تجاربكم وارئكم بفرد سوفت اند بيوتفل

جوهرة بحر مكنون

24-01-2022 - 01:36 am

السلام عليكم
انا شريت فرد سوفت اند بيوتفل <<< مدري اذا صحيح الاسم
علبته زهرية وعليها بنت سمرا شريت للشعر العادي
من اللي جربته تقولي الله يعافيكم قبل لا العب بشعري
وانا صابغه شعري وسمعت ان يخلي الشعر اسود صحيح او لا
ويقولو مو زين اصبغ شعري بعد ماحطة
يعني اذا سود شعري يصير اصبغه
الله يخليكم اللي جربت واللي اسمعت تسدحها هنا

التعليقات (7)

nonah al

24-01-2022 - 04:51 am

صراحة خيتو انا جربت الاكس تينسو من لوريال هي حلوة تفرد الشعر بس اتكسر لي من قدام و من ناحيات تانية صراحة انا بعذاب الحين بشعري لا اقدر اسويلو سشوار نهائي لانو ادا سويتو الشعيرات القصيرة اللي اتكسرت و بتطول الحين مع السشوار الله لا يوريكي وين بتطلع كاني صاعقتني كهرباء لول بس عن جد تعبت ليش ما اتجربي الحنا اللي بتفرد الشعر ما لها اضرار نهائي متل هالكريمات اخافك تندمي حبيبتي و الله بس ادا في وحدة جربت هالنوع و ما سوالها شي ارجو انها اتساعدك و اتقولك الطريقة كيف لانو ساعات تخرب بس ادا سويتي نفس الطريقة و بالتوفيق حبيبتي
الله ينعم لي شعري و شعرك ان شاءالله قولي امين ههه

غريم الكل

24-01-2022 - 05:52 am

لاتجربي على شعرك
بعد ماينتهي مفعول الفرد يصبح خشن

انووو

24-01-2022 - 06:53 am

اختي انا من مجرباته سابقا .. ومن قبل حوالي سنتين بطلته خلاص
لأن مامنه نفع غير النعومه والله اكذب عليك لو قلت لك انه تغذية أو قوة للشعر مستحيل .. ويبدأ يروح بعد حوالي 3أو4 شهور تقريبا تبدأ التجعيدات تطلع من بداية الجذور
وترجعين تحطين اذا ودك كمان
واذا استمريتي تحطينه كثير تحسين شعرك يضعف وتحسين مافيه روح وتعباان
عشان كذا انا بطلته كنت مضطره ايام الدراسه تعرفين الواحد ماله حيل يسشور ويشدشد في شعره لكن قلت بلاش من المواد الكيميائية الحاره طبعا لما تحطينه تحسين بحراره شوي في الفروة وقلت خليني اهتم بالزيوت افضل بكثير طبعا
المهم هوا يفرد صح ويخلي الشعر سايح مرة ... ومايسود الشعر بالعكس على نفس لونه مايتغير بس عشانه يصير هاجد وناعم تحسين كأنه سود اذا كان شعرك اسود لكن لامايسود من نفسه
وطبعا ماينفع ولايصلح تحطين صبغه بعده أو حتى قبله لازم تكون الفترة بينهم اقل اقل اقل شي 3شهور وياليت اكثر كمان
وهذي بالضبط تجربتي معاه لكن زي ماقلت لك بطلته من حوالي سنتين
ونصيحه مني بلاش منه
سوري عالاطاله ربي يشهد من قلبي حبيت انصحك
تقبلي مروري وتجربتي الشخصية

جوهرة بحر مكنون

24-01-2022 - 07:54 am

nonah al
ماقصرتي يالغلا
طيب بنات انا شعري مو خشن مرة
شعري عادي بس ينفش وحبيت اهجدة بافرد

agdan_m

24-01-2022 - 10:57 am

جوهرة بحر مكنون
شوفي حبيبتي خليك من الفرد اناكنت افرد نفس الفرد حقك وبعدين بطلتة من 8 شهور وقلت ماراح استخدام اي مواد كميائية وبديت سوي خلطات طبعية من الحناء والسدر والحمد الله شعري تحسن كثير وطال عن اول حتى نعومتة صارت طبعية مو مزيفه نلعب على انفسنا
حاولي انك تستغني عنة هذا من وجهة نظري
الله يوفقك وتقبلي مروري

المتفائلة بكل خير

24-01-2022 - 11:58 am

يعطيك العافية,,موفقة ان شالله
لااله الا الله محمدرسول الله
استغفرالله واتوب الية

الصمت الصامد**

24-01-2022 - 12:59 pm

والله الشئ الطبيعي افضل /كنت استخدمه وكان شعري باهت وتعبان وما يطول وبطلت منه من سنه تقريبا وصرت احط السدر مع اللبن مع صفار البيض مع المايونيز مرتين في الأسبوع وصار شعري يجن/
واللحين بدلت البلسلم بزيت حمام والله ممتاز
يعنى لو انت كسلانه وما تحبين الخرابيط بس استخدمي المايونيز ينعم ويجن

بنآت بليز آحد يقولى آيشش لون آلصبغه ذيآ بليز آدخلو لاتطنششونى←
الرجاء الرد ضروري ساعدوني→