تبين تعرفين سبب صمت زوجك

سلام الله عليكم حبايبي
عساكم بخير
اتوقع كل بنت هنا تعاني وتعاني وتعاني من صمت الرجل
في السيارة .. او في البيت .....
انا اول ماتزوجت كنت الاحظ هذا الشئ طبعا قبل ما اعرف السر :3 5:
كنت اقول لزوجي ترى الى معك في الصالة بني ادم مو كنب ولا طاولة
كنت اذا شفته ساكت ويفكر اجي ادور حولة مثل النحله فيك شئ؟؟ مضايق من شئ ؟؟؟
تبي مساعده؟؟
بعدين اكتشفت ان هذا الشئ يضايقة اكثر واكثر
لني عرفت السر
الرجال عندهم شئ مو عندنا
هذا الشئ يسمونه الكهف وهو عند كل الرجال مهوب زوجي ولا زوجك
هذا الكهف يروح له الرجل اذا هو مضايق او يعاني من مشكله او يبي حل او حس انه خلاص اسعدك
او انك مبسوطه منه
هذا الكهف معروف منذو ازمان بعيده
حتى ان هنا مقولة هندية قديمه كانو يقولون للبنت الى توها بتزوج انتبهي من التنين الى في كهف زوجك
اذا لحقتي زوجك الى الكهف حقه يمكن تتعرضين لتنين ؟؟
التنين هذا الى ماكلنا كلنا
التنين هو غضب الزوج
اذا نشبتي له وقلتي شفيك ؟؟ رد هو مافيني شئ
رجعتي تقولين ام احسك مضايق ؟؟؟ انا مضايقتك بشئ ؟؟؟؟
الخ
بعدها ينفجر الرجل بوجهك وتندمين ؟؟؟؟
لماذا الرجل يتضايق؟؟ ولماذا المراه تسال؟؟
الرجل بيتضايق لن الرجال بطبيعتهم مايحبون احد ينصحهم او يقدم لهم نصيحة او استشاره بدون مايطلب
اذا احد اعطاه نصيحة بدون مايطلب يشعر بالعجز والنقص _ بطبيعة الرجال يحس انه الاقوى
واذا شافك فوق راسه تقرقرين وتسالين بينفجر ويضايق هو يكون مهوم وفي راسه الف شغله
ومايبغاكي تشاركينه فيها يمكن لو شافك مهومه معه يزيد الهم عنده
عشان كذا يروح للكهف وهو ( الصمت) هو شئ من اساسيات الرجال يعني لو ما سوى هذي الطبيعة الى فطره ربي عليها يمكن يكون دايم متوتر ومضايق
لنك ماعطيتيه مساحه يدخل كهفه ويجلس لحاله ويتنفس
واحياننا مايكون هذا الصمت كهف يكون انشغال في العاب بلاستيشن او انشغال بمتابعة كوره او شئ يجبه
طبعا هذا كله هروب من الهم الى فيه
المره اذا شافت الرجال يسوي كذا تحكم عليه بطبيعتها احنى الحريم مانلعب بلاستيشن ولا نتابع شئ نحبه
الا اذا كنا مبسوطين ورايقين سبحا ن الله الرجال يختلفون مايسون الشئ هذا الا اذا كانو مضايقين
لذلك الحرمه توقف فوق راس الرجال انت مبسوط مو حولي انت تلعب مو حولي وماتدري انه يعاني
المراه لماذا تسال الرجال اذا هو صار صامت؟؟
بطبيعة المراه تحب ان احد يسالها وشو فيك ليه مضايقه ؟؟
ثاني نقطه وهي المهمه جدا ا اسمعوها زين
المره ليه تخاف من صمت الرجال؟؟
لن المره ما تصمت وتكون ساكته وتفكر الا اذا نوت تسوي شئ كبير او زعلانه من حاجة كبيره جدا
لذلك هي تحسب الرجال مثلها وتظل خايفة انه مضايق منها او فيه شئ
,,,,,,,,,,,,,,,,,,,,,,,
احسن الحلول تسوينها اذا الرجال صمت او راح كهفه
لنك ااذا سويتي هذي الاشياء يرجع هو احسن من اول ويجيك بكل شوق وحب
1- لا تنتظرينه عند باب الكهف وتحسبين الوقت ( يعني لا تقولين له اوه لك 3 ساعات ساكت و و و و
كذا الرجال بيحس انه مقيد ولا ياخذ راحته في كهفه
2_ لا تحسسينه انك قلقانه عليه ( يحس بالاحباط ويحس انه ما انجز شئ ويرجع لكهفه مره ثانيه
3_ لا تقدمين مشوره او اهتمام الا اذا طلب
4 - اسحبي عليه وروحي سوي شئ تحبينه ( مثلا تسوقي - شوفي فلم - صلي وادعي
5 _ لا تخلينه هو المتنفس الوحيد عندك خلي عندك صديقة تكلمينها وتشكتين لها
6- تجاهلي وجوده
بعدها هو بيرجع لك ويسال عنك ويحس انه غاب في كهفه كثير