تبين تضعفين 15 كيلو في 3 اسابيع وممكن اكثر تابعووني الرجيم مجرب وبالصور

1. النظام :


2. الفطور ثابت كل ايام الاسبوع :

السلام عليكم جمعيا ... وحشتوني فراشات من زمان مادخلت منتداي الغالي ............
المهم .... انا قبل اتزوج كنت دبه طولي 160 ووزني 86 كيلو
طبعا هذا الكلام له 5 سنوات يعني من زمان ....
وقبل عرسي بشهر سويت دايت نظام اتبعته ونقصت خلال شهر من 86 كيلو الى 65 كيلو
يعني نزلت تقريبا 21 كيلو وطبعا كان معه مشي لاني كنت اجهز وكنت امشي بالسوق ... حتى لماتركت الدايت اول سنتين كان ثابت وزني
المهم والنقطه المهمه ان وزني خلال 5 سنوات عمره ماتعدى 71كيلو هذا اكثر رقم وصلت له
يعني تخيلو 5 سنوات وانا اكل واحيانا اسوي دايت واحيانا اخرب بس عمره مارجع الوزن اللي قبل
يعني مرات يصير 69 او 66 او 67
انا اليوم وزني 71 مره متضايقه مابي ارجع زي اول :
فقررت مايلي : بكره الجمعه تاريخ 16/3 ببتدي الدايت القديم لمده شهر الين 16/4
وراح اوافيكم كل يوم صوره الوجبات + الوزن كل صباح ( عشان تتحمسون ) وبتشوفون كل يوم وانا انقص كم غرام او كيلو ................
النظام له شروط :
1- قياس الوزن كل صباح
2- شرب الماء كثير خلال اليوم
3- المشي يوم ورا يوم ( يعني يوم ايه ويوم لا )
واليوم اللي مافيه مشي وحبيت امشي كثر الله خيري يصير احسن (بس ماظن اسويها)
4- ممنوع اكل الخبز او الرز او اي من النشويات الا في اليوم المفتوح ( مبين في الجدول )
5- مسموح شرب القهوه من غير سكر او محلى بسكر الدايت
6- مسموح شرب1 كأس عصير برتقال طبيعي ( انتي تعصرينه) اذا حسيتي بجوع او دوخه
7- اهم نقطه تنظيم النوم .. والنوم وقت مبكر عشان عمليه الايض
( الايض هذا يا بنات هو حرق الجسم للسعرات يصير بس في النهار بالليل يسكر مايشتغل )
8- الامتناع عن الاكل بعد الساعه 8 ( حاولو تنامون الساعه 10 عشان ماتخربون )

النظام :

الفطور ثابت كل ايام الاسبوع :

الفطور: عصير برتقال طازج (انتي تعصرينه) من غير سكر + فواكهه بأي كميه وأي نوعيه ( كلي اللي تبين مافي اي شي ممنوع كلي كل اللي بخاطرك من فواكهه)+ قهوه ( اللي تبين عربيه ولا تركيه ولانسكافيه من غير سكر او اضافات بس سكر الدايت مسموح )
اليوم : الاول والثاني والثالث( نفس الشي )
الغدا: علبه زبادي + فواكهه بأي كميه واي نوع
العشا : فواكهه بأي كميه واي نوع
اليوم الراب ع:
الغدا : عندك خيارين :
1- صدر دجاج مشوي( مافيه نقطه زيت )+ علبه زبادي
طريقه الدجاج : طلعيها من الفريزر وخلي الثلج يذوب وبعدين اذا الثلج راح نظفيها وغسليها وجيبي ليمون وافركيها افركيها عشان يروح الزفر وبعدين جيبي باديه او طنجره (ياروحي اللبنانيه)
وحطي فيها ليمون كثير + دارسين عدل + هيل عدل + مسمار عدل + بهارات ونقعيها وحطيها بالثلاجه بالليل واذا جا بكره بس علفيها بقصدير وادعسيها بالفرن الين تستوي
او
4حبات بيض مسلوق + علبه زبادي ( هذي اسهل )
العشاء: فواكهه بأي كميه واي نوعيه
اليوم الخامس والسادس ( نفس الشي اليوم الاول والثاني والثالث )
اليوم السابع :
الغدا : 2- توست + 1- شريحه جبن قليل الدسم
العشا: فواكهه اي كميه اي نوعيه
انا انشالله ببتدي من بكره لان انا بنفسي جربت هذا الرجيم ومن جد احلى رجيم سويته ولا ورجع وزني وبشرتي كانت تجنن وشعري كان مره حلو ببتدي فيه انشالله واللي حابه تنضم معي حياها الله
وراح اوافيكم بالصور من بكره
محدثتكم : نونومومو من قلب الحدث