصا الابيض لانه هو المهم
والحين طالبه منكم تعلموني شلون اطبخه خطوة بخطوه من اول ما اشيله من الكيس الى لين ما يكون جاهز خ
ردو علي بنات لا تطنشوني عشان ابيض وجهي قدام زوجي >>>> هو ابيض يعني بس نبي اكثر
خ مصدقه روحها الاخت

التعليقات (9)

مليت من حبك

14-07-2022 - 10:45 pm

هلا حبوبه
حتى انا كنت لسه ابي اسئل نفس سؤالك
لانه عملته كذا مره وما يضبط مره :فيس يبكي من القهر:

أم الـسـادة

14-07-2022 - 11:47 pm

خمس مشاهدات ولا رد
شدعوه ؟

~روح لايمسها {عآبر !

15-07-2022 - 12:48 am

بقلكم شلون اعمله على طريقتي يارب يضبط معاكم
كوب ونص رز
طبعا تغسلية تمام
وتحطي بالقدر شويت زيت
وتحطي الرز + حبة مرقة ماجي + ملح
بالنسبة للماجي حسب الرغبة بس انا احطها
تحطي بالخلاط لتر وربع موية <<<< لازم بالقياس اتعامل
وتخليها عشر دقايق
وبالهناء وبالعافية

المشاعرالهادئه

15-07-2022 - 01:49 am

يعطيك العافيه يالغلا

بوتيك جلنار السيالي

15-07-2022 - 02:50 am

افادتك القمر
روح لايمسها عابر
الله يسعدها

التوام

15-07-2022 - 03:51 am

احب امسي عليكي اختي ام الساده بصراحه انا طريقتي في عمل الارز الابيض طبعا بعد ما اغسل الارز واصفيه احط على النار سمن فارم او اي نوع انتي تفضليه وبعدين احط عليه الارز وبعدين احط عليه المويه طبعا على حسب الكميه اللي عندك واضيفله هيل وقرفه كبيره مو مطحونين وملح وبس اتركه الى لما تنشف المويه واذا حسيتي انو يحتاج مويه زيديه وبالعافيه وان شاء الله تعجبك طريقتي

وحدة من الناس

15-07-2022 - 04:52 am

مرحبا
تبغيه مثل ارزالدعايات ابدااع جربيها ماتندمي
انت وزوجك يكفيكم كوب ونص رز من العنبر الكلاسيكي الي كيسه قرطاس
تغسلي بمويه بارده شوي شوي لاتكسريه
تنقعينه بماء شديد الغليان 5دقايق
بهالوقت تكوني حطيتي بالقدر شوي زيت شمس او اللي تبين وماء حار مناسب لكمية ارز
وملح وماجي حسب الرغبه اذاغلى الماء اشخلي الرز من الماء واضيفيه للقدر
لازم الماء يغمر الرز ويرتفع عنه بشوي ممككن 1سم ونص
خلي النار عاليه اذا شرب الماء وحطيتي السكين مافي ماء تحت قصري النار آآآآآآخر شي يادوب تشوفينها
وصبي عليه 5ملاعق من زيت الدهنه>(زيت بيالة شاي ونصف_بصله شرايح حتى تصير متحمره نضيف لها طماطه شرايح
نخليها عالنار حتى تذوب الطماطم ونسكر)
وحطي فلفل اخخضر او احمر جوات الرز وسكري الغطا نص ساعه يسهي عالنار
لما تقلبيه بصحن التقديم زينيه بالطماطم والبصل اللي قبل سويناه>>>>>>جوعتيني
اتمنى فهمتيني جربيه وادعيلي واي شي لاترددي قولي
واتمنى تردين اذا نجحت معاك بالموضوع وتطمنيني اذا وجهك ابيض او احمر

&&بقااايا حلم&&

15-07-2022 - 05:53 am

رفع لعيونك ياعسل 00

عروس تبوك

15-07-2022 - 06:54 am

بقولك طريقتي خد الرز كوب ونص اغسليه بعدين حطي مويه مغليه كاستين ونص بحجم الكاسه اللي وزنتي فيها الرز
وخطي ملعقه زيت عافيه او اي زيت وحبتين هيل وقرفه وملعقه صغيرة ملح
واستنيه لين يغلي ووطي النار عليه لين تنشف مويته
وبالعافيه

الدجاج المحشي باللحم المفروم صحي ولذيذ←
طبق روستو مع صلصة النعناع→