بنات مكه من فيكم تزوجت عن طريق خطابة

السلام عليكم ,,
حبيبآتي احنا ناس مانطلع من البيت يعني لعزايم وكذا ,, امكن بس لفرح مره في السنه ,,,يعني محد يشوفنا ,, والعمر مشي والدنيا ماترحم ,,
والله حكايتنا معقده ,, بس نفسي انا واختي الكبيره نفرح ماما وبابا ونوريهم أحفادهم ,,
المهم انا كلمت امي عن موضوع الخطابه ,, قالت لا تراها فضيحه راح نروح في داهيه ,,, وقالت كمان كل وحده تنخطب عن طرق خطابه ماتمر سنه الا وهي مطلقه !!!
انا فكرت قلت بسألكم اذا تعرفوا بنات اتخطبوا عن طريق خطابه وكانت حياتهم عاديه ,,
انا اتوقع ان في خطابات يخافون الله وكمان يكون عندهم طرق في التوفيق تكون بالسر عشان لا تسير الفضايح الي تقصدها ماما ,,
اذا تعرفوا وحده ثقه في مكه ارسلوا لي رقمها من فضلكم ,,
الله يسعدكم ,, أفيدوني والي ماتعرف شي تدعي لنا ,,
وسلامتكم ,,