تبين تفتكين من هم تكشين البصل وريحته الي تنشب في الجسم كل يوم ومناسبه لرمضان

معليش لقيت اختي (صادقه الشوق )كاتبه قبلي نفس الموضوع مع اختلاف بسيط لايكاد يذكر ..وهذا رابط موضوعها
.اعتذر منها .. ماكنت ادري ...واتمنى اان المشرفات يحذفون موضوعي....
السلام عليكم ورحمه الله وبركاته ........
حياكم الله منورين ...
ابعلمكم طريقه صرنا متبعينها بالبيت ..لا ريحه تعجعج بالبيت ولاريحه ناشبه بالجسم والشعر ........
بس تعب يوم واحد وينتهى كل شئ ...وترتاحين ايام ...
اولا . .تجيبين بصل كميه كبيره....ويقشر ..
تقطع قطع صغيره ...او اذا حبيتي قطع اكبر او على شكل هلال ..دائما نستخدم محضر الطعام يقطع كل شكل بسرعه
وعلى الشكل الي تبين ..لا دموع ولا رائحه في ا ليد ولا تعب .......
ونصب في قدر كبير كميه كبيره من الزيت والأفضل طبعا زيت دوار الشمس وننحمس البصل زين لين مايصير
لونه ذهبي محمر ..
الي هنا وكل شئ عادي مثل الي تسونه ...
..بعد كذا نخليه يبرد شوي ثمن نشخله زين ونصفيه عن الزيت ونعبي البصل المكشن في علب بلاستك متوسطه او
صغيره محكمه الغلق وطبعا هالعلب تخلينها دائما للبصل ولاتحطي فيها بعد كذا فواكه او خضار علشان الريحه .. ..
بعد ما تبرد مره يعني تصير بحراره الغرفه غلفي كل علبه بعد غلقها بكيس نايلون مثل اكياس الخبز واربطيه زين ودخليه بالفريزر او الثلاجه ماراح يضر لان العليه والكيس راح تكون حاجز ولا يمكن تتسرب الرائحه ويبقى البصل كأنه توك مكشنته
وكل مره تبين تستخدمين البصل طلعي البصل بكل ثقه وريحتك كلها بخور وعود واضيفيه لاي طبخه زي السمبوسه و المكرونه مع الطماطم والشوربه ...المرقوق القرصان .....وهكذا
نسيت اقولك عن الزيت حق البصل ...لا لا لا لا ترميه ....عبيه في علبه زيت فاضيه وحطيه بالثلاجه وكل ما سويتي رز ابيض رشي عليه بدل الزيت العادي هذا الزيت وشوفي طعم الرز وخصوصا اذا كان مطبوخ معه مسمار ...وذري عليه شويه بصل مكشن شرائح ..من الي سويته من قبل .الكل يسألنا عن نوع رزنا وكيفيه طبخه واحنا نسوي بهالطريقه السهله ...
..والف هنا وعافيه وراحه ........