بنات جامعة الملك سعود تفضلن بالدخول

حياك حبيبتي بجامعتناا وبتنورينهاا
التحويل من ناحية صعب فهو صعب لكنه تحويل من كلية لكلية.. بس جيبي معدل او حولي قبل ماتدرسين اسهل
جيبي واسطه وكل شي يصير اوكي
اما الصديقات لاتشيل هم انا كنت زيك والحمدالله تعرفت على صديقات
عادي يعني لاتشيلين هم
اما اللبس طبعا تنوره سوده والبلوزه اي لون بس مايكون فااتح يعني احمر وفوشي ممنوع ونص كم ممنوع طبعا
بس خذيها مني حظ انتي وحظك يعني احياناا لبسك مافيه شي ويقولولك مخالفه واحيانا لبسك كله مخالفات ومحد يكلمك حسب الا عند البوابه...........
ولاتشيلين هم ...
وياليت تكون علم نفس تنوورين قسمناا حبيبتي وربي يوفقك...

مشكوره
اخيرا احد رد
بس كيف احول قبل ما ادرس
اتمنى اني ما كثرت اسئله بس وش اسوي مستجده
وخايفه ابقى عربي وانا ما احبه
طول عمري احلم بعلم نفس وبسسب المقاعد ما ادخله
والواسطه للأسف مافيه

انا اعاني من نفس المشكله
بس انا داخله القسم اللي ابيه الترم الثاني
بس خايفه ما ادري لييش واكثر شي الصديقات
لان اكثر صديقاتي ما دخلوا اصلا
ومشكوره على الموضوع يا حياه

بريئه باي قسم انتي ؟؟

التحويل حسب نسبتك اللي بالثانوي
او معدلك اذا كملتي ترم واحد
بالنسبه لنسبتك في الثانوي
بيجي يوم التحويل انتي بس روحي وبيعطونك ورقه اكتبي فيها بياناتك والقسم اللي تبينه
ماابي اخوفك واحطمك
بس التحويل ل علم نفس صعب
لان بنات كثير يرغبونه
بيسوون لك اتوقع اختبارين
بس مدري كيف طريقتهم
بس اكيد واحد منهم مقابله شخصيه
بالنسبه للبس التنوره سوداء
والبلوزه اي لون هادي
واذا تبين تلبسين تي شيرت
البسي فوقه قميص ابيض
واذا تعديتي البوابه شيليه ^_^
والصديقات بتلقين ان شاء الله
انا دخلت مااعرف احد
والحمد لله جمعت لي قروب في ترم واحد
الله يوفقك

ضايعه
كل الشكر يالغاليه والله ريحتيني
لاني ناويه اعتذر عشان يكون على نسبة الثانوي
اما عن كثير بنات يرغبونه فالله ييسر ان شاء الله
بنات انا شفت موضوع لكن كان منزلينه بداية الترم الاول
عن تجهيزات الجامعه من تقدر تجيب الرابط لاني سويت بحث وما طلع شيء