بنات ريجيم روعه بدون حرمان وتنزلي 10كيلو في الشهر

1. شعاره ((لا للحرمان))


2. 9. يمكن الغاء أي صنف من البرنامج بشرط عدم تعويضه بأي صنف آخر.


3. كل 1 توست تعادل ربع خبزة


4. ملعقة العسل توضع لمنع الامساك بس....


5. خديها بأي وقت حبيبتي ما في مشكلة....

السلام عليكم ورحمة الله وبركاته
رجيم نقلته لكم من احد المنتديات
الصرااحه حسيته روعه وشكلي راح اطبقه
قلت انقله لكم

شعاره ((لا للحرمان))

بنات ريجيم روعة بدون حرمان وفي شوكولاته وتنزلي 10 كيلو بعد في الشهر وممكن أكتر كمان
أولا السلام عليكم... و ثانيا و للامانة انا هذا الموضوع نقلته من اخت ليا من منتدى اخر و عندما رايت النتائج عن طريق ردود فعل بعض البنات قررت ان اتي به الى بيتي هنا هتا تتسفيدن منه انتن و انا ان شاء الله سوف اكون اول البادئين بهذا الريجيم
انا هالرجيم وصلني اليوم من صديقة لي صارلها ما شية عليه تقريبا شهر ونصف وهي ما شاء الله جسمها نزلت عليه 17 كيلو بهالفترة <<<<<<طبعا يعتمد على الكمية اللي تاكلينها ...
وهي متابعة مع أخصائية تغذية يعني مو من عندها وهالأخصائية معروفة عنا كتير...
المهم حبيت أفيدكم وأنا بحط متابعة بكل ورقة بتوصلني منها ان شاء الله... هي ناوية تكمل عندها كمان شهرين تقريبا....
الحلو بالريجيم انك تاكلي كل شي مفيد وصحي...
ولك يوم مفتوح ومرة بالاسبوع تاكلي حلة..
ورغم هيك مطلوب منك كمية بالاسبوع لازم تنزليها لا تقل عن 2 كيلو أسبوعيا...
هاد على الاقل وعلى الاكتر 4 كيلو لكن صديقتي قالتلي أول اسبوع حذفت كتير أشياء منها ونزلت 5 كيلو....
وأول ورقة بحطها هي التعليمات..
ملاحظات هامة :
1. يمنع الأكل بعد الساعة 8.00 مساء ، فقط الماء والمشروبات الساخنة بدون سكر.
2. أول فنجان في الصباح مع سكر ( أو حليب ) أي بالطريقة المعتادة قبل البدء بالرجيم.
3. يسمح بأكل الخضراوات وليس الفاكهة في أي وقت بين الوجبات ما عدا الجزر إلا إذا كان مطبوخا يسمح بأكله مع الوجبة فقط.
4. يجب شرب من 6 – 8 كاسات ماء يوميا بين الوجبات أقل شئ وزيادة الكمية تكون للأفضل.
5. الملح قليل جدا والزيت ممنوع أبدا ( بأنواعه ) يسمح بملعقة واحدة زيت يومي عند الحاجة.
6. يمنع أكل الموز ، البلح ، العنب ، التين ، المشمش ، الكاكا ، المانجا ، الشمندر ، والكستنا والتقليل من البطيخ.
7. يسمح بأخذ بيبسي دايت بمعدل 5 بالأسبوع خلال فترة الرجيم ابتدا من الأسبوع الثاني.
8. يمكن استبدال أي وجبة غداء بتونا أو سمك مشوي أو شوربة خضار مسلوقة.

9. يمكن الغاء أي صنف من البرنامج بشرط عدم تعويضه بأي صنف آخر.

0- أول ورقة مهمة جدا جدا لأنها تعطي فكرة عامة عن طبيعة حرق جسمك ، فيرجى التقيد بها تماما.
1- بالنسبة لنوعية الرجيم أو النظام ، هذا النظام يعتمد على النوع وليس على الكمية. عند تغيير أي نوع بالورقة بنوع آخر تفشل عملية الحفاظ على الوزن بعد انتهاء عملية الرجيم بينما إذا التزمت تماما بالنوع فمن الصعب تعويض الوزن بعد تنزيله.
2- كمية الأكل في البرنامج غير محدودة فيمكنك أكل الكمية التي ترغبين بها إلا إذا كان هناك تحديد فيرجى الالتزام في هذه الحالة.
وورقة الاسبوع الأول:
الاسم:
الوزن: المفروض نزول 4 كيلو
التاريخ:
ماء دافئ مع عصير الليمون + ملعقة عسل (صباحا على الريق)
الإفطار طول الاسبوع:
عصير برتقال طازج + ( 2 ) توست مع جبنة بيضاء أو لبنة.
أو حليب خالي الدسم + ( 2 ) توست مع بيضة مسلوقة.
اليوم الأول:
الغداء: دجاج مشوي (الكمية والنوعية حسب الرغبة) + سلطة طازجة مع (2) توست.
العشاء: شوربة خضار + (2) توست + (2) فاكهة.
اليوم الثاني:
الغداء: سمك مشوي + سلطة طازجة + (2) توست.
العشاء: بيضتين مقلية أو مسلوقة + خضار + (2) توست + (1) فاكهة.
اليوم الثالث:
الغداء: بيف ستيك + صلصة (Sauce) + خضرة مسلوقة (البطاطا مسموحة) + (1) توست.
العشاء: بيضتين مقلية أو مسلوقة + خضار + (2) توست + (1) فاكهة.
اليوم الرابع:
الغداء: شوربة خضار + سلطة طازجة + (2) توست + بيضتين مسلوقتين.
العشاء: سلطة تونة + (1) توست + (2) فاكهة.
اليوم الخامس:
الغداء: غذاء حر (Free).
العشاء: سلطة لبن وخيار + (1) توست + (2) فاكهة.
اليوم السادس:
الغداء: (2) كأس أرز مطبوخ + لبن أو أي صلصة خفيفة.
العشاء: سلطة تونة + (1) توست + (2) فاكهة.
اليوم السابع:
الغداء: دجاج مشوي + سلطة + (1) توست.
العشاء: عصير برتقال طازج + (1) توست مع جبنة بيضاء + (2) فاكهة.
ملاحظة:
اليوم الحر كلي مالذو طاب من الأطعمة ولكن لا تتعدي 3 أصناف يعني مثلا كنتاكي وبيتزا مع سلطة ليتل سيزر كافي
مو تاكلي كل يلي بالطناجر
المهم لا تتجاوزي 3 أصناف والكمية غير محدودة
الاسبوع الثاني:
الأسبوع التاني
الاسم:
الوزن: المفروض نقصان 3 - 4 كيلو
التاريخ:
الإفطار:
عصير طازج + ( 2 ) توست مع لبنة + خضار طازجة + ملعقة عسل.
اليوم الأول:
الغداء: لحمة عجل مطبوخة مع خضراوات + (1) توست + (1) فاكهة.
العشاء: سلطة لبن وخيار + (2) توست (أو 2 توست مع لبنة ) + عصير برتقال.
اليوم الثاني:
الغداء: معكرونة مع صلصة بندورة ( أو ، فريكة ) مع لبن + سلطة طازجة مع خل التفاح.
العشاء: حليب خالي الدسم ( عصير طازج ) + (2) توست مع جبنة بيضاء + تفاحة.
اليوم الثالث:
الغداء: سلطة طازجة ( خل التفاح ) + دجاج مشوي (فقط الصدر) + (1) توست.
العشاء: سلطة تونا (بدون زيت) + (1) توست + تفاحة.
اليوم الرابع:
الغداء: لحمة (اختيارك) (أي نوع لحمة وبأي طريقة) + خضار مسلوقة + (1) توست.
العشاء: شوربة خضار + (1) توست + تفاحة.
اليوم الخامس:
الغداء: سمك مشوي مع ليمون + سلطة مسلوقة + (1) توست.
العشاء: سلطة + (1) توست مع زيت وزعتر + (2) فاكهة.
اليوم السادس:
الغداء: أرز مسلوق + لبن أو خضرة مطبوخة + سلطة طازجة.
العشاء: عصير طازج + (1) توست مع لبنة + (1) فاكهة.
اليوم السابع:
الغداء: (3) بيضة مسلوقة + سلطة طازجة + (2) توست.
العشاء: (1) توست + سلطة مع جبنة بيضاء + (1) فاكهة.
الأسبوع التالت
الاسم:
الوزن: المفروض نقصان 3 كيلو
التاريخ:
الإفطار:
(2) توست مع جبنة بيضاء + حليب خالي الدسم + ملعقة صغيرة عسل + نصف كأس عصير برتقال أو غريبفروت.
اليوم الأول:
الغداء: دجاج مشوي ( الصدر فقط ) + أي نوع سلطة ( بدون زيت ) + (1) توست.
العشاء: عصير برتقال + (2) توست مع لبنة + (2) فاكهة.
اليوم الثاني:
الغداء: أرز مسلوق + دجاج مسلوق مع صلصة خفيفة ( مثل لبن ، ملوخي ، فاصولياء ... بدون لحمة).
العشاء: عصير طازج + (1) توست مع جبنة بيضاء + (2) فاكهة.
اليوم الثالث:
الغداء: ستيك عجل ( مطبوخة حسب الرغبة ) + خضار مسلوقة + (1) توست.
العشاء: سلطة تونا + (1) توست + (1) فاكهة.
اليوم الرابع:
الغداء: أرز مطبوخ + أي نوع صلصة أو ( لبن ).
العشاء: حليب خالي الدسم + أي نوع حلويات + (1) فاكهة.
اليوم الخامس:
الغداء: سلطة تونا + (1) توست وشوربة خضار.
العشاء: بيضتان مسلوقتان + سلطة طازجة + (2) توست + (1) فاكهة.
اليوم السادس:
الغداء: شوربة خضار + لحمة عجل مطبوخة مع ( ملعقة زيت ) + فنجان أرز.
العشاء: حليب خالي الدسم + (1) توست مع لبنة + (2) فاكهة.
اليوم السابع:
الغداء: غذاء حر (Free ).
العشاء: عصير برتقال طازج + (1) توست مع جبنة بيضاء + خضار.
الأسبوع الرابع
الاسم:
الوزن:نقصان 2 - 3 كيلو
التاريخ:
الإفطار:
عصير برتقال أو جريب فروت + (1) توست مع لبنة أو جبنة بيضاء + (1) فاكهة.
اليوم الأول:
الغداء: سلطة تونا + (1) توست.
العشاء: (1) توست مع جبنة بيضاء + خضراوات طازجة + (1) فاكهة + عصير برتقال.
اليوم الثاني:
الغداء: سلطة طازجة + أرز مطبوخ ( مع قليل من الزيت ) + لبن.
العشاء: قطعة حلو.
اليوم الثالث:
الغداء: خضار مسلوق + ستيك مشوي + (1) توست.
العشاء: سلطة خضار مع جبنة بيضاء + (1) توست + (1) فاكهة.
اليوم الرابع:
الغداء: غذاء حر (Free).
العشاء: سلطة فاكهة.
اليوم الخامس:
الغداء: سلطة خضار طازجة + صدر دجاج + (1) توست.
العشاء: خضراوات طازجة + (1) توست مع جبنة بيضاء + (1) فاكهة.
اليوم السادس:
الغداء: أي نوع شوربة + (1) توست + حبة فاكهة.
العشاء: سلطة خضار مع جبنة بيضاء + (1) توست + (1) فاكهة.
اليوم السابع:
الغداء: لحمة عجل مطبوخة مع خضراوات + سلطة.
العشاء: سلطة لبن وخيار + (1) توست + (2) فاكهة.
الأسبوع الخامس
الاسم:
الوزن: المفروض 2 كيلو
التاريخ:
الإفطار:
حليب خالي الدسم ( عصير طازج ) + ( 1 ) توست ولبنة + ملعقة عسل.
اليوم الأول:
الغداء: دجاج مشوي + سلطة + (1) توست.
العشاء: حليب خالي الدسم ( عصير ) + (1) توست مع لبنة أو جبنة بيضاء وخضار + (1) فاكهة.
اليوم الثاني:
الغداء: سلطة تونا ( بدون زيت ) + (1) توست.
العشاء: حليب خالي الدسم + (1) توست مع تطلي ( أو عسل ) + (1) فاكهة.
اليوم الثالث:
الغداء: بيف ستيك مع الخضراوات ( يمكن طبخ اللحمة مع الخضره ) + (2) توست.
العشاء: شوربة خضار ( مع مرقة دجاج وشعيرية ) + (1) توست + فواكة.
اليوم الرابع:
الغداء: كأس أرز مسلوق + كأس لبن.
العشاء: حليب خالي من الدسم + بيضة مسلوقة + (1) توست + (1) فاكهة.
اليوم الخامس:
الغداء: دجاج مطبوخ بالفرن مع خضراوات + سلطة طازجة.
العشاء: عصير طازج + ساندويش جبنة ( أي نوع جبنة ، أي نوع خبز ) + (1) فاكهة.
اليوم السادس:
الغداء: بيضتان مسلوقتان + سلطة ( خس وبندورة مع خل التفاح ) + (2) توست.
العشاء: حليب خالي الدسم + (1) تفاحة + أي نوع حلويات.
اليوم السابع:
الغداء: معكرونة مع بندورة + سلطة طازجة + فنجان لبن.
العشاء: حليب وعصير برتقال + (1) توست مع زيت وزعتر + (2) فاكهة.
/
هذه بعض الاسئلة الي سئلت بها صاحبت الموضوع التي هي في الاساس اختصاصية تغدية مع اجوبتها للافادة
!- ممكن بدل عصير البرتقال آكل برتقالة؟؟يعني أنا بعرف برتقالتين بيعملوا كاسة عصير وأكلها أفيد لأنها فيها ألياف وأنا بحبها أكل أكتر من عصير
ممكن ... وكلي برتقالتين لأنها متل ما قلتي حبتين يعملوا كاسة عصير...
ما في مشكلة... بحول الله
2- بالنسبة لليمون مع العسل والماء عالريق هل لهم طريقة معينة ؟؟ لأني مرة قريت إنو منسخن ماء وبعدين منحط فيها نصف ليمونة مقطعة مع قشرتها ومنتركها منقوعة شي ربع أو نصف ساعة فهل هذه الطريقة نفسها؟؟
لا حبيبتي... عادي ماء فاتر عادي يعني تلات أرباعه بارد وشوي ساخن والباقي عصير ليمونة ومعها ملعقة عسل الهدف منه تنظيف المعدة والامعاء من رواسب ما مضى من تخبيصات
وممكن تستعملي الطريقة اللي فوق لأنها نفس المكونات بس المقصود بالورقة عصير ليمون عادي..
3-التوست عادي مو أسمر صح؟؟ و لما قلتي ممكن نبدله ,,هاد الكلام من الدكتورة ولا اقتراح من عندك؟؟؟وأنا بعرف إنو الخبز الأسمر أفضل من التوست لأنو التوست فيه زبدة
انا دارسة تغذية والكلام اللي قلته مو بس من عندي هاد كلام متفق عليه بمنظمة الاغذية الامريكية...

كل 1 توست تعادل ربع خبزة

الخبز الاسمر يعادل الاخبز الابيض بالسعرات الحرارية ولكن الفرق بينهم الالياف فقط... يعني الاسمر يسرع هضم الطعام لكن نفس السعرات انا أكل أبيض مو أسمر لأنه الاسمر يسبب لي حساسية ورغم هيك نزلت عادي... 3 كيلو ولله الحمد
أما عن الافضلية... كلاهما فيه دهون لأنه لا يصح الخبز الا بوجود زيت أو زبدة...
ولكن الكمية قليلة... اما من حيث السعرات فمتل ما قلتلك 1 توست = ربع خبزة...
4-الدجاج المشوي ممكن نسلقه أولا وبعدين نحطه بالفرن خصوصا لما يكون عبارة عن صدر فقط لأنو ما بيستوي منيح بالشوي وبيطلع ناشف
ممكن طبعا وين المشكلة.... وحتى اذا بدك مسلوق ممكن كمان المهم الملح قليل جدا وبدون دهون...
يعني انزعي الجلد عنه... واختاري انت طريقة الطبخ... بس مو قلي
5-البيض المقلي..كيف ممكن إقليه بدون زيت؟؟
عندك طريقتين....
بدون زيت: اخلطي البيضتين في صحن بشوكة تماما وسخني المقلاة على النار ثم اسكبي البيض على المقلاة وبصير متل الاومليت... وبعدين اقلبيه عادي بيستوي...
لكن أنا من ناحيتي أفضل وضع ملعقة صغيرة زيت زيتون... عشان الريحة ما أتحملها... وهيا لطريقة التانية... يعني فيك تحطي ملعقة صغيرة زيت زيتون...
انا مرات أسلقه وأحطه بالخبزة وأحط عليه نعنع وبعدين أرجع أشويه على الجريل " الشواية"... م طيب جدا...
أو رشي زعتر مجفف عليه... وبتدعيلي
6-شو مكونات أوطريقة الصلصة اللي مع البيف ستيك؟؟
أي صلصة حبيبتي... ممكن بندورة مع خضار... متل صلصة البامية أو الجزر أو البطاطا المسلوقة ... أو الفاصوليا الخضرا أو صلصات لبن.... لك الاختيار...
7- الجبنة البيضاء مع التوست هل محددة كمية الجبنة؟؟يعني على قد التوست ولا ممكن كمل أكل جبنة لحالها؟؟
الكمية اذا لم تحدد كلي أد ما بدك... ما في مشكلة....
لأنه يعتمد على التفاعل مو على الكميات....
8-بالأسبوع التاني والتالت عالفطور فيه ملعقة عسل ..ما فيني خليها الصبح بكير عالريق وبعدها الفطور بشي ساعة أو ساعتين؟؟

ملعقة العسل توضع لمنع الامساك بس....

خديها بأي وقت حبيبتي ما في مشكلة....

فيه شغلة كمان..لما قريت أول ورقة وإنو بتشربي قهوتك عادي مع سكر قبل ما تبدي الريجيم قلت ياي وشو انبسطت لأني كتير بحب إشرب قهوة الصبح مع زوجي وما بحبها بلا سكر ولا حتى بسكرين ما بقبلها إلا بشوية سكر عادي...فأكيد هي المشكلة مالها حل صح؟؟
م شوية سكر يعني نص ملعقةمقبول بس ما تزيدي .
بالنسبة للخضار المسلوقة ممكن تعمليها بالشوفان...
والمعكرونة أو الارز أو أي شي اذا لم تحدد الاكمية فكلي حتى تشبعي...
وبين الوجبات كلي سلطات أد ما بدك... أو خضار طازجة متل ما بتحبي....
يعني اعملي فتوش أو سلطة خضرا أو خيار مع خس أو غيره فيك بالخضار تتفنني متل ما بدك...
وكل ما جعتي كلي منها.... المهم بدون زيت....
وإذا حسيتي بهبوط سكر ممكن تاكلي تفاحة أو تمرتين... فقط في حال الدوخة يعني...
م برجع أجاوب الاسئلة لأنه هذا اللي أذكره وأشكر كل وحدة مرت بالموضوع...
والله يجزيكم الجنة ويحقق مرادك يارب
أه صحيح... المعكرونة والارز والفريكة هي بدائل لبعض...
يعني اللي ما تحب المعكرونة... تاخد رز بداله أو فريكة بنفس الكمية واذا لم تحدد يا حظك...
كلي أد ما بدك حتى لو خلصتي الطنجرة... هالرجيم يعتمد على النوعية مو على الكمية... الا اذا حددت
طريقة سلق المعكرونة:
اسلقيها عاديو ضيي الها صلصة بندورة فريش مو العلب لأنه فيها مواد حافظة وأملاح تتخزن بجسمك وينتفخ...
يعني انت اعملي صلصة البندورة أو قطعيها أو اعمليها مع خضار... واذا كان مكتوب مع لحمة عجل اعمليها بالطريقة المعتادة دون زيت...
ولا تضاف الجبنة أخت الها....
انا سويت بحث في القسم ولا لقيت شي أتمنى أنه مايكون مكرر وشكرا