تبغي تسحري زوجك أدخلي

جبتلك اليوم سحر لزوجك ما ينفك ابد
زور ابن الزرزور اللي ذبح بقرة وترس سبعة قدور ... نبدأ السحر...
( الرجاء خروج الأطفال)
السحر هو أمر يستحوذ على الحواس فيقودها في اتجاه آخر ....
لكل من تود أن تسحر زوجها سحر لا يمكن فكه ولا حله ....
نقدم لكنّ 25 طريقة فعّالة .....
( 1 )
زوجك ليس ندا لك .... زوجك رجل ...
له كرامة وكيان وشخصية تمتلئ بالشموخ والكرامة وعزة النفس ...
فلا تكوني ندا له .....
( 2 )
بيتك جنّة .... وأطفالك هم عصافيرها ...
فلا تجعلي أطفالكِ غرباناً تحوم حول الزوج حين يحتاج للهدوء ....
الانسحاب أحيانا مفيد جداً ....
( 3 )
خليه يفتح موضوع جدي معاك ... اتركيه يناقش حتى النهاية ...
اذا قرب يخلص
فاجإيه بالعبارة التالية : بس في نقطة مهمة نسيتها ...
راح ينتبهلك ... وأكيد راح يسأل : وشهي؟ .....
قولي: أنا أحبك مو ............ كملي ؟
( 4 )
كل الأمور تحلينها انتي؟؟؟
برافو ... كفو والله وعساك عالقوة .... بس مو ضروري تعيرينه...
دعي له مساحة يتحرك فيها ...
شاركيه بالقرارات ...
ارجعي له دائما ... حتى في الأمور المحسومة سلفا ....
خليه يحس ان له دور مهم .... مو سبير طايح .....
( 5 )
دائما دعيه يشعر انه القوة الكاملة في البيت ....
دعيه يشعر انك ضعيفة .... مو بشخصيتك ... بل بجسمك ...
الجأي له مثل الأطفال ... حتى لو اصبعك انجرح ...
عطيه بلاستر وخليه يلف اصبعك ....
( 6 )
خليه دايما يحس انك بحاجته ... وان عداداتك وبوصلاتك ما تشتغل الا بوجوده ....
( 7 )
أشعريه ان شخصيته هي الأقوى... حتى لو كنتي كونداليزا رايس ....
( 8 )
العطور ثم العطور ثم العطور......
اجعلي بيتك مريحا للأعصاب
ودايما استبدلي عبق البصل والثوم اللي تحوس في البيت ...
برائحة معطر الجو إير ويك برائحة الورد ( دعاية)...
حواس الأنف مفتاح الدماغ ....
راقبي وجهك اذا مريتي عند زبالة صارلها سنة مقطوطة ....
حتى لو كنتي في قمة سعادتك بتنقلب مزاجاتك .....
شلون يقدر يعصب والدنيا ربيع والجو بديع ....
وقفلي على كل المواضيع ..... صح ولا لأ ؟؟
( 9 )
يقولون الرجل طفل ....
انا اقول الرجل جنين وليس طفل ( صبر يا رجال لا تفحطون ) ....
الطفل ممكن ينزف ... ينضرب .....
بس الجنين محمي بحنان رباني ... بعالم هادئ .... بتدليل أمومي ....
الرجل مهما لقى من صفات رائعة في زوجته .....
دائما
يبحث عن حنان أمه فيها .... والحنان....يلين الصخر ....
فكوني مصدر ذلك الحنان ...
( 10 )
كوني له أمة يكن لك عبدا ....نعم ....
كوني صديقته وقت الضيق ...
أخته وقت الفزعة ...
أمه وقت الدمعة ...
حبيبته لما كل الدنيا تخليه ....
زوجته لما يضيع ...
بنته لما يحتاج يحس بالألفة ....
كوني له كل نساء الأرض ....
وش بتخسرين ؟؟
( 11 )
علمي أولادك ان يقبلوا رأسه كلما رأوه ...
لا تقولين الزمن تغير وماعاد أحد يبوس راس أحد ....
كل شي ممكن يتطور ....
بس
يبقى احترام الأب هو
الجهل الوحيد اللي لازم نزرعه بقلوب أولادنا .... وباستماته بعد ....
( 12 )
نسى هدية العيد لولده أو بنته .... عادي جدا ...
اشتري هدية وحطي عليها أسمه وجهزيها له ...
أو اذا انشغل قدميها باسمه ....
فنتيجة انتماء الطفل لأبويه انتو الاثنين راح تحصدونها ... مو بس هو ....
بس
لا تنسين ترسلي له مسج تعلمينه بالهدية ...
لا يصير مثل الأطرش بالزفة! .....
( 13 )
حذار ثم حذار ثم حذار من عبارة ...
أبوك لاهي عنك ..... شدعوة داري عنك ....
ليش وينه أبوكم .... أبوك مو فاضيلك ...........
الطفل ما ينسى .... قومي انتي بالمهمة .... أو على الأقل ...
لاقي عذر مناسب يكبر الأب بعين عياله...مو يكرهونه وأنتي المستفيد الأول
( 14 )
تتضايقين من نظراته لمذيعات القنوات اللبنانية وهيفاء وهبي؟؟ قهر مو ؟؟
غلطانة....
اسألي نفسك سؤال واحد ....
هي مرة وانتي مو مرة؟؟؟
ليش ما تصيرين انتي لبنانية بنكهة الدرابيل والهيل ....
يعني سعودية النكهة .... شمحتاج الموضوع ....
قصة شعر؟ ..
ريجيم ؟ ..
صبغة حلوة ؟ ..
ابتسامة جميله ؟
( 15 )
دلعيه .... ثم دلعيه .... ثم دلعيه ....
حبيبي ... قلبي ... حياتي ... مشكور ... عساك عالقوة ...
صباح الحب .... مساء الورد .... تصبح على حب ....
عيوني لك ... انت تامر ....
واغزلي من عبارات الحب جمل أكثر .....
يا ستي اعتبريه موضوع تعبير لازم تكتبينه في المدرسة ويتوقف عليه تخرجك ...
( 16 )
يوه ... ليش ما جبت الطماط ...............
انا لله ... انا كل ما أوصيك على شي تنساه؟؟؟
ليش ليش ..... سواق هو ؟؟ شوي شوي ....
صحيح مهمته وشغلته وواجب عليه ....
بس كان ممكن لما تكتشفين النقص
تقولين الآتي مع ابتسامة ناعمة ...
عادي حبيبي ولا يهمك ... يعطيك العافية يا قلبي ....
روح ارتاح انت الحين وانا أسويلك كوكتيل عالسريع ....
حبيبي يتعب وما ندلعه؟؟ ما يصير.......
حتى لو أكلتك كلها تعتمد على الطماط .... خير يا طير .... تتدبر.... .
لو تفكرين شوي راح تعرفين انها تتدبر......
( 17 )
لا تنتقدينه ........ أبدا ....
حتى لو كان من راسه لساسه عيوب ....
حتى لو كان صبار كله شوك ....
الصبار ترى داخله مويه ...
وعلشان توصلين للمويه لازم تشيلين الشوك ....
جربي شيليه بسرعة ومرة واحدة ... ما تجنين الا الألم .....
بالحب .... والحنية .... والصبر .... كل شي يصير ...
حتى لو طولتي تشيلين الشوك .... راح يجي وقت تلاقينه هو يشيل معاك .. من كيفه ...
( 18 )
ههه.... والله لو شايفين محمد أمس يوم حاول يصلح الحنفية .... خربها زيادة .........
والا لما طاح بالجمعية ...... انحشت عنه كني ما أعرفه ...ههه ......!!
ضحكتي من سرك بلى ....
إياكي وإياكي وإياكي أن تظهري عيبه أمام الآخرين ...
الرجل ما ينسى ....
والشعور بالإحراج يخليه يدفن بقلبه ضيق عليك ما يروح بسهولة ......
خليك ستر وغطا على عيوبه ... حتى لو تافهة وعادية ....
( 19 )
حطي ايدك بإيده .... قبّلي أصابعه بعزّ المسلسل ....
خليه يحس انك مستانسة لوجوده جنبك ....
مو تنطرين الساعة اللي يروح فيها برا ...
( 20 )
طلعي الشغاله برا .... أظن الدوام الجزئي كافي ...
هذي مملكتك ... لا تتنازلين عنها .....
الواحدة اذا حبت شغلها تكرف فيه بدون حساب .... وبابتسامة ....
مو بيتك أدوم لك؟؟؟
( 21 )
عطيه حريته ...
خليه يسافر بروحه اذا يبي ...
خليه يطلع الشاليه او المخيم مع أصدقائه ....
خليه يتنفس ... وراح يرجع لكم مشتاق ... وممنون.....
( 22 )
تعلمي الابداع بالطبخ ... نوعي بأكلاتك ....
حسسيه ان ذوقه مهم عندك...
( 23 )
جددي بنفسك ....
خليك أنيقه ... كشخة ...
شبعيه علشان ما يجوع .....
( 24 )
تذكريه برسالة على الجوال ... مو لا تنسى العيال ... ولا مر الجمعية .....
قوليله كلمة واحدة بس ....
اشتقتلك ..........
( 25 )
لا تخالفينه قدام عيالك .... خلي رايك من رايه ...
وعيالك لازم يفهمون هالشي ....انك معاه ... مو ضده....
ولا تعاندين ....
لو شلتي ايدك من ثقب السفينه عناد راح تغرق فيكم كلكم .....
وهذا اللي ما تتمناه أي زوجة ...
تحياتي للجميع ...
منقول الصراحة فقرة (21 ) انا ضدها