بنات نفسيتي مره تعبانه

بنات تعبت من اهل زوجي دايم تصير لي مشاكل منهم خاصة من ابو زوجي وام زوجي دايما مشينه وجها علينا ولاتكلمنا ابدا وهي تحرض ابو زوجي علينا والله العظيم بدون ماأمدح نفسي اني مو مقصره معاهم اي شي يطلبوه البيه لهم بدون تردد حتى زوجي دايم اقوله لاتقصر على اهلك ومن هذا الكلام ام زوجي من فتره ام زوجي سوت عمليه وماقصرنا معاها مسكت الطبخ بدالها لمدة شهر وبعدين قالو لي خلاص لاتطبخي مو حلو للمعلوميه اول مره اطبخ في شي طبيعي اني ماأضبطه في البدايه ام زوجي قامت بالسلامه وطبخت دايم يقارنون طبخي بطبخها اني هي احلى واحسن ومن هذا الكلام وينكرون كل شي اسويه لهم من يومين سمعت ابو زوجي يقول لام زوجي زوجة فلان عمرها ماسوت شي ززيقزا والله لو عندها شقه ماخليتها تجلس معي يومين(انا ساكنه في غرفه ودورة مياه الله يكرمكم)
بنات والله العظيم احبهم وأغليهم وماقصر في حقهم شي مادري ليه هم مايحبوني ولايتقبلوني لو يطلبو عيوني اعطيهم بس ليه يسوون فيني كذا هذا مثال بسيط اللي قلت لكم صارت لي حاجات اكبر من هاذي بكثير بس ماقدر اقول لكم لانها خاصه كثير ودايم يقولو متى تبنو لكم شقه ونفتك منكم
بنات عمري ماشتكيت لزوجي منهم ابدا واذا سالني زوجي مبسوطه اقوله ايه ولا ابين له اني متضايقه زوجي يشتغل بعيد عن مدينتنا يكون موجود الخميس والجمعه فقط وعندي ولد عمره 6 شهور
بنات نفسي اقول لزوجي على المشاكل اللي صارت عشان يستعجل في الشقه لان اذا قلت له يقولي ليه تبي تطلعي مو مستانسه
بنات اللي ابي اطلبه منكم تعطوني طريقه اقول لزوجي بدون مايصير مشاكل بينه وبين اهله ؟
وادعو لي من قلبكم ان الله يسهل اموري واللي ماعندها حل ترفع الموضوع بدعوه
جزاكم الله خير لاتخيبو ضني فيكم