بنات اللي تبي تسجل للرجيم الجماعي

البندري9559

13-01-2022 - 10:12 pm

مرحبا بنات اخباركم م في وايد مواضيع نفس موضوعي بس ان كلهم باديين من فترة وانا جاية متاخر وابي مجموعة تبدى معاي وانا حابة ابدي رجيم لني الصراحة تعبت من وزني وقررت اتحدى نفسي من سنين وانا اسوي رجيمات اطول رجيم فيهم استمر اسبوعين واللي نزلته فيهم زاد الضعف انا مشكلتي قبل ان الكل كان يقولي مليانة بس جسمك متناسق بس الحين بدت تصير سمنة وصرت اكل بشراهة ووزني خلال شهر واحد بس زاد 7 كيلو تخيلوا انا تعبت من السمنة وعندي ارادة اني اقاوم واضعف مليت من كثر ماروح السوق وينحرق قلبي على الملابس وماقدر اخذها مليت لما اجي اتكشخ والبس اشوف جسمي فالمراية اتعقد وابدلها والبس ملابس البيت تعبت من كثر مايقولون لي حلوة بس جسمك مخرب من كثر مايقولون لي عمرك 19 بجد مبين عليك 24 او 26 كلام جارح وصعب والمشكلة ان وزني مش ثابت قاعد يزيد عشان جذي قررت هالمرة ابتدي رجيم مختلف عن رجيماتي الباقية النظام الغذائي مثل ماهو بس هالمرة حبيت اخواتي الفراشات يشاركوني ونبدي مع بعض وكل وحدة تتحدى وتشجع الثانية ايش رايكم طبعا راح نبتدي تسجيل الاسامي للرجيم الجماعي واللي راح نبتديه ان شاء الله يوم الجمعة بعد ماتكتمل الاسامي كل وحدة تدخل وتسجل طولها ووزنها والوزن اللي تبي توصله وانها حابة تبتدي معانا من يوم الجمعة وطبعا الرجيم بيكون فيه يوميات اخر الليل تدخل كل وحدة وتقول ايش كلت وايش خربطت في يومها وبنحط كذا رجيم وبنتفق على واحد سوى...
طبعا انا وزني 78 وحابة انزل لين 58 يعني لازم اخس 20 كيلو وطولي 166 تقريبا يلا بنات بسم الله نبتدي

التعليقات (9)

sweet_cute

14-01-2022 - 01:36 am

مرحبا عزيزتي: البندري 9559
والله كل الي قلتيه حاسه فيه ,, يا شيخه مليت من هالسمنه!!
لاتزعلي ياقلبي انا فرحانه اني راح اكون اول مشاركه معاكي وان شاء الله ننحف واحنا بخير وصحه قولي امين على العموم انا الحين متابعه ريجيم الكورن فليكس

ماريــا

14-01-2022 - 02:37 am

هلا اختي البندري
هذي اول مشاركه لي وانتي شجعتيني
انا ماني دبدوبه بس تعبانه من وزني عمري ماوصلت 68 الا هالسنه
انا امس بديت رجيمي ورجيمي من عندي ...بستمر عليه لين عقب ثلاث ايام لان عندي امتحان
وان شاء الله بعدها ببتدي برجيم الشوربه الحارقه
الحين مثل ماقلت وزني 68كيلوغرامات وطولي 165 سم
وودي انزل 8كيلو
الله يوفقنا ونزل الكيلوات الزايده

البندري9559

14-01-2022 - 03:38 am

sweet_cute
هلا حبيبتي وانا اسعد لنك اول مشاركة في موضوعي وان شاء الله عزيمتنا تقوى وننحف بصحة امين حبيبتي

البندري9559

14-01-2022 - 04:39 am

ماريا
هلا اختي ماريا انا وايد مستانسة ان اول مشاركة لج في هالمنتدى بموضوعي وهالشي يشرفني والله وان شاء الله الله يوفقنا وننزل ونحصل على الوزن اللي نبغيه

ماريــا

14-01-2022 - 05:40 am

يا حياتي يالبندري الشرف لي
بس حبيت اعرف شو الرجيم الي بتتعبينه؟
ومتى نقيس اوزانها ونحطها؟

البندري9559

14-01-2022 - 06:41 am

بالنسبة للرجيم اللي انا بتبعه اهو رجيم من مجموعة رجيمات وهو من عندي واعتمادي الاساسي على قطع النشويات يعني مافي نشويات الا في وجبة الفطور اما باقي الوجبات لا نشويات ولا دهون سلطات وفواكه وخضروات مسلوقة وشوربات واشيا مشوية دجاج او سمك وهو اغلبية الرجيمات على هذا النحو فهذي الرجيم من عدة رجيمات
بكتب نموذج من محتويات وجبات الرجيم والاشيا اللي ممكن ناكلها فيها
الفطور شريحة خبز توست واحدة او خبز اسمر / ربع جبنة قليلة الدسم مع كوب حليب او شاهي بدون سكر او عصير طبيعي او بدل العصير فاكهة تفاحة او برتقالة
الغداء
نصف دجاجة مشوية مع نزع الجلد مع صحن سلطة
او سمك مشوي مع سلطة او خضروات مسلوقة
تونة او بيضتين مسلوقتين مع سلطة
او شوربة خضار
العصر
فواكه عند الشعور بالجوع طبعا ماعدا التمر والموز والمنجا والتين
او حتى كوب كوفي بدون سكر او شاهي
العشا
خيار وزبادي قليل الدسم
سلطة فواكه
سلطة خضروات او فواكه
او الاكتفاء بكوب حليب قليل الدسم
او اذا جعتي تاكلين تونة او بيضة مسلوقة واحدة
ملاحظة مع المشي نص ساعة يوميا واداء تمارين البطن
وشرب الماء 8 اكواب يوميا ويستحسن اكل وجبة العشاء قبل الساعة 6 ومن بعد الساعة 6 فقط ماء هذا يساعد على فقدان الوزن
وقريت في موضوع وحدة من الاخوات طريقة للامانة ليحين ماجربتها بس بجربها وبرد عليكم واللي هي تقول انها تنزل 9 كيلو بالاسبوع :
المقادير:
ليمونة واحدة
برتقالة واحدة
ماء للغلى
الطريقة:
تقطع الليمونى الى اربعة كذلك البرتقالة و تقومى بغليهم بقشرهم فى الماء بعد ذلك تصفى الماء و تشربيه و ممكن تحليه بملعقة صغيرة عسل لان طعمه مر قليلا و المفاجأة انك راح تخسين بلا رياضة و اذا حبيتى المفعول يكون اسرع ممكن تطلعى السلم و تنزليه و يكفى التسوق يوميا و المفاجأة الاكبر انك تاكلين ما تحبين حتى لو كبسة بس تقللين من الشوكولا و المفعول يزيد كلما ققلتى اكلك
وفي شي يساعد على حرق الدهون الا وهو مزيج عصير الاناناس والكيوي واللي هو اخذ عصير اناناس كي دي دي ووضعه في الخلاط مع كيوي هذي يساعد على تخفيف الوزن بس يسوي اسهال ترى وجربته بنفسي

ماريــا

14-01-2022 - 07:42 am

عصير الليمون والبرتقال ان قريت عنه وعطيته صديقتي وامها جربته تقول امي كل يوم احسها تختفي زياده
بس ماستمرت عليه وايد
وانا كل يوم لاازم اسوي تمارين الايروبكس لانها بجد نفعتني كثير وروعه
تخلي الجسم متناسق وحلو
يارب وفقنا .... ان شاء الله ماتهمد عزيمتنا عقب كم يوم:(

البندري9559

14-01-2022 - 08:43 am

وبالنسبة للاوزان نهاية الاسبوع كل جمعة نقيس ونحط اوزانا

البندري9559

14-01-2022 - 09:44 am

ماريا
ان شاء الله بجرب العصير اليوم وان شاء الله ماتهمد عزيمتنا انا كل مرة اخرب الرجيم

تعبتي من كثر الرجيمات الحل عندي وانا ام هندي←
يا ريت تردوا ع موضوعي→