بنات مين مثليمليت من رومانسية زوجي زوجي رومانسي بالحيل

ام الشموع

17-01-2022 - 03:38 am

صباح\ مساء المحبه والرضا
بنات بسولف لكم شوي عن زوجي
بس قولو مآشآء الله تكفون
زوجي رومآآآآآآنسي حيل
مليت منه ومن رومآنسيته
اكيد بتستغربون كلامي
يحب كل ماطلع للدوام او اطلع برا البيت
يكتب لي على المنظرة عباره حب او وله
يكتب بطاقه يلزقها على مدخل الباب
القاه يحط لي دايم عند راسي ورده
جووري كل يوم لون من اول ماتزوجنا
على هالحال لاتفكرونا معاريس ترى صار
لنا 3 سنوات ماشاء الله
الريوق دايم هو يحب يجهزه ويجيبه
لي عندي في السرير وطبعا لازم يأكلني بيده
ومع الفطوور ورده بعد
يلبي كل طلباتي لو طلبت السوق اخر الليل
نزلني لو اطلب لبن العصفور جابه لي
اي طقم ذهب او الماس او نفنوف
بمجرد اطالع فيه في المحل على طول يدخل يجيبه
شغل البيت مامسكه ابد ولاني ماحب
الشغالات هو يشتغل يغسل ويكنس
بس الطبخ علي لانه مايعرف
يقول مابي يدينك الناعمه تخرب من شغل
البيت ابيك مثل التحفه جدامي
لاتفكرونه ضعيف شخصيه بلعكس
شخصيه قوويه في عمله ورجل اعمال ناجح
ولكن لمى يدخل البيت يتغير كل شي
الرجل الطموح الناجح القووي يضعف بمجرد
مايشوف عيوني...طول ماانا اكل او اشوف
TV وهو يطالع فيني يقول احب اتأملك
كل شوي يعطيني بوسات وانواع الدلع
وانواع السفرات لكل مكان
يحب يدللني حيل....لو اقول لكم
انه اكثر رجل رومانسيه في العالم ماتصدقوني
اذا زعلت منه طبعا مايزعلني بس انا احب
ازعل عشان اشوف غلاتي شيسوي؟؟
مره جاب بروجكتر وقفل الانوار وحط اضائه
رومانسيه وفواحات وريحة الجو واو
والجوو بارد وانواع الورد في الصالون
وشغل البروجكتر مسوي عرض لصوري
كلها وكاتب فيها انواع الحب والاعتذار
ومن غير طلعات للفنادق والمطاعم
تخيلو عاد مرره كنت زهقانه
وضايق خلقي سافرنا واحنا مو مجهزين
للسفره على طول حجز وعلى النمسا
يقول مابيج تتكدرين مابي اشوفج
متضايقه
دايم اذا جيت انام لازم ينوومني اول
بعدين ينام هوو مستحيل ينام وانا
توني مانمت يقول مايطاوعني قلبي
يقعد يسولف لين اانام
اذا كنت في الدوام يرسل لي هدايا
ورد....شوكلت....بطاقة دعوه للغدا...
بس انا مليت من هالرومانسيه
ابي اعيش مثثل الناس عادي
:
:
:
:
:
:
وفجآه قعدت من احلام اليقظه
على صراخه وهو يقعدني عشان احطله الريوق
وطلعت الرومآنسيه على اصولها
شرايكم بس عيشتكم جوو؟
الحين من بدايه الموضوع تقولون يابختها
منقول لعيونكم

التعليقات (9)