بنات انا غلطانة ولا ايش

1. السلام عليكم

السلام عليكم

بنات حبيت اكتب لكم معاناتي مع زوجي واخوانه وما ابي منكم غير تجاوبوني مين الغلطان اللي فينا
بنات انا متزوجة من اكثر من عشر سنوات وزوجي عنده اخوان اثنين ,طبعا زوجي هو الكبير اللي فيهم واخر من تزوج من بينهم واخوه الاوسط متزوج من اكثر من 16 سنة بس المسكين ما يصير عندهم اطفال واخوه الاصغرمتزوج قبل14 سنة وعنده ثلاثة بنات الله يخليهم المهم انا اعيش مع زوجي واخوانه في احد دول الخارج علاقتي باخوانه ما ابالغ اذا خبرتكم اني اعتبرهم مثل اخواني ويمكن اكثر والله يشهد دايما هم في بيتي ودايما زوجي يناديهم على الغداء ولا العشاء وخصوصا اخوه الاوسط لان الصغير اللي بينهم زوجته ما تقبل انو يكثر من زياراته لنا ولها اسبابها الخاصة
يا بنات زوجي يحترم اخوانه حيل بس هم لا.. كل همهم المادة يعني اذا زوجي مرت عليه ضائقة مادية بعد ما تشوفينهم ولا تسمعينهم واذا اضطر زوجي يستلف من اخوه الاوسط يعطيه ما يقصر بس يا ويلنا لو تاخرنا في رد المبلغ
مشكلتي اني ما اتكلم كلمة مع زوجي والا الاقيه متصل باخوه الثاني ومخبره بكل كلمة نطقتها ولو اطلب منه ابسط الحاجات يتصل باخوه ويساله واذا بغيت اطلع طبعا مو دايما اطلع من البيت عشان اخو زوجي عنده بضاعة وحاطهة في بيتي لازم اكون حارس عليها وما اطلع برا البيت واذا صادف وطلعت بعد شهر او اكثريتصل ابزوجي ويخبره انه لازم نرجع للبيت عشان يبي ياخذ من بضاعته اللي عندنا واذا اتضايقت لو زعلت والله زوجي ما يخلي على حالي حال سواء بيني وبينه او امام اخوه في حين زوجة اخوه تطلع وقت ما تبي وترجع محد يتكلم معاها وانا لا ..مرت السنوات وانا على هاي الحالة وبالعكس اتعودت على زوجي واسلوبه لاني حاولت اخبره عن انو البيت اسرار وما يصير ننقل الكلام اللي بينا لاخوانه بس ما يفيد ولا يستمع لي
كان دايما يطلع من بيتي مبسوط وفرحان ولما يروح لبيت اخوانه يصير شكل ثاني وحتى من اتصل عليه يقفل الخط ابوجهي وسكتت وصبرت والله بيتي مفتوح لاخوانه 24 ساعة وانا لما ازور اخوه الاوسط زوجته تزعل وتتضايق مع اني ما ازورها الافين وفين اما اخوه الاصغر زوجته تتضايق مني عشان انا صغيرة في السن ومهتمة ابزوجي وبيتي واطفالي هي العكس مني وزوجها بدا يعايرها فالبنت حقها بدت تتضايق مني .
قبل ثلاث سنوات تقريبا سافروا اخوان زوجي لبلدنا مع العلم انو زوجاتهم مسافرات لزيارة اهاليهن قبل هالمرة الا اني من يوم زواجي لحد هاللحضة زوجي ما يفكر يوديني ولما رجعوا تتوقعون وش جابوا معاهم !
جابولي شريط فيديو لاخوه الاوسط اللي ما يتصل ابزوجته عشان تحضرله الطعام يتصل فيني ودايما يخبرني انو يحسبني اخته الصغيرة واذا ما زارني يوم اتصل واسال عنه لان هو اقرب شخص لزوجي وبالتالي انا اعتبره اخوي يا بنات
تدرون لما شفت الشريط انصدمت لقيته جالس مع خالته ويتكلم عني ابكل احتقار واستهزاء انا هنا انصدمت وزوجي جالس يطالع وما نطق غير استغفر الله ليش يا خوية
رجعت الشريط مرة ثانية وثالثة قلت ما ابي اظلمه يمكن ما سمعته زين الا هو يتكلم عني وبكل سوء عاد انا هنا بكيت وبكيت وما نمت للصبح احس اني انصدمت اباخوي اللي معتمده عليه ابغربتي والله يا بنات طول فترة سفره وموبايله تاركه عندي خاف يتصل عليه احد زباينه وما يلاقيه لازم ارد عليهم وبضاعته في بيتي انا حارس عليها طيب ليش وش السبب ما اعرف بس بعدين اتاكدت انو زوجته حاقدة علي عشان موضوع الخلفة مع اني في كل ولادة لي ادعيلها ولا عندي حقد ولا كره والله يشهد على كل كلمة اكتبها لكم
وتدرون منو اللي سجل شريط الفيديو اخو زوجي الصغير وحتى ما ارسلولي صور اهلي لا ارسلولي بس هالمقطع حسبي الله عليهم
لما رجع اخو زوجي ما عاتبته بس كان لنا معاه مبلغ من المال وطلبت من زوجي يكلمه عشان انا ابي اسافر لاهلي تدرون زوجي وش سوى راح لاخوه وبدا يسب ويغلط ويشتم علي واني مدمرة حياته لو يجيب المبلغ لو اني راح افعل كذا وكذا وهالكلام ما صار بس طلبت منه اسافر لان والدي مريض وكلما افتح موضوع سفري لاهلي يثور وينفعل المهم كنت ما ادري انو زوجي اتكلم علي بهالطريقة لحد ما رجع وقبل اذان العشاء كنت اغسل لولدي الصغير في الحمام واسمع زوجي يتكلم بالهاتف لما طلعت سمعته يسب فيني وانو راح يرجعني لاهلي ويفعل بي كذا وانا والله ما ادري واخوه معصب بالتليفون ويصيح لما شافني زوجي سكت وما تكلم في هاللحظة انا بكيت من قهري ليش تذلني امام اخوانك مع اني ما مقصرة معاهم ليش ؟ تتكلم معاي شكل ولما تروحلهم شكل ثاني ؟اخوه الاوسط ما ينطق عن زوجته الا كل خير اتصوروا سبب العقم منها وما يقبل يتزوج عليها عشان يحبها.. اذا زوجي راح يزور اخوه تدرون وش تسوي زوجة اخوه والله تدخل تنام لان ما تحب اي شخص يزورهاالله يسامحها ويسامحني
المهم من سمعت كلام زوجي وشفت الشريط لليوم ما تكلمت مع اخوان زوجي وقطعت علاقتي معاهم وطلبت من زوجي انو يتركني ابحالي وبالنسبة لعلاقته مع اخوانه والله ما اتدخل فيها واللي يبيه يسويه ...ويوم العيد اخوه الاصغر جاب زوجته وزارونا بس اخوه الاوسط بغيت اروح اسلم عليه تدرون وش سوى ..زوجي اتصل عليه واخبره انو احنا جايين نسلم عليه ولما وصلنا نلاقيه مطفي الانوار وقافل الموبال ونزل زوجي يدق عليهم بس محد يرد .. زوجي سوى نفسه مستغرب ما يبي يتكلم امامي ورجعت للبيت وخبرته اني سويت الي يرضي ربي بس اخوك الله يهديه ما يبينا وطلبت من زوجي لا يجيبلي طاري اخوه يبي يزوره او يتصل بيه ما لي علاقة بس زوجي مو راضي يفهم كل اشوية وانتي حاقدة وانتي فرقتي بيني وبين اخواني عن جد تعبت وش الحل معاه مع العلم انو زوجي ابدا ما يحترمني امام اخوانه فما استغرب من تصرفات اخوانه معاي
بنات الله يخليكم وش الحل مع زوجي واخوانه لاني اخاف من ربي وحاولت اعتذر منهم بس اخوه الاوسط اذا كره شخص بعد خلاص ما يبيه
اعذروني دوختكم ابكلامي