تبين ريحة شعرك حلوه وتبقى لفتره طويله وتبين تعرفين طريقة تعطيره ادخلي واعلمك

السلام عليكم ورحمة الله وبركاته
مساء/صباح الخير عالجميع
شحالكم حبايبي ان شاء الله تمام
بنات انا بخبركم طريقتي في تعطير شعري
وممكن تكون معروفه عند الاغلبيه
بس بكتبها لان ربيعاتي دايم يسألوني عنها
قلت لهم خلاص انا بفيدكم وبفيد غيركم وبكتبها بالمنتدى عشان الكل يستفيد
وخصوصا اللي يستخدمون خلطات فيها روائح قويه مثل الثوم والحلبه راح تنفع معهم هالطريقه بأذن الله
اول شي بعد ما اغسل شعري يعني بعد الشور
اجفف شعري بالفوطه بس
وابعد كليا عن الاستشوار
لان اجذور الشعر بعد غسله تكون لينه فأي شي يجيها يخليها تتساقط
وما امشط شعري برضو وهو رطب
لانه سبب رئيسي بالتساقط
اخليه لما ينشف عدل وبعدين امشطه
واترك شعري ينشف من حاله
وبعدين لما يكون الشعر رطب شوي
مو يقوطر مويه
لا فيه رطوبه شوي بس
اجيب المبخره واحط فيها عود
او معمول <<<<وهو اللي يثبت اكثر شي بالشعر وتطول ريحته
واانزل راسي عليها واخليها كم دقيقه
وبعدين على طول اجيب الخمريه الموجوده عندي
وتحصلونها عند محلات العطورات والعود والمخلطات
واللي ماعندها خمريه
تحط عود
او اي مخلط تحبه
بس ماتحط الا على اطراف الشعر
يعني انتبهو العطر لايجي فروة الراس والجذور لانه برضو سبب رئيسي للتساقط
وحطي على شعرك من جوا بس برضو لايجي الجذور انتبهو
وارجعي عالى المبخره مره ثانيه لمدة دقايق قليله
وخلاص
وبكذا ريحت شعرك بتطلع
جنان
اتمنى اني افدتكم بمالدي
واللي عندها سؤال انا بالخدمه