بنات الحقو علي بكره اجتماع في المزرعه وابي شي دافي لذيذ و

زي شنو تبين عشان نساعده ع القهوى ولا الشاهي

شكلك تقصدين موالح مع الشاي صح؟؟

مثل ايش يعني موالح اوحلى تبين

اي شي تكفون
مع الشاهي مع القهوه
المهم شي يدفي
انتظركم بتروش وارجع لكم

خذي لهم حنيني .. فيه جاهز عند تمور الصالحية ..
وخذي معاه كابتشينو بترامس مع قطع كيك اذا تعرفين تصلحين كيك وتقومين تحمسين سميد الى مايصير لونه ذهبي وتصبين حليب نستله على وجه الكيك وترشين السميد يطلع شكله جنان وطعمها بالمره لذيذ يم يم ..
<<<<< اشتهت تاكل
الله يوسع صدوركم بالعافيه

هلا والله ياعسلات
ياحبيلكم
بس انا بقريه وين اجيب جاهز منه مافيها الا الدجه ههه
<<<<<<<< شوفيني كاتبه اه يالرياض في مدينتي
المهم
تمت على خير سويت محلا والكل انهبل عليه
والاهم انه انظبط من اول مره
جبت تمر كيلو ونص - نوعه خلاص -
و3 لتر ماء مغلي <<< طبعا هذا المقياس من عندي عشان الغلايه والا موب طيب عرفت
المهم
حطيت لترين مع التمر ليمن ذاب بالفصم - النوى - العبس -- اللي هو ويوم ذاب التمر شخلته ورجعته لقدره وصبيت باقي الما ورجعت صفيته بالصفايه مره ثانيه
المهم من هالسالفه اني استفيد من التمر قد ما اقدر
بعدين غليت الصافي اللي طلع لي وجبت 3 كاسات دقيق بر يمكن تحتاجين اكثر شوي حسب ليمن توصل لقوام اشد من خليط الكيك
ولا تحطين الدقيق دفعه وحده لالا شوي شوي وبسرعه بمضرب السلك عشان ما يتكلكع ليمن تحسين انك تقدرين تكبين الباقي بدون مشاكل
وبس اذا تجانس حطي عليه نصف اصبع زبده واخلطيه زين وقصدريه وحطيه ساعه ونص بالفرن واذا طلعتيه اعصديه زين
يميمي لذيذ
واذا غرفتيه بحافضه سيحي زبده عالوجه ورشي فلفل
وغطي الحافظه
وهالكميه فيها بركه بس طلعو الحريم53 >>>> عدتهم رايقه
الرجال سحبنا عليهم ياخزياه يجيلهم 20 ماشاء الله خ
وسلامتكم
اتمنى تستفيدون من تجربتي