بنات جامعة الملك سعود تكفون تعالو

اهلين حبيبتي
قبل كل شيء انتِ في عليشة والا الملز وحددي القسم ؟

شوفي يا عيوني انا في جامعة عليشة اول ما دخلت الجامعة شهر كامل حست فيها بالنسبة كيف اخذ الجدول وكيف اخذ القاعات وأماكن المباني وكل ما اشوف وحده اسألها وتخيلي ما بعد تعرفت على احد بعد ما هدت الاوضاع صادقت شلة واهم شي في الجامعة انك تختارين شلة صح
اذ كنتي في جامعة عليشة ف بتنورينا ان شاء الله
بالنسبة للجدول تاخذينه من النت بس اذ انتي مستجده فما اتوقع يكون من النت أو من مبنى 15 هذا عند بوابة2
والبطاقة الجامعيه عند مبنى 4 هذا اقربله بواب 5 او بوابة الباصات اقرب بعد -
في اشياء كثيرة بس مادري اذ انتي في عليشة او لا
واتمنى اني افدتك

اهلين بنات ايه انا في عليشه
مشكوره اختي هيرا على المعلومات ماقصرتي
بس والله صدق خايفه مدري ليه

أول شي الله يحيك في جامعتنا
ثانياً الله يعينك على المشاوير والمشي الكثير فيها وبعدين لازم تعرفين أرقام المباني بس إنت إذا جيتي الجامعة أسألي بجاوبونك البنات عن اللي تبين والجدول تأخذينه من نفس المبنى اللي فيه كليتك وتلقين أرقام القاعات معلق في لوحة على الجدار ومايحتاج بتلقين بنات متجمعات على هاللوحة ويكتبون وشوفي إذا لقيتي مكتوب جنب المادة اللي تبينها كلمة شبكة معناها إن دكتور اللي بيعطيك أياها وراح تكون في مبنى 4 وهذه المبنى تطلعين منه بطاقتك الجامعية وإن بغيتي تحذفين مادة أوتضيفين يكون في مبنى4وهذا المبنى أقرب بوابة له(7 و 1وبعدين بوابة5 )وإنشالله إذا أستقرت أوضاعك وماتعرفتي على أحد وعندك وقت فاضي روحي للسوق صدقيني بتقضين وقتك فيه والسوق ياعيوني في مبنى 22 جنب مبنى اللغات والترجمة وشكله من برا مبنى اللغات كأنه مستشفى بس لوتقوليلي في أي كلية كان وضحت لك البوابة الأقرب
أتمنى أن أكون أفدتك وإن بغيتي أي شي أنا تحت أمرك

البنات ما قصروا
واذا كنتي في كلية اللغات و الترجمة انا بساعدك ان شاء الله

السلام عليكم
بما انك في عليشة يعني بتشرفينا
وهذي الصورة فيها خريطة للجامعة على الاقل تاخذين فكرة
وهذا الموقع تبع مركز الدراسات بعليشة
http://www.ksu.edu.sa/oleshah_center/index.htm
أتمنى أنك تستفيدي واي خدمة انا حاظرة

هلا عمري حتى انا بعليشه وما اعرف احد وعادي بروح بكرى وأشوف لي بنات اقعد معهم
الله يعيني واياك

اهلين ياقمر ..
يابنت الحلال وسعي صدرك ..وبلا هالخوف انا كنت اكثر منك وما احب اصلا اتعرف على احد ولقيت نفسي دخلت مع البنات عادي
واي خدمه تأمرينا أمر عادي وربي لو تبين نجلس معك او اي شي آمري
وشوفي خريطة خالتي قمااشه بصراحه روعه وتوني اشوفها الله لايوريك كانت الجامعه ارض الضياع بالنسبه لي بس اسبوع وتعودت يله نشوفك ان شاء الله وبتنور الجامعه

بنات
طيب الجدول كل وحده في كليتها يعني انا في كلية العلوم الاداريه في أي مبنى
علموني