تجربتي الناجحه مع مكواة السيراميك

السلام عليكم ورحمه الله وبركاته
اخبار الفراشات
اليوم جايبتلكم خبر يجن
هو صدق اني شريتها برمضان بس من ذاك الوقت وانا ودي اكتب تجربتي بس ماافضي (شكلي باخذ طراق كم شهر ساكته )
المهم انا من قصيت شعري وانا سوي بحث بافضل الشركات واحترت بين براون القديمه وبيبي ليس على مدح البنات
توكلت على الله ونويت اشتري براون رحت ساكو مالقيت الا الجديده رحت بنده برضو نفس القصه مافيه الا الجديده بغيت اطق
عاد حولنا على بيبي ليس جيت باشتريها لقيت كذا نوع فيه الرخيص والغالي والوسط عاد قلنا خير الامور الوسط (حكيمه بسم الله علي )
لقيت نوع ب125 وتركته
ونوع ب199 وتركته
واخذت اللي ب179ريال
حرارتها عاليه اقوى شي درجه 10
والحمدلله مره مرتاحه عليها كل ما غسلت شعري اخليه لين ينشف تماما تماما عشان يظبط وبعدين اكويه والف الاطراف بنفس الكواه كاني ممكرتها واذا كويته يقعد الشعر على حاله لين اغسله مره ثانيه يعني لا ينفش ولا شي
طبيعه شعري جاف حتى لما قلت باقص شعري بعض الناس قالو ماراح ينفع عشان شعرك خشن الحين خلهم ينقهرون خ
ام الظاهر ذكرت كل شي مابقي لاسئلتكم اجوبه
ايه عيوبها انها تطول على الشعر يعني الشعر لازم اقسمه خصل صغيره واكوي من الفروه لحد الاطراف بس انتبهي لا تحرقين فروتس قد سويتها
ادعولي ان الله يصلح عيالي ويسخرلي زجي
بانتظار اسئلكم ودعائكم