بنات حيغمى علي شوفو ليش زاد وزني ولا نقص الحقوني

اه بعد السلام اقول رجعت لكم وللاسف مانقصت ولا كيلو والفشلة اني من شهر شطييت ونطييت على زوجي يجيب لي سير وجابه واه والله ما مشيت عليه الا 3 مرات بس اولادي الصغار كل شوي يحتاجوني اشيل واحط فيهم جاني احباط فظيع وما ااعرف ليش كل ما افكر في رجيم يجيني زهق واحباط واكتئاب وابغى اكل اي شي لذيذ بكمية كبيرة واقول نفسي كلي يابنت الي تحبيه وتشبعي منه عشان بكرة تشدي على نفسك وتنحرمي منه فاكل واكل ويجي بكرة واطنش على الرجيم وارجع اكل كاني بودع الاكل وبعد ما اشبع اقول خلالالالالاص بلتوبة بكرة اشد حيلي دايت ويجي بكرة زي الي قبله اه والله اكتبلكم وانا ابكي والبلى اني ااتحدى بنات واطنش ..ادخل هالمنتدى واشد عزيمتي بكم ثم اتساهل واكل لمتى حالي ذا كل مالي يزيد وزني الحين صار72 وشوفوا في توقيعي قبل شهر سويته كم كان ,,,يابنات انا بلاي اني انام على بطني فتكبر البطن اكثر ماكبرت من الولادات وغير كذا السمنة عندي في الفخوذ والجوانب والارداف والوسط نحيف وكل مالي اتممدد افقي وطولي ييقصر احسه يروح بجوانبي عرض كرهت نفسي وضعفي زوجي رايح جاي يقولي يابنت انتبهي ترى تخنتي بدل ماتنحفي والحين العيد جاي والاسواق تحلى وانتي عارفة كيف الملابس وحلاوتها. ..تخيلو امس نزلت معاه السوق وما اشوف نفسي الا ناطة من محل جلابيات للثاني بس ولا اقرب من محلات البناطيل او التيرات او القمصان لحد ما نبهني وقالي انتي اخذه كل مشترواتك جلابيات ايش اخذه لأمك؟ يوه انتبهت وقلت ايه لأمي ولي وحدة قال احسب كل هذي لك روحي شوفيلك بناطيل ولا تييرات قلت مو الحين مرة ثانية لاني عارفة ادخل واطلب اكبر مقاس ويطلع كانه سمول بلنسبة لي وش موقفي لو زوجي شاف كذا. 0:..ماعندي يابنات الا من الحين لليلة العيد اش اسوي واش تشوفوا يمديني انحف وقد ايه حوالي كم يعني يمديني؟ وكيف اكره الاكل ؟ اله يخليكم ساعدوني ..على فكرة سمعت عن قشر الرمان والزنجبيل يخسس بشكل فظيع اشتريتهم ولا عرفت كيف استخدهم ومقدارهم يعني كل حالي دمار HELP MEتكفون