بيتي معفوس ساعدوني ابي حل

حبيبتي الله يكون بعونك انا كنت مثلك ما شاء الله بيتك كبير بس يمكن ما تعرفين الترتيب انا كنت مثلك وبيتي حايس ومعفوس بس الحين وربي ترتب وصرت انظف اول با اول عشان ما اتعب فيه بس ياليت اختي تورينا الصور البيت عشان نقدر نساعدك ولا اشرحي لنا ايش الحايس عشان نفهم والله يساعدك يارب

الله يكون با عونك يارب
اولا ""حبيبتي توكلي على الله وسمي با الله وأبدي با السهل المكان الي مو حايس مره رتبيه هو اول
بعد كذا كنسيه وصكريه مفهوم صكريه عشان ما ينحاس الى ان توصلي للي حايس مره
ورتبيه في يوم لحاله يعني عشان ما تطفشين اليوم ربي الي حوستها خفيف ووسط
وبكره الي حايس خصصيه من بدري اصحي بس تكوني نايمه في اليل زين
وحاولي تستغلي خروج زوجك من البيت وبا كذا ترتبي وانتي مرتاحه ما وراك شغله لان الرجال لحاله شغله
انا عني احب ارتب وهو في الدوام
نومي ولدك وصحصحي وتوكلي على الله والله با تحسين با راحه اذا خلصتي شغلك اهم شي غرفت النوم الصاله
تترتب اول شي عشان زوجك اذا جا وبخري البيت
والاماكن الي حوسه صكيه وكل يوم خذي لك مكان رتبيه واهم شي تصكرين الي ترتبينه وبا كذا ما يبقى عليك الا الترتيب اليومي غرفة النوم والمطبخ الي كل شوي موب يومي هو خ
والصاله الي فيها قعدتكم
وطبعا ما انسا الحمامات تتنضف الصبح اول ما تصحين تغسلينها
في اليوم مره
او في اليومين مره هذا الحمام الي ما تستخدموه كثير
والله ييسر امرك يارب بس اهم شي وانتي تشتغلين اشغلي نفسك با الاستغار والتسبح وكذا ينقضي اليوقت ما حسيتي فيه
وبعد قبل لا تنامين قولي _سبحان الله 33
_والحمدلله 33
_والله اكبر 33
با اذن الله تصحين والله يعينك والله ييسر امرك والله حاسه فيك مريت با ها الموقف
طولت عليك معلش >>تتفلسف خ
بساتمنى افدتك

لي عوده بالنظام انتظري

لبى عنونكم نصايحكم بلسم الله يخليكم لي
يعني مو انا بس اللي مريت بها المشكلة والله ريحتوني
الله يوفقكم جميعا وانتظر الباقيات

بالنسبة لتفاصيل البيت
مجلس رجال قليل دخوله
صالة هي مكان جلوسنا وارتبها على طول
بس العفسه كلها بغرفتي وغرفة الحريم لاني انشر فيها الغسيل واف حوسة ماعندي مكان
ام الغرفة الاخيرة هذي المفروض تكون غرفة طعام كبيرة مرة لسا مااثثناها مليانة عفش
ههه
فشله
والمستودع لسا ماركب لي ارفف وطفشانه مكركب
والمطبخ ماعليه مقبول نوعا ما بس برضه اتاخر في تغسل المواعين
فيه ممرين طويله برضو يبي لها تمسيح
وحمامين استعمال يومي
غير الغسيل والكوي وولدي وزوجي
كلهم يبي لهم ترتيب
معلومة :زوجي اذا نام لازم انام معاه يزعل لو تركته لوحده وبكذا وقتي رايح هدر

انا من تجربتي ............ اول زواجي تعبت كثير واللي تعبني ان زوجي دقيق مره ومنظم وساعدني الله يجزاه خير
فلما قلت لبنت خالتي الله يوفقها ويرزقها قالت لي نظمي كل شي بترتاحين
فالنتيجه:::
شقتي عباره عن غرفتين نوم لي وللعيالي ودورة مياه- وانتو بكرامه-
وصاله ومطبخ ومقلط ومجلس رجال ودورة مياه- وانتم بكرامه-
ودرج خاص لشقتنا.... طبعا تعب صح ؟؟
الجدول اللي وصلت له بعد التجارب الكثيره... ولزقته على الثلاجه
ارتحت بس ساعتين شغل وباقي اليوم تلفزيون او نت
السبت:: غسل ملابس زوجي(غسالتي اتوماتيك) + تنظيف الصاله + دورات المياه فقط
الاحد:: ترتيب ملابس زوجي وكويها + تنظيف الغرف
الاثنين :: غسل ملابسي + تنظيف المطبخ
الثلاثاء :: ترتيب ملابسي وكويها + تنظيف المجلس والمقلط
الاربعاء :: غسل الدرج ومدخل الشقه (يمكن يجي ضيوف خ) +تنظيف الصاله ودورات المياه + غسل ملابس بنتي
الخميس :: اللي ماقدرت اسويه خلال الاسبوع
مثلا الاثنين نظفت المطبخ بس مانظفت الثلاجه انظفها الخميس
او ما مداني اكوي ملابسي كلها اكوي الباقي اليوم او او .. بحكم طلعاتنا قليله ..واذا ماعندي شغل ممكن نروح مشوار (السوبر ماركت او الصيدليه أو الحديقه ......
الجمعه :: اجازه ...بالاتفاق مع زوجي انه اذا التزمت قدر الامكان بالجدول خلال الاسبوع + الطبخ .. استحق اجازه فهو يتغدا بيت اهله يوم الجمعه وانا اسويلي فطور غدا (فطور دسم خ)
والعصر يطلعنا نتمشا لين الليل نتعشا بره ونرجع لشقتنا
يوم الجمعه لا طبخ لا شغل لا جلسه بالشقه .... وناسه
ملاحظات ::
**كل اسبوعين امسح الجدران للشقه كامل
**انزل النوافذ واغسلها كل شهر تقريبا
**لما نظف الغرفه امسح الباب والجدران والدولاب وراس السرير واغير المفرش وارتب التسريحه واكنس الارض وامسحها بالمطهر وابخر المكان
**لما انظف المطبخ انظف الفرن من برا ومن داخل وامسح الدولايب من برا وكل اسبوع انظف درج واحد من داخل بس وانظف الثلاجه من برا ومن داخل واغسل طاولة الاكل والكراسي بالليفه والصابون وامسح الطاولات او الكاونتر بالكلوركس وحوض المواعين واخيرا امسح الجدران بفيري المذيب العجيب واغسل الارض
**لما انظف الحمام اصب مطهر المراحيض داخل التواليت والمرحاض الارضي واصب مطهر داك مخفف مع ماء على البلاط واروح المع المرايه وانظف الصيدليه وامسحها من داخل وبرا وبالليفه( ماء + صابون وشوية كلوركس) انظف التواليت من برا والمغسلة والمسبح وبعدها افرك البلاط بالمكنسه خاصه بس للحمامات ( تخيلوا مره شفت عند ناس الشغاله تغسل الحمام بمكنسه قبل شوي كانسه فيها الصاله قلت يمكن تتشابه لما سالت صاحبت البيت قالت لا مكنسه وحده للبيت كله ) يك اللي للحمام مفروض ماتنكس بها باقي البيت مليانه جراثيم ....
**المجلس انفض الستاير واكنسها بالمكنسه الكهرب وامسح النوافذ بلمع الزجاج وبعدها امسح الكنب بفوطه مبلوله بشويه ماء مع مطهر ( تعقيم + ريحه حلوه ) انا استخدم داك 3 لتر بعشره ومنه روايح حلوه بالازهار والفل ...بعدها اكنس الزوليه واطويها واصفها على الجدار وامسح المكتبه والتلفزيون وامسح مفاتيح الكهرب حقت اللمبات او المكيف وامسح المكيف وأخيرا اكنس الارض وامسحها بفوطه (ماء +مطهر) انا استخدمت لفتره حملي العصا اللي فيها خيوط بس احسها تطلع لها ريحه ومدري مارتحت لها لما ولدت رجعت على الفوط كبيره وسميكه (زي اللي تتنشفون بها بعد الاستحمام )
**تنظيف الصاله والمقلط نفس نظام المجلس
**طبعا ضيوفنا محدودين وانا من النوع اللي مايسير كثير بذاك الوقت ولا اعرف جيراني
بس الحين الحمدلله اروح واجي اعرف جيراني واعزمهم وانعزم عندهم
الروح تبي الارواح... زهقت من الحبسه..
اتمنى تجربتي تفيدكم ..

مرحبا
ياقلبي انا مثلك والله تعبت من البيت كل ماانظف يرجع يحووس اول مااتزوجت كنت انظف البيت يوم بعد يوم بس من يوم مادخلت السنه الثانيه بدات اكسل مره صرت كل اسبوع والحين قبل العيد نظفت وليلة العيد رجعت عدت عليه وبعدها بكم يوم نفس الشي اكنس وامس وارتب عشان مايجووس والاسبوع اللي فات يوم الاثنين نظفت البيت كله تمام وصار زي الفل ويوم السبت بدء يحوس من جديد والى الان كسلانه انظف الصراحه بس ارتب والتنظيف قلت خليه بكره
وقلت بسوي لي جدول انظف البيت كل سبت وثلاثاء احسن شي السبت عشان زوجي مايتضايق طول الاسبوع البيت حايس لايكون نظيف سبت والاحد والاثنين والثلاثاء انظف عشان الاربعاء وخميس وجمعه لو جاء عندنا احد
انا بيتي 3غرف وصاله وحمامين ومطبخ ولي سنه وعشر شهور (ماتبي تقول سنتين تبي تحس انها لسه عروسه ههه)
بس
الله يعينك ياقلبي

اب

حبيبتي انا كنت مثلك بس الحين الحمدلله والسبب الموضوع هذا
معا نحو الإبداع بالتنظيف والسعي لبيت لامع ان شاء الله..حياكم (