بنات عبروا عن هالزوجه بكلمتين

1. ]بنات وش تقولون عن الانسانه هاذي؟؟؟؟؟؟؟؟


2. ]....

]بنات وش تقولون عن الانسانه هاذي؟؟؟؟؟؟؟؟

اشواق بنت ولا احلى لا جمال ولا اخلاق ولاذوق ولا رقه مثلها مافيه احد الا واحترمها وقدرها متعلمه فاهمه ذكيه على قدر كبير من الجمال زي ماقلت لكم المهم كانت تموت بارض يمشي عليها ولد خالها اللي اسمه سعد ماتشوف من الرجال الاسعد بس مااحد بالدنيا كلها يدري عن مشاعرها تجاه سعد حتى سعد نفسه ليش لان سعد متزوج بنت خالها الثاني ماحبت اشواق تبني سعادتها على تعاسة بنت خالها الغالي على قلبها.. واحتفظت بمشاعر حبها لسعد بقلبها وقفلت عليها بميت قفل عشان مااحد يدري عنهاا... المهم مرت الايام وسعد كان يسمع عن بنت عمته وعن جمالها ويوم من الايام زارهم ومن دون مقدمات لمح اشوااق وماصدق ان فيه احد بالجمال هذاا وبعد ماشافها طول الوقت مافيه براسه الااشواق فكر يتزوجها جاء وخطبها انهبلت المسكينه كيف يتزوجها وهو ماخذ بنت عمه وبنفس الوقت كيف تصير ضرت بنت خالها سالها ابوها الي كان يغليهاا ((طبعا هي نست انها تموت بالارض الي يمشي عليها اوبالاحرى تناست هالشي لخاطر ماتكون ضره على بنت خالها اوتضايقها))المهم رفضت وباصرار بس طلع شي كايد طلع ابوها يحترم سعد ويقدره ويشوفه الزوج المناسب لبنته وقال لها ((مااحد يابنتي راح يسعدك مثل سعد وانا موافق عليه)) ام اشوااق ماتدخلت الابتتورط ااذا تدخلت لان كل الاطراف يقربون لها قررت الاخت الصمت.. ريم((زوجة سعد))طبعآ هي ماتنجب متزوجها سعد من تسع سنين يوم درت بسالفة خطبته طلبت الطلاق لانها من الاساس متنكده من حياتها ومن ام سعد..طلقها سعد يوم درت اشواق انه طلق ريم زاد اصرارها بالرفض كيف توافق وهي تحس نفسها السبب ياللي صار لريم..جاء يوم الملكه والملاك يبي يملك وابو اشواق يسالها قدام سعد وقدام خالها وهي رافضه وتقول((مستحيل اتزوجه لو مابقى من الرجال غيره)) ياقو قلبها تقول هالكلام وهي مو شايفه بعيونها وبقلبها غيره..المهم قال لها ابوها بتكسرين كلامي وانتي ماعمرك عاندتيني اللي اوافق عليه بتوافقين عليه..قالت له ((مااعاندك ياتاج راسي لو بتزوجني بنقالي انا موافقه بس سعد لا وشلون اتزوجه وهو مطلق بنت خالي..)) سعد مايتخيل اشواق لاحد غيره وبنفس الوقت ماوده يتزوجها من غير رضاها ..الاخ حبها.. عشان كذا طلب من ابوها انه يملك عليها بس ماياخذها ولا يعلن الزواج الا بموافقتها... الراي اعجب ابو اشواق بس مااعجب اشواق قالت لابوها((هذا يضحك عليك بس يملك علي يجي يسحبني من شعري))ابوها قال لها خير حنا جالسين نلعب انا اللي ابسحبك من شعرك اذا عاندتي زين من الرجال انه ساكت.. مرت سنه وسنتين وثلاث.. واشواق رافضه الا مستحيل توافق.. ام سعد مزعجها هالشي وتلح على ولدها يترك اشواق وتدور له غيرها.. بس هو يقول ياشواق يااعيش طول عمري بدون زواج وابنتظر اشواق مااني غاصبها.. ابو اشواق يحاول فيها لانه مرت سنين ومايبغى ينحرج من سعد واهله .. بس هي رافضه.. طبعا ماكان يمر يوم الا ويجيها اتصال من سعد والا رساله ... بس غريبه مر اسبوع وسعد لااتصل ولا ارسل.. معقوله مل منها.. اشواق حيرانه وتفكر وهي ماره من الصاله سمعت ابوها يقول لمها ان سعد صار له حادث من اسبوع وانصاب بشلل .. اشواق ماتمالكت نفسها اغمى عليها ثلاث شهور مغمى عليه بعد ماصحت عرفت الحقيقه المره سعد ماعاد يمشي ولا يتحرك.. كل شي بجسمه انعدم لا يحرك رجليه ولا يديه اللهم يقدر يتكلم بكت ومنعت نفسها من الاكل معقوله سعد يصير له كذا مومتصوره هالشي.. طبعا سعد عايش مع اهله ويقوم بخدمته هندي.. بعد اسبوع من مأساة البكي والذهول دخلت اشواق على ابوها توقعون وش قالت له؟؟؟ قالت انا موافقه.. قال لها على ايش؟؟ قالت على زواجي من سعد.. ابوها مارد عليها لانه يعرف بنته ويعرف قراراتها وماحب ياخذ ويعطي معاها قال لها يصير خير...اتصل على خال اشواق وساله عن سعد قال له مافيه شي جديد على حالته قال له قرار اشواق خالها تفأجا!!!!!! معقوله كيف وشلون رافضته وهو بصحته والحين بعد مانتهى وانشل توافق...!!! طلب منه يخبر سعد ويرد له خبر.. الكل مستغرب من موقف اشواق الا ابوها ليش؟؟؟ لانه يعرف ان اشواق تحب سعد بس كتمت هاالحب عشان ماتجرح بنت خالها... سعد رفض انه يتزوجها لانه مايبغى يظلمها.. وهو ادرى بحالته.. اشواق ماكانت تنام لانها تفكر فيه هو نائم والا صاحي.. ماتاكل تفكر فيه هو يعرف ياكل من يد احد غريب والا لا.. اصرار ابو اشواق على الزواج رافه بحال بنته وكذالك المكالمات من اشواق لسعد وان هذا قرارها وهي المسوله عن هالقرار ومو حاسه بعذاب بعده عنه هو اللي بيعذبها كل هالشي خلى سعد يوافق.. تزوجها وكان شرطها يكونو ببيت بروحهم حتى تقدر تخدم سعد براحتها .. وصار هالشي.. وعاشت معه وخدمته من اكل وشرب وتنظيف وحلاقه وتقليم اضافره ونظافته الشخصيه لانه ماكان يتحرك واذا تعب مايلقى الا اشواق جنبه تخفف تعبه كان مبسوط بوجود اشواق جنبه وبنفس الوقت كان مقهور لانه حاس انه معذبها واكثر شي قاهره انه حارمها من الامومه وخائف تمر السنين على اشواق وهي مااستمتعت بهالكلمه وكان يتمنى انه يسعدها بس للاسف عذبها.. اشواق تحاول تريحه من العذاب وتوضح له انها مبسوطه بخدمته وانها جنبه وطول ماهو محروم من العيال هي بعد ماتبيهم.. مرت سنين واشواق محرومه من الطلعه محرومه من السفر لاهلها محرومه من لمسه حانيه من يد زوجها كانت تدعي له بكل صلاه ان الله يهون عليه.. وفي يوم من الايام صار شي غريب سعد كان يتالم من رجليه وكان يتشهد واشواق ماتت رعب يوم سمعته يتشهد وتوقعت حبيب الروح بيروح منها.. فجاه سعد حرك يديه وبعدها رجليه.. وبعدها مشى اشواق ماتدري تبكي والا تضحك كانت ترتجف.. سعد جاء وضم زوجته لاول مره من اربع سنين..اشواق ماخلت احد الا وبشرته.. سعد غير حبه لااشواق اللي مايوصف مانسى اللي سوته معه..مرت الايام وسعد شايل اشواق جوا عيونه من دلال ومن سفر ومن حب ماكان ينسى اشواق يوم توكله قبل تاكل وماكان ينسى يدينها الحانيه على جبينه يوم يتعب وماكان ينسى ان فيه كثير عندههم عيال يوم صارت هاذي حالت ازواجهم تخلوا عنهم واشواق كانت محرومه من هالشي عشان خاطر عيونه وحبه اللي مالي قلبها..المهم .. اشواق جابت بنت وسمتها رحمه لان ربها رحمها وقوم لها زوجها بالسلامه

]....

يافراشات كانت تحبه بس رفضته عشان ماتجرح بنت خالها.... تحبه وبعد ماانشل وافقت عليه عشان تخدمه وماتتخيل احد يخدم حبيبها غيرها بصراحه انا اقول هذا الحب والوفاء والتضحيه حبته وماتخلت عنه يوم كان بااشد الحاجه لها .. والا غيره مجرد كلمة حب والا فعل مافيه.. هاه يالغاليات وانتم وش تقولون عنها يابنات...... الاحداث اطول من كذا لانها حياه كامله بس اختصرته جبت لكم المضمون.. واسفه كنت اتكلم عامي..