تجربتي مع الزيت الهندي للتاجره أم ميدوو وباسل بكل صدق وأمانه

بسم الله الرحمن الرحيم
قبل لا ابتدي اقسم بالله ان غرضي من هالموضوع هو فقط ذكر تجربتي بكل صدق وامانه وليس غرض آخر ..
انا يا بنات بشهر 11 هجري شفت هالرابط http://alfrasha.maktoob.com/alfrasha11/thread1463940/
وهو اللي حمسني اني اشتري الزيت الهندي من التاجره ام ميدوو وباسل
طلبتكم تدخلون الرابط وتقرون الكلام اللي كاتبته صاحبة الموضوع بكل تمعن ....!
ذكرت هالجمله ( بعد اسبوعين بالضبط والله الذي لااله الا هو وقف التساقط وطول شعري 5سم )
وهالجمله حمستني مره على الزيت ويوم طلبته من ام ميدوو وباسل قالت لي التساقط بيوقف من اول استخدام وتحمست زياده
الموهيم ..
استخدمته على شعري بتاريخ 22/11/1431 هجري ...
وما وقفته الا قبل يومين ,,, وماعاد اني راجعه له أبد ......
صار لي استخدمه شهر و19 يوم .... ما استفدت شي
إي والله .. اقسم بالله ما استفدت شي ...
شعري تساقط بشكل فضيع من اول مره ولحد ما وقفته وكنت اقول يمكن حق يومين ويوقف
الا والله متواصل وشعري خف بدل ما يكثر ..
من ناحية الطول والله والله مازاد شبر .... بخلاف اللي ذكرته صاحبة الموضوع ...
تجربه سلبيه ......
دورت بالمنتدى اي وحده استخدمته غير صاحبة الموضوع ومالقيت احد ...
علبة الزيت هي علبة زجاج من علب زيوت معاصر الأحلام ...
مكونات الزيت حسب ما استنتجتها واستنتجتها امي واختي بعد ووالله كل وحده استنتجت لوحدها
انه زيت لوز .. وزيت جنين القمح .. وفيه ريحه مو غريبه عليَه قد مرت بس ناسيه اسمها
لا هندي ولا يحزنون ...
وهنا اطالب التاجره ام ميدوو وباسل بانها تحلف بالله بأن هالزيوت اللي ذكرتها مو من مكونات الزيت !!!
وامانه امانه امانه يا بنات اوصيكم لا تشترون شي الا يوم تشوفون خلق كثير تمدحه وجربته مو وحده او 2 او 3 وطيران هيلا هوبا مثلي وتخسرون ........
وبس ...
وبالنسبه لطبيعة شعري .. فهو ناعم ولا دهني ولا جاف ... عادي ...
اترككم بأمان الله ...