تبون لفائف سينبون سحريه تعالوا هنا اعلمك طريقتي وبالصور

1. طلعي العجينه بعد مرور ساعه ساعه ونص وتكون منتفخه .


2. اعجينها وبعدين اقسميها نصين, افردي غطي النص الثاني .

بسم الله الرحمن الرحيم
حبيت انزل لكم اليوم طريقتي في عمل لفائف السينبون بس صدقوني الي تجربها ما راح تندم طعمها جونان روعه وما تاخذ وقت بس طبقي الخطوات مثل ما هي:
المقادير:
3كاسات طحين الكويت.
ملقعة خميره .
فنجان زيت.
نص فنجان سكر.
ثلاث ملاعق حليب بودره.
كاس مويه دافي.
الطريقه:
حطوا بالخلاط الكهربائي كل المكونات الا الطحين , شغلي الخلاط واثناء ما يشتغل حطي الطحين في حافظه كبيره او اي وعاء كبير .
طفي الخلاط وصبي الخليط على الطحين وحطي بيدك زيت قليل عشان ما يلزق فيك الطحين اثناء العجين وابدئي بالعجن مزبوط.
بعد ما تتكون عندك العجينه كوريها وحطي بيدك زيت ومرري على العجينه كلها.
سكري الحافظه كويس وحطي عليها كيس بلاستك وحطي العجين على جنب عشان يتخمر.
مقادير الحشوه:
ملعقتين كبار قرفه.
ملعقتين سكر بودره.
ملعقه شوكلاته نسكويك.
زبده لدهن العجين وتثبيت الحشوه.
اخطلي المكونات وخليها على جنب وحضري الصوص.
مقادير الصوص:
كوب سكر ابيض مطحون.
كوب سكر الكارميل.
حليب.
قشطه.
زبده.
ملعقه صغيره من حشوة السينبون.
طريقة تحضير الصوص:
ذوبي السكر الابيض وبعدين ضيفي سكر الكارميل وذوبيه وعلى فكره سكر الكارميل ما يذوب بسهوله بعد هيك حطي ربع بيالة حليب
وحطي القشطه وحطي ربع اصبع زبده وملعقه صغيره من حشوة السينبون. استمري بالتحريك اذا حسيتي المواد تدخل في بعضها وطلعت ريحه حلوه طفي النار.
طريقة عمل الفائف :
شغلي الفرن على درجة حراره متوسطه.

طلعي العجينه بعد مرور ساعه ساعه ونص وتكون منتفخه .

اعجينها وبعدين اقسميها نصين, افردي غطي النص الثاني .

خذي النص الاول وافرديه ولازم يكون السمك وسط او اقل شوي عشان يكون حجمها حلو ومتناسق, بعد ما تفردين العجينه خذي زبده وادهني الوجه الي بتحطين عليه الحشوه , ابدئي بتوزيع الحشوه بطريقه متساويه وبعدها ابدئي اللف وبعد ما تلفينها حاولي تظبطين العجينه عشان تكون متناسقه وتساعدنا في التقطيه والحصول على مقاس حلو.
ابدئي بالتقطيع وحاولي ما تكبرين القطعه الحجم الوسط حلو وصفي القطع بس بعديها عن بعض شوي عشان لما تنتفخ بالفرن ما تلزق في بعض. بعد ما تخلصين النص الاول ابدئي بالنص الثاني دخلي السينبون الفرن وعلى طول قصري الحراره خليها تجهز على راحتها.
هذا تبعا من تحت اذا خلصت وانتفخت شغلي عليها من فوق .
بعدين طلعيها وهي حاره حطي الصوص عليها.
صفيها بطبق التقديم وعليكم بالعافيه وهيدي الصور:
وكمان هيدي الصوره بس اعذروني هذا مو طبق التقديم وما حيطت عليه صوص لان في ناس يحبون بالصوص وناس بدون ولازم نرضي الجميع
اتمنى يا حبوبات طريقتي تعجبكم وجربوها وعلموني وش رايكم واتمنى ينرفع الموضوع بدعوه حلوه ولا عليكم امر.....