بنات العطر اللي مجنني

غديرالحب

31-07-2022 - 12:05 am

معليش بنات قلت كذا عشان كلكم تدخلون وتعرفون مشكلتي اللي فعلا مجننتني مع العطورات بس كل ماأشتري عطر ماأحس انه قوي ومركز ماتثبت فيني ريحة العطر وماتنشم اصلا الا أول ماأرشه وبعدين تتبخر ممكن تدلوني وين المشكله بالرغم اني أشمه في غيري واسألهم عنه ولما أشتريه ماأستفيد منه؟؟؟؟؟

التعليقات (9)

الأمـــل البعيـــــــد

31-07-2022 - 03:37 am

حبيبتي غدير الحب..لامشكله ولاشي اكيد العطر اللي تحطينه الكل يشمه واكيد يعجبه ولاتستغربين
انك تحسين ريحته فتره وبعدها ماعاد فيه ريحه السبب ان الانسان اذا تعود على ريحة جسمه ماعاد يقدر يشمها
رغم ان اللي حوله اكيد يشمونها وهذا حتى علمياً ثبت فلا تقلقي ولاتشيلي هم ..ودوري دايم على العطور اللي ريحتها مركزه
مثل عطورات ديور واف سان لوران..
اتمنى اكون افدتك ..
دمتِ بود

شوكلاته مره

31-07-2022 - 04:38 am

عزيزتي في عطوور ماتكون اصلية بس احنا ننخدع فيها
روحي محلات بجد حق العطر فية
وخذي اللوشن حق العطر معاه
انا عن نفسي احط عودة مع العطر واللوشن والريحه حلوة تكون
حاولي يكون العطر موعلى لبسك اهم شئ
والله كريم

الورده المخمليه2005

31-07-2022 - 05:39 am

انا زيك ياغدير بس هذا اللي احنا نحسه
انا اشتري من الماركات زي شانيل بس ما اشمها .... وقلت هذي المشكلة لصديقتي قالت بالعكس انا اعرف انك مريتي من هذا المكان من ريحة عطرك قلت كويس والله.
بس لايهمك هذا احساس عادي طبيعي

فراشة قطر*

31-07-2022 - 06:40 am

مرحبا اختي.. اول شي ...شي طبيعي انك ماتشمين ريحتك لانك تعودتي عليها .. بس هذا ما يمنع اقوللك طريقة تخلي العطر مركز اكثر..
اول ماتشترين العطر (اي واحد من العطور الفرنسية) ويكون جديد ما بخيتي منه ولا بخه..
حطيه بالثلاجه لمدة 3 ايام ... وبعدين حطيه في مكان مظلم لمده ثلاث ايام ( يفضل بين ملابسك ) وبعدين شوفي ريحة العطر شلون بتكون مركزة ... وراح تثبت باثيابك حتى بعد الغسيل..
ارجو اني اكون افدتك...

حبوبة 2005

31-07-2022 - 07:41 am

اهم شئ تشترينه من محلات مضمونه
فيه محلات كثير هالايام تبيع عطورات معباه في الخليج!!!!!!!!!!!!!!!!!!!!!
ترى اهي مو زينه ابد وبعضها يقلب على ريحه كريهه
الله يسهل عليك انا ناويه اجرب طريقة فراشه قطر مع ان عطوري تثبت لاني احب اتبخر بالعود او المعمول وارش العطر معه فيثبت فتره طويله

ورود*

31-07-2022 - 08:42 am

أنا أضم صوتي لزميلاتي الشخص مايشم ريحته بعكس الناس الثانيه تشم الريحه

خطافة المزايين

31-07-2022 - 09:43 am

اعزيزتي في عطوور ماتكون اصلية بس احنا ننخدع فيها
روحي محلات بجد حق العطر فية

بريق الأمـل

31-07-2022 - 10:44 am

اذا كان عطرك اصلي ومن محل موثوق فيه فالله اعلم انتِ ماتشمين ريحة جسمك

الحنـــــونه

31-07-2022 - 11:45 am

مثل ما قالولك اخواتي ما تقدرين تشمين ريحة جسمك اذا تعودتي علي الريحه
بس غيرك ممكن يشمها فيك
وحاولي تجربي طريقة الاخت فراشة قطر يمكن تستفيدين منها
تحياتي لكم

نصائح حول مستحضرات التجميل←
طريقة تصغير الأنف بالميك أب بالصور→