بنات تعالو شوفو صبغة شعري الحمرا الورديه وش الحل معاها ابي اغيرها

السلام عليكم خواتي
انا في وورطه شعري كان بني
وصبغته أحمر جريء وواضح فيه اللون مدري وش جايني يوم انا اختار
اللون شكلي كنت حولا وقتها
شكله العام أحمر او احمر كستنائي او احمر عناابي
واذا رحت للشمس يصير فيه لمعة وردي:ق1:
موب عاجبني الصرراحه مغيرني 180 درجه كنت نعومه وصرت عربجيه
تقريبا تشبه لهااذي ولكن انا الشعر كله مثل هاللون مو خصل
وكمان قالت لي مع الغسل راح تفتح لونها ويصير على برتقالي < هذا اللي كان ناقص
يعني ياليت اللي جربت الاحمر او تعرف له عندها خبره فيه اما كوافيره
او تعرف وحده جربت هل اقدر اغيره الى البني الشوكولاته او البني الغامق او الرمادي
او الاشقر الغامق اي لون الله يرحمكم بس غير الاحمر
طمنووني بالله
ونصيحه لوجه الله الاحمر لون صعب ويروح بسرعه ويصير برتقاللي
لا احد يغامر ويصبغه