بنت عطتني الرقم اتصلت رد اخوها

صبآ‘حكم سَكر...هذي قصة غريبة جداً,,حصلت مع شاب سعودي وحبيت اكتبها لكم ’’قبل فترة كنت مودي أختي للسوق ,,طبعاً ذاك اليوم كان السوق زحمة شوي,,وقفت عند محل من المحلات الكبيرة,,ونزلت أختي,,وانا من الزحمة ما قدرت امشي على طول,,المهم ’’وأنا جالس انتظر الزحمة تخف شوي...إلا وأطالع بنت تأشر لي من بعيد,,قلت في نفسي وش تبي ذي>>وانا خايف منها ,,لانوا أول مرة تحصل معاي’’ما عطيتها وجه,,وطنشتها,,إلا وكل شوي تقرب من سيارتي,,>>قلبي بدا يقرقع من الخوفوأقول في نفسي ,,الله يستر من ذا النشبة....الطريق زحمة ولا احد راضي يمشي.وهذي كل شوي تقرب أكثر,,ما دريت إلا وهي تطق علي ,,فتحت القزاز وقلت سمي يا خالة’’قالت :امسك هذا او اقول انك متعرض لي’’قلت كيف اتعرض لك وانا في سيارتي,,قالت:مو شغلي ,,المهم خذ الرقم,,اخذت الرقم وانا في قمة الدهشة ,,قالت:اتصل ذا الحين من جوالك على ذا الرقم’’لا شعوري ومع الربكة ,,دقيت على الرقم,,ويجي يرن جوالها ..قالت:خلاص الحين اقدر امشي,,وقالت:انتظر اتصالك لا تتأخر’’راحت البنت,,وانا ما ادري بحلم او بعلم,,وبدات تجين الوساويس من كل جهه,,المهم ذاك اليوم كنت مواعد عمر راح اطلع انا وهو,,اتصلت عليه وكنسلت الموعد’جلست يومين على ذا الحالة ,,وساويس وتفكير وحيره’’كان الوقت اخر العصر,,وكنت حالس بالبيت,,دق جوالي ,,اطالع الرقم,,,والله النشبة ..هذي البنت ,,ما رديت ..وتدق مره ثانية وثالثة,,وانا مطنش,,يا ذا الورطة ...وترسل رسالة ,,تقول رد قبل ما اسوي فيك شي,,ورقمك عندي ورقم السيارة عندي,,,رد علي قبل لا اتبلاك,,ما ادري وش اسوي في ذا الحالة,,بعدها قفلت الجوال,,وخذ يا تفكير,,يوم اذن العشاء ,,صليت ورحت لم محل كوفي شوب,,جلست لحالي هناك..وقلت في نفسي ,,جرب يا ولد ما راح تخسر شي..ما دام انوا هي الي جت من نفسها,,شغلت الجوال ..ولقيت 5 رسايل موجود منها,,اخذت نفس عميق ,,,,وجزمت نفسي واتصلت ,,,,,^^^^^^^^^^^^^^^^^^^^^^فاصل إعلاني,,المسلسل مو حلو ,,,هههاسقيها فيمتو,,فيمتو يعطي اللقاء حلاوته,,^^^^^^^^^^^^^^^^^^^^^ترن,,ترن,,ترن,,ويرد علي صوت رجل ...انا اتخبصت,,وقلت هذا جوال علي,,قال :انت راعي السيارة...كذا قلت نعم,,وبعدين هي الي جت لمي واعطتني الرقم..وانا والله ما سويت شي,,>>مابقى شي إلا واصيحقال انا عارف,,قلت::هاه...قال انا عارف وكنت مراقبكم من بعيد..عقلي بينجن,,قلت كيف عارف .....قال:اقولك لما اشوفك..قلت:لا يا خوي ..ما لها داعي ارقي اسمنت للسطح,,جلس يضحك ويقول لا لا تخاف تعال بمكان عام وراح اقابلك...عندي لك موضوع,,قلت كيف تقابلني وانا ما اعرفك..وبعدين ليش تخلي البنت تعطيني الرقم..و.........و.............و...........قال ابيك بشي ضروري ...وحلف بالله انوا ما يسوي شي,,,وانوا راح يقولي عن كل شي,,ماني مصدق الي يصير..بنت ترقمني ..ويطلع لي رجل ,,ويعرف بالحقيقة وكمان وده يشوفني,,الخلايا في مخي بدات تتضارب ..قلت :ما دام انوا راح يقابلني في مكان عام مو مشكله,,وبعد يومين اتصل علي وقال:رح للمكان الفلاني واشوفك هناك,,عاد انا ..مسوي ذكي شوي,,قلت:لا رح انت اول وبعدين انا اجيك,,قال خلاص..وعدنا بعد صلاة المغرب...قلتok.رحت للمكان ..ودقيت على الرجال..وقلت وصف لي شكلك..ضحك وقال ..حتى الحين انت خايف...المهم وصف لي..وشفته...كان رجل عادي ولا هو جثه>>خفت يضربني,,رحت لمه وجلست في الطاولة الي هو فيها,,عرفني بنفسه..وجلسنا نتكلم...مرت حوالي ساعة ,,وما قال شي عن الموضوع..قلت:ممكن تعلمني ايش القصة؟؟قال::لا مو هنا ...بكرا تجي لمي بالبيت..واعلمك عن كل شي,,انا الرجال ارتحت له..وقلت تم,,زالت الرهبة شوي ,,,بس حتى الحين وانا مو عارف ايش الي راح يصير..جاء بكرا...ورحت لمه بالبيت,,يوم دخلت البيت..واثره.. قصر مو بيت..جميل بدرجه ما كنت متصورها..والقي حدايق من الورود والزهور...ومساحات خضراء وسيعه..المهم كان الرجال ينتظرني عند باب المنزل ,,رحت ووقفت السيارة ونزلت لمه,,سلمت عليه..ورحب فيني,,,وقلطني في مجلس فخم...قال :اجيب الشاهي والقهوه واجيك..كنت منبهر من الي اشوفه..من روعت البيت,,وانا جالس اتأمل في المكان...إذا بالباب يفتح,,واشوف حرمه لا بسه بنطلون جنز..ازرق..وتي شيرت ابيض..ومعها الشاهي والقهوه,,عيوني طارت من الي اشوف...بديت ارتعش ...يوم سمعت الصوت....كان هو نفس الصوت الي جاني يوم كنت واقف بالسيارة عند المحل..بعدها احس ان قلبي توقف من الموقف,,^^^قالت ،،كيفك يا عمري,,هاه إيه انا ..بخير ,,ونعمه,,..وانا مو مصدق,,الي اشوف,,جمالها صارخ,,ورسمة وجهها دلع,,ومبسمها عذب,,وجرمها اللهم يا كافي,,يعني ولا في الاحلام,,عيوني ..ما نزلت منها ابد...تفحصت كل شي فيها,,وانا على ها الحالة,,اذا باخوها يدخل علينا,,عدلت جلستي,,وغضيت النظر,,وهو داخل كان يضحك ويقول:ايش رايك فيها..مو حلوه,,قلت:الا, حلوة الحلوات,,,طبعاً هي ضحكة ضحكة..دخت منها....بعد كذا دخلت داخل البيت,,قلت: بس مو عيب عليك..تخلي اختك سلعة رخيصة..تبيعها بارخص الاثمان,,,انت ما عندك غيره على محارمك..ولا عندك ضمير...حرام عليك هاالجمال والحسن والدلال تخليه يتدمر ,,,,وانا جالس اهاوشه...واحن عليه بالكلام,,,كان هو ساكت...ويبتسم,,,,وهذا ما خلاني اولع,,,قلت له انا جالس اهوشك وانت ابرد ما عندك,,قال:لا يا حبيبي انت فهمت غلط..قلت:كيف افهم غلط...وانت عاجبك هاالي صار من اول القصة حتى الحين’’قال:خلاص ...جينا للجد,,,ايش رايك باختي,,,لو عرضتها عليك..تتزوجها..!!!!!قلت:كيف تبيني اخذ وحده وانا ما اعرف ...انها عفيفه ولا ادري عن ماضيها,,في هذا الوقت’’دخلت بنت عليها عباية كامله..مو مبينه منها ايش شي,,,طبعاً ما تكلمت,,وانا اقول في نفسي,,,ايش هذي الاحداث الي تمر علي,,كل حدث اغرب من الثانيتكلم الرجل...وقال::هذي اختي الي تو,,دخلت عليك,,,راحت ولبست العباية وجت’’وانا مستغرب..طيب ايش السالفه..مره تجي بجنز,,,والحين عليها عباية,,قال:اول ما دخلت عليك..هذي النظره الشرعيه لك,,والحين حرام عليك تناظرها’’احس في هاالحالة انوا مخي فصل,,,,أي نظره تتكلم عليها انت؟؟تكلمت البنت,,وقالت:اسمع يا رجل’’انا اطلب ايدك للزواج مني,,وهذا شيك,,ب 150000مية وخمسين الف ريال سعودي,,ان قبلت بي’’قلت:كيف اتزوجك وانا ما اعرف عنك شي’’قالت:مو مشكلتي هذي مشكلتك’’هاه ايش قلت؟؟انا الحقيقه اغراني المبلغ,,وقلت:والله وفرصة نزلت عليك من السماء ,,استغلها بس’’وغاب عن فكري سالفه اني ما اعرفها,,ولا اعرف ماضيها,,قلت:ما في مشكله بس زواجي يكون مسيار’’قالت:خلاص ...تم’’متى تبي نكتب العقد,,اليوم او بكرا’’قلت:لا اصبري علي كم يوم افكر وارد عليكم’’قالت:لازم تقول الحين,,,يا نعم او لا ,,,مافي شي اسمه بكرا,,,او ادور واحد غيرك’’قلت:لا خلاص موافق,,,وانا ما خلاني اوافق,,الا المبلغ الحلو,,,وكمان انو هي موتقالت:بكرا العصر تجي هنا ,,حنا بنجيب المأوذن..وبعد ما نكتب كتابنا اعطيك الشيك,,,قلت:خلاص ok.رحت وانا ماني مصدق الي يصير,,,فلوس ,,وبنت موت,,وتبي تتزوجني,,ولازم بكرا يتم الزواج’’وصورت البنت ما تفارق عيوني,,,والله يا هي دلع’’ لو كل البنات مثلها,,كان ما جلست وحده عانس’’وانا اتمشى,,جت على بالي اغنية ابو نوره,,وبديت ارددها,,جتني وشافتها عيون(ن)حايرات,,,ذا شعاع الشمس او هذا سناهاظاعوا الي جو معاها مسيرات...واقبلت تمشي تقل ماحد(ن)معاهاقلت زاهي بوجنتك زهر النبات...قالت ان الرمش يجرحني بصفاهاتجرح الظلمه عيون(ن)ناعسات...سلهمت واغضت تغطرس في بهاهاحدقو بالشوف في لون الشفات...هو خذا منها الشفق والا عطاهالو ظلام الليل يعطينا ثبات...فيه من لون الشعر والا كساهاكيف اباصف زين كاملة الصفات...كيف اباصل في حروفي منتهاهاانا طاير من الفرحة..بعدها رحت للبيت,,واقفل على نفسي في غرفتي,,قمت اتسدح ابي انام,,لكن النوم,,طار من عيني,,ياللي سرقت النوم من داخل عيوني ...وخليت السهر فيها مؤبد,,قلت:اعلم امي..او اسكت,,لا خلني اسكت احسن..وبعدين راح اعلمها’’قمت من الفراش...وطلعت من البيت,,..ركبت السياره,,وخذ يا دوران في الشوارعوصوت المسجل ما يوقف,,,يصدح بانواع الاغاني ,,لفنان العرب’’جلست على ها الحالة حتى الفجر,,بعدها ..عيوني بتطلع من النوم,,,خلاص ما عاد اتحمل’’رحت للبيت ..ونوم حتى اذان العصر’’على طول قمت مستعجل..واتروش,,واظبط عمري واروح لبيت الحبايب,,دخلت ولقيت اخوها والمأذون ينتظروني,,كتبنا كتابنا,,وراح المأذون’’جت بعد عمري ,,وكان الشيك معها,,قالت:امسك انا مواعدتك..وكانت في ابها صوره لها,,,يا ويل قلبي بس’’كلما لها وهي تزين في عيني’’خلاص الحين صارت زوجتي,,وحليلتي,,المهم جاء المغرب جلسنا نتقهوا,, انا وحبيبتي واخوها(والله النشبه ,,,متى يمشي ذا)’’صار فيها ضحك ومرح,,وانا عيوني ما غير تبحلق فيها من كل مكان’’اذن العشاء ..رحنا للمسجد,,وبعد الصلاة,قلت لاخوها..انت مطول عندنا,,,ما صارت هذي ...توي متزوج’ضحك وقال:راح اخليكم,,بس اتطمن على اختي ’’دخلنا البيت,,وعلى طول على المجلس..كانت هي جالسه هناك,,جلس اخوها شوي,,,وبعدها قال:انا ماشي تبي شي..قلت:ابركها من ساعةياي انا وهي بس ,,في المجلس,,لوحدنا,,,,قربت منهاا ,,بدينا انسولف انا وهي بصوت هادي,,>>مو شغلكم تونا متزوجين’’وضحك وفرفشه,,و.....................و.............. ..... ......انتم اعرف ’’لا تلوموني تونا متزوجين,,جلست هي ...جنبي,,,>>ايه جنبي تبون شي...تراها زوجتي..يعني حلال...لا تطالعوني كذا بعيونكم,,يا ناس زوجتي وانا وهي نصلح’’قالت:يا فلان..قلت:فلان فدا عيونك,,قالت:تسلم يا قلبي,,ما ودك نتعشى قبل كل شي’’قلت:اللي تشوفينه,,كم عندي من ريم,,(اسم..على مسمى,,)ايه والله ريم اصلي بعد’’رحنا لغرفه كانت بجنبنا,,كان فيها ثلاث صحون,,مغلفات..بقصدير’’فتحت الاول وكان فيه رز ولحم ودجاج..وسلطه,,اكلت شوي,,قالت:بس يا حبيبي..خلني افتح لك الثاني,,قلت:الي تشوفينه,,,,,فتحت الثاني,,كان في فواكه وخضراوات..اكلت شوي ...وقالت::بس ,,خل افتح لك,,الثالث,,الصحن الثالث وما ادراكم ما الصحن الثالث’’فتحته..وكان كله ,,,,,,,,,,,,,,,,,,,,,,,,,,,,,,,,,,,,,,,,,,فلوس,,,ا يه فلوس’اكيد استغربتوا,,,بعد انا مثلكم,,,قلت:ايش هذا يا ريم,,قالت:اسمع,,,الحين انت زوجي..ومعاك,,مية وخمسين الف,,وهذي لك..واللي في الصحن..ثلاث اضعافها..يعني,,اربع مية وخمسين الف’’اذا تبيها طلقني الحين,,,واذا ما تبيها,,,خلاص,,,ما راح اعطيك منها ولا شي..وانت تبي تصرف علي....وانا ما راح احرك شي من فلوسي..قلت :كيف,,,؟؟؟وانا توي ما لي ولا ثلاث ساعات متزوجك,,قالت:الراي يرجع لك...اذا تبيها,,,هي لك,,بس تطلقني..>>يعني بيصير معك ست مية الف,,انا اخذتها علشان الفلوس...هذا الشي الاول,,وقلت:في نفسي,,انا غبي,,وشلون اوافق على طول وانا ما اعرف شي عن ها البنت؟؟المهم..قلت لها:ليش...؟؟قالت:اذا طلقتني اعلمك عن كل شي,,واذا منت مطلقني..ما راح تعرف شي,,قلت:لا اطلقك,,بس ايش هي السالفة من اول..قالت:اول طلقني واعلمك,,اتصلت على اخوها,,وجاء على طول,,يوم جاء انا طلقتها,,واخذت الفلوس..وهي علمتني القصة من طقطق,,الى سلام عليكم,,والحقيقه اقتنعت باللي سوته,,,وتمنيت اني ما طالقها,,,لانها حرمه قل وجودها في هاالزمنيا ترى وش رايكم...ايش كان السبب؟؟؟؟البنت كانت متزوجه واحد .. يحبها وتحبه ,,,لكن في لحظة غضب طلقها ثلاث طلقات.. مورصاص . لا يروح بالكم بعيد خوهي سوت هالطريقة المجنونه عشان تتحلل لزوجها وانتهت القصه