بنات أنا مصدوومة ولا أحلل من سرقت مجهوداتي بلا إذن

السلام عليكم ورحمة الله وبركاته ,,,
كيفكم جميعا ,,
ومساءكم معطر بالذكر ,,,
اللي نست تقرا سورة الكهف تلحق عليها ..
من جد بنات أنا مصدوومة بشكل ما تتخيلووه
رحت أبحث بقووقل لقيت موضوعات قروباتي تخفيف × تخفيف منتشرة في كل مكان
والنظام المعتمد في القروب و إلخ
طبعا محد يكره الفايدة لغيره ,, وفرحت بهالإنتشا ر
لكن زعلت من غيااب الأماانة
لأنه فعلا فعلا والله شاهد عليّ النظام من مجهودي الشخصي وخبرتي اللي مريت فيها مع الوزن
والريجيمات وقراءات في الصحة والتغذية وو إلخ
لكن اللي زعلني واللي ما صدقته ,, انه يكون فيه ناس تسرق ولا تخاف من رب العالمين
هذي سرقة أدبية
والسرقة مو بس في الأموال ,,,
والله ,, ثم والله لو الوحدة راسلتني وطلبت انها تاخذ موضوعي وتفتح قروبات في منتديات ثانية كان على راسي .. أو كتبت منقول
تخيلوا عاملين قص ولصق لكل كلمة كتبتها ,, حتى بالفيسات ,, حتى بالتواريخ
وفاتحين قروبات في منتديات كثيرة سعودية وغير سعودية
وحاطين نظامي المعتمد
وماافي اي إشارة لا من قريب ولا من بعيد
حتى الخط ماغيروه
وحدة ماقصرت عملت تجديد وحطت صور ههه
حتى قصتي مع الوزن اللي كتبتها في افتتاح أول قروب منسوخة !!!!!!!!!!!!!!!!!!!!!!!!!!!!
تخيلوا وحدة ماشية معاية شهر بشهر ويوم بيوم ,, كل ما فتحت قروب نسخت اللي كتبته ونقلته بقروب بإسمها
والمضحك المبكي انه ناقلين كتابتي وكلامي حتى بالأخطاء الإملائية
في النظام المعتمد كنت كاتبة ظام شعاره,, سقطت مني النون ,, وسقطت منهم كمان!!
والنكتة الثانية,, انه وحدة بعد ما نزلت الموضوع تقاطرت عليها الأسئلة المحرجة:
اللي كتبتيه عن تجربة؟ طيب كيف نطبق هذا النظام ؟؟
المعلومة هذي ما اقتنعت فيها,, أقنعيني,, !!!!!!!!!
وطبعًا ماعرفت تجاوب عنها ,, فتركت الموضوع بلا ردود
وتستااهل عشاان تبطل سرقة مالايحق لها
هذا الرابط الوحيد اللي حط روابط الفراشة للنظام المعتمد
من جديد: قروب تخفيف× تخفيف ولا للريجيمات(التجمع الرابع//تحدّي شهر ربيع1))
بس اللي ما فهمته كيف ناقلين جداولنا واسماءنا من غير إشارة للنقل!!!!!!
وهذا الرابط حطوا موضوعي في قسم جلب المواضيع من المنتديات فجزاهم الله خير ع الأمانة.. ع الأقل حطوها في المواضيع المجلوبة من المنتديات ولو انهم ما أشاروا لمنتدانا ,, بس ع الأقل ما نسبوه لنفسهم ,,
تخفيف x تخفيف....ولا للريجيمات..ابتداءا من 14 رمضان31ه
الشاهد في الموضوع
لا أحلل من تنسب أو نسبت لنفسها المجهود ولا تذكر أن الموضوعات منقولة ,,, فهذي حقوق فكرية
ووما هقيتها من بنات الفراشة << هذا في حالة كانوا من الفراشة