بنات جاوبوني انا محسوده ولا بس نصيب وقدر

السلام عليكم ورحمة الله وبركاته
بنات مخي وقف من التفكير
ابي احد يجاوبني
الحين انا مو ظاهر علي الحسد او العين اقصد وقت الرقيه
اللي اعرفه ان اذا قرأت الرقيه او سمعتها تتعب اللي فيها الحسد
والحين اكلمكم وبنت خالتي الله يشفيها ياارب تصيح بالبيت اللي جمبنا ( فيها عين تجيها اخر سنه من كل مرحله )
والله قلبي عورني عليها وخلاني افكر
المحسود او المعيون لازم يتعب؟
انا اقرأ الرقيه وابدأ ما اتأثر او احس بتعب نهائي
سورة البقره اللي اعرف ان اللي يقراها وبطنه يعوره او يحس بنعاس معناته فيه حسد طيب انا اقرأها عاادي جدا مايصير لي شي
لكن في المقابل
ماعمر احد دق الباب وخطبني
ماتجيني وظايف واذا حصل انه فيه امل انها تجيني مدري ليه انفر منها واقول مقدر على هالوظيفه مدري هو رهبة وخوف من تحمل المسؤليه ولا فيني شي؟
ما اشوف امي الا احاول استفزها مدري وشفيني ارد الكلمة بعشر وانا دايم اقول ماراح اتكلم عليها بس يوم تكلمني ماصرت اتقبل اي شي منها
مدري كل هذا وش معناته؟
هو نصيب وحظ وبختياري؟
او انه عين او حسد؟
وهل ممكن تكون العين والحسد بدون ما احس فيها ابدا اثناء قرأه القران او سماع الرقيه؟
هل سمعتوا فيه وحده محسوده وهي ماتدري؟
بنات اتمنى تجاوبني من معرفتكم لأني بالفعل مدري وش اللي قاعد يصير فيني
فسرت حلم امس وكان تفسيره ان فيه حساد عندي
بس انا مو شايفه شي
مدري مدري مدري