تتبيلة سرية للدجاج كل من ذاقها سألني عنها

السسلام عليكم
كيف حالكم ياحلوات
اليوم جايبه لكم خلطتي السرية في تتبيل الدجاج
كل من ذاقها ماقدر يقاوم طعم الدجاج ويسالني عن طريقتي
طبعا اول شي تنظفي الدجاجه من جوا وبرا وخليها زي ماهي لاتقطعيها
او اقسميها بالنص بس وخلي الجلد لاتشيلينه
وبعدين جيبي علبه وحطي فيها المقادير التالية :
ثوم مطحون ناعم - معجون طماطم - طحينة - حمر سائل ( التمر الهندي )
خل اسود او ليمون او الاثنين مع بعض - دبس رمان - ملح - ماسترد لو حابه
بهارات مشكلة مطحونه - موية شوية بس عشان نخلط المقادير
وممكن تضيفي فلفل رومي احمر يااما طازج وتفرمينه او مجفف ( بابريكا )
نخلط المقادير وندهن فيها الدجاج .. واقل شي تخليها ساعه قبل ماتحطينها بالفرن
او تسويها من الليل يكون احسن
انا اسوي الدجاج بالفرن الكهربائي بصراحة مرة خطيير بالدجاج
جربوها ياحلواات وقولي لي راايكم بهالخلطة