بنات انقبلت سنة تحضيرية وش سالفتها الي عندها خبر تفهمني

طالبة مقهوره*

11-10-2022 - 07:44 am

السلام عليكم
اخباركم
بنات بعد عناء طويل طلعت نتيجة قبولي في السنة التحضيرية
لازم اقول القصة كاملة خ
وانا كنت مبسوطة طول اسبوعين بهاذي النتيجه
لكن كل ما سالني احد علمته واوف العالم بدت تخوفني
وش تبين فيها صعبة كل الدراسة فيها انقلش
ما علي منهم لاني اعرف اكثر من yes و no بالانقليزي يعني فية امكانية افلح
لكن قالوا لي اني ادرس خمس سنين والعالم اربع ونفس الشيء المرتبة ومدري ايش
وانا ما اعرف احد سبق ودرس سنة تحضيريه
عاد قلت مالى الا حبيباتي الفراشات اكيد عندهم سالفة
وش ادرس بعدها انا ا ابي طب وايش غيره ممكن ادرسه واي معلومةممكن تفيدني وغيري اكيد فيه عالم مثلي كثير
الله يجزاها الجنة الي تفهمني وش السالفة

التعليقات (9)

سوما الدسوما

11-10-2022 - 11:04 am

سلام ومبروك عليك القبول
أنا زيك أنقبلت في سنة تحضيرية قسم هندسة حاسبات الحمد لله
الي أعرفه عن هذه السنة أن فيها انجليزي مكثف أربع ساعات في اليوم وفي مواد ثانية ندرسها زي الرياضيات والدين 00الخ بس أهم مادة هي الأنجليزي عليها أكبر عدد من الدرجات وهذه السنة فيها ضغط وصعوبه شويه لازم المذاكرة أول بأول ولازم تحصلي على معدل عالي في هذي السنة عشان تكملي وتختاري التخصص
حبيبتي هذا الي أقدر أفيدك في وبالتوفيق
على فكرة ما سألتك انتي بأي جامعة وفي أي تخصص؟

طالبة مقهوره*

11-10-2022 - 12:05 pm

مشكورة حبيبتي سوما
الله يعطيك العافية
انا سنة تحضيرية بالقصيم تخصص غير محدد
هم يحطونا على كيفهم الظاهر
ربي يوفقك

طالبة مقهوره*

11-10-2022 - 01:06 pm

بنات تكفون
ساعدوني الى الان احس اني مو فاهمة شيء
رغم المعلومات الي عطت اياها حبيبتي سوما

عربيجهـ ناعمهـ

11-10-2022 - 02:07 pm

انا سمعت انه 27 مآده وكله انقلش مدري عن صحه المعلومه

كلي حلا2008

11-10-2022 - 03:08 pm

حبيبتي انا خلصت السنه التحضيريه في جامعة الملك سعود بالرياض الحين تخصصت علوم طبيه...........
المهم في هذي السنه درست الترم لاول 3 مواد انجلش ومادة عربي واسلاميه واحصاء والترم الثاني ماده انجليزي وفيزيا واثنين كيمياءواحياء طبعا عملي ونظري وبعدين تتخصصي حسب المعدل والرغبه وتوفر المقاعد الى 4 كليات؛طب بشري,طب اسنان ,صيدله ,علوم طبيه بس السنه هذي تغيرت المواد في جامعة الملك سعود عاد مدري عنكم...........................
اتمنى اكون افدتك بشي حبيبتي........

طالبة مقهوره*

11-10-2022 - 04:09 pm

مشكورة حبيبتي كلي حلا
فعلا كلك حلا
الله يجبربخاطرك الي رديتي علي

طالبة مقهوره*

11-10-2022 - 05:10 pm

مشكورة
عربجية ناعمة
مع انك خوفتيني وخليتي قلبي يرقع

$oo0oo$

11-10-2022 - 06:11 pm

حبيبتي انا ان شاالله اجهز ملف عن التحضيري وانزله هنا
انا السنه اللي راحت كنت تحضيري طب
والحمد لله خلصت
والسنه هذي من احلى سنوات الدراسه
وانتي لا تشيلي هم
والله يوفقكم

DKNY^_^

11-10-2022 - 07:12 pm

حبيبتي التحضيري ..هي مواد الاعداد العام ..لعشر كليات ..
الطب - الصيدلة - العلوم الطبية - طب الاسنان - ادارة الاعمال - الحاسب ...و بقي 4مو ذاكرتهم الان ..الظاهر تغذية ..
السنة التحضيرية لجامعة الرياض للبنات عدا قسم رياض الاطفال سيكون في المجمع الاكاديمي للجامعة ( مخرج 9 )
اما قسم رياض الاطفال سيتم تحديده لاحقاً بإذن الله ..
السنة التحضيرية لجامعة الملك سعود ستكون في المجمع الاكاديمي لجامعة الرياض للبنات ( مخرج 9 )
السنة التحضيرية لجامعة الإمام ستكون في مركز دراسة الطالبات التابع لجامعة الامام محمد بن سعود الاسلامية ( حي الملز )
و يشوفونك اذا جبتي معدل ..يحولونك لواحد من هالاقسام حسب الرغبة و المعدل .. واذا لا يكرشونك من الجامعة ..بالعربي يطردونك ...خ..
هذا الي عرفته من صاحباتي ..و لو تبغي شي قوليلي بالخاص انا حاضرة < لاني ما ارجع للمواضيع عجازة لوول ..

اسعار الدراسة في اوكرانيا←
اسم المستخدم ورقم الطلب→