تبين حركه بسيطه تخلي زوجك يمووت من الفرح تعالي

فكرة حلوة وتوني من كم يوم سمعتها وقلت بسويها لكن عاد عند التوقيع ياريت تحطين لش لب ستيك وتطبعين شفاتش تحت التوقيع بتصير حركة حلوة وفيها تغير عن شهادة التقدير العادية...
ولو بعد تحطينها في برواز وتودينها محلات التغليف وهالسوالف يغلفونها لش ويحطون فيها كم وردة مجففه ويا التغليف تصير احلى واحلى...
ننتظر مفاجآتش الحلوة والهدايا والحراكات الرومامنسية بفارغ الصبر لا تخلين!!!

سمعوا بقول لكم
آنا مخطوبه من سنه و شهرين و تدرون الحياة تتغير و الروتين الملل يسيطر على حياتنا بس لازم نغير صح ..
عاد كل شيء رومانسي و معروف سويته حق خطيبي (( ورد ، شموع ، هدايا ، مفاجآت )) و صار لي تقريبا شهرين ما هديته شيء .. و هالايام بعد بدأت الجامعه ولا اشوفه وايد و بعد عشان احنا نجهز الشقه ف اوضاعنا الماديه اختلفت شوي
ام ادري انكم متحمسين تبون تعرفون الحركه
المهم مره خطرت في بالي فكره تدرون شنو هي ؟؟؟؟؟؟
رحت قرطاسيه للي يبيعون فيها اقلام و اغراض مدرسه و بعد يسون انشطه و بحوث حق الطلاب
و سويت عندكم هذه الحركه زين بقول لكم شنو هي لا اطلعوني جذيه
خليتهم يصممون لي شهاده من ورق مقوى و يكتبون فيها
(( شهاده تفوق )) العنوان
هذه الشهاده منحت الى ............... ( الاسم الكامل عشان شهاده رسميه ) و ذلك لاتمامه .........(المده الزواج ) من
الزواج بعلامه امتياز ، حيث اجتاز الزوج هذه المدة بالحب و الاخلاص و القلب الحنون . حيث منحت هذه الشهاده
كدليل على الكفاءة العاليه و الجدارة في الحياة الزوجيه .
زوجتك ....................( الاسم الكامل )
( التوقيع )
و ما حبيت تكون الشهاده طويله عشان الشهادات الرسميه مافيها كلام وايد ... 3 اسطر بالكثير
وخطيت الشهاده في سيارته و فوقها ورده .. والله انهبل و ضحكته ما تفارق فمه .. و راح تشوفون التغير
اللي راح تسويه هالشهاده .. عزمني على مطعم و على سينما و اشترى لي فستان و ساعه كان خاطري فيهم
و طبعا حبيت اعطيكم هالفكره عشان حياتكم يصير طعمها احلى
ولا تنسوني من الدعاء

20 وحده دخلت
ولا وحده ردت ولا علقت !!!!!!!!!!!!!!!!!!!!!

ياحبيلك
ولاتزعلين انا ارد عليك
وشلون خطرت هالفكره على بالك
يوم زواجنا بعد شهرين راح اجرب واشوف
يسويلي مثلك واللا يضحك علي.....

سويت مثلك وضحك علي وقال المدرسه مأثره عليك واجد أكيد هذا الشهادات مضيقه عليكم في المدرسه

والله فكرة حلوة

ولا يهمك يا غاليه ..هذا انا ارد عليك....ههه
تدرين؟؟
حركتك حلوه جدا ..
وحلوو التجديد..وتغيير الروتين..
حركتك ..حمستني ههه
الله يوفقكم يارب
اتمنالك السعاده..
وتسلمين..

ما شاء الله عليك ............
الله يسعدك في الدنيا و الاخرة
ويسخر لك زوجك ويسخر له.......ويخلي ايامكم كلها حب وتفاهم وسعادة.
قولي..........آمي ي ين

مشكوره يالغاليه
اكيد الروتين اليومي لازم يتغير
تحياتي